Православный календарь на 02-08-2025
| Пн | Вт | Ср | Чт | Пт | Сб | Вс |
Пророка Илии (IX в. до Р. Х.).
Прп. Аврамия Галичского, Чухломского (1375). Обретение мощей прмч. Афанасия Брестского (1649).
Сщмч. Константина Словцова пресвитера (1918); сщмчч. Александра Архангельского, Георгия Никитина, Иоанна Стеблина-Каменского, Сергия Гортинского и Феодора Яковлева пресвитеров, прмчч. Тихона (Кречкова), Георгия (Пожарова), Кирилла (Вязникова) и мчч. Евфимия Гребенщикова и Петра Вязникова (1930); сщмч. Алексия Знаменского пресвитера (1938); прмч. Феодора (Абросимова) (1941).
Чухломской, или Галичской (1350), Абалакской («Знамение») (1637) и Оршанской (1631) икон Божией Матери.
Чтения дня
Луки 4:22-30 (на утрене) Иакова 5:10-20 Луки 4:22-30 Римлянам 13:1-10Матфея 12:30-37
Христианин есть тот, кто, сколько возможно человеку, подражает Христу словами, делами и помышлениями.
Прп. Иоанн Лествичник
Пророка Илии
Тропарь, глас 4
Во пло́ти А́нгел,/ проро́ков основа́ние,/ вторы́й Предте́ча прише́ствия Христо́ва, Илия́ сла́вный,/ свы́ше посла́вый Елиссе́еви благода́ть/ неду́ги отгоня́ти/ и прокаже́нныя очища́ти,// те́мже и почита́ющим его́ то́чит исцеле́ния.
Кондак, глас 2
Проро́че и прови́дче вели́ких дел Бо́га на́шего,/ Илие́ великоимени́те,/ веща́нием твои́м уста́вивый водото́чныя о́блаки,// моли́ о нас Еди́наго Человеколю́бца.
Величание
Велича́ем тя,/ святы́й проро́че Бо́жий Илие́,/ и почитаем е́же на колесни́це о́гненней,// пресла́вное восхожде́ние твое́.
Преподобного Аврамия Галичского, Чухломского
Тропарь, глас 4
От мирска́го мяте́жа изше́д,/ в ти́хое приста́нище, преподо́бнаго Се́ргия оби́тель, прите́кл еси́,/ и та́мо равноа́нгельное житие́ пожи́в,/ во страну́ Га́личскую прише́л еси́,/ иде́же ве́ру Христо́ву насажда́я/ и новокреще́нныя лю́ди от суеве́рий пога́нских очища́я,/ мно́ги и вели́ки по́двиги подъял еси́,/ и оби́тели четы́ри созда́в,/ и́ноков ли́ки до́бре упа́сл еси́/ и ко Христу́ Спа́су приве́л еси́,/ Его́же моли́, преподо́бне о́тче Авраа́мие, спасти́ ду́ши на́ша.
Кондак, глас 8
В оби́тели Се́ргия преподо́бнаго житию́ и́ноческому до́бре навы́к,/ вя́щшаго ра́ди безмо́лвия и по́двига/ в пусты́ню удали́тися возжеле́л еси́,/ и, Ду́хом Бо́жиим води́м,/ в преде́лы земли́ Га́личския прише́л еси́,/ и та́мо в пусты́ни ико́ну Ма́тере Госпо́дни чуде́сно обре́л еси́,/ с Не́юже вели́кая и сла́вная соверши́в,/ да́же до преде́л Чухло́мских дости́гл еси́/ и отсю́ду в ра́йския оби́тели всели́лся еси́,/ Авраа́мие Богоно́се, о́тче наш.
Величание
Ублажа́ем тя,/ преподо́бне о́тче Авра́мие,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Преподобномученика Афанасия Брестского
Тропарь, глас 2
Блаже́н еси́, о́тче наш Афана́сие,/ я́ко ве́рно пожи́л еси́, стоя́ бо́дренно за Святу́ю Правосла́вную ве́ру,/ со умиле́нием при́сно поя́ неседа́льное Пречи́стей,/ запове́дуя никому́же наруша́ти Правосла́вныя ве́ры святы́я,/ пострада́в за свиде́тельство и́стины да́же до сме́рти./ Мы же, чту́ще святы́ню твою́,/ со дерзнове́нием взыва́ем ти: о́тче наш, преподобному́чениче Афана́сие, похвало́ и украше́ние на́ше.
Кондак, глас 4
Мона́шескаго жития́ украше́ние и му́чеников красоту́ яви́л себе́ житие́м твои́м, Афана́сие,/ и я́ко со́лнце пресве́тлое лю́дям правосла́вным возсия́л еси́./ Те́мже и Христо́с да́ром чуде́с обогати́ тя;/ да чту́ще пресве́тлую па́мять твою́, зове́м ти:/ помина́й ста́до твое́ моли́твами твои́ми, преподо́бне.
Ин кондак, глас 2
Я́ко по́стника благоче́стна и иску́сна,/ и страда́льца произволе́нием че́стна,/ и пусты́ни жи́теля сообра́зна,/ в пе́снех досто́йно хва́лим Афана́сия приснохва́льнаго,/ той бо зми́я попра́л есть.
Величание
Ублажа́ем тя,/ преподобному́чениче Афана́сие,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Божией Матери пред иконой Ее Абалацкой («Знамение»)
Тропарь, глас 4
Я́ко необори́мую сте́ну и исто́чник чуде́с/ стяжа́вше Тя раби́ Твои́,/ Богоро́дице Пречи́стая,/ сопроти́вных ополче́ния низлага́ем./ Те́мже мо́лим Тя:/ мир гра́ду Твоему́ да́руй/ и душа́м на́шим ве́лию ми́лость.
Кондак, глас 4
Честна́го о́браза Твоего́ зна́мение/ пра́зднующе лю́дие Твои́, Богороди́тельнице,/ и́мже ди́вную побе́ду на сопроти́вныя гра́ду Твоему́ дарова́ла еси́./ Те́мже Тебе́ ве́рою взыва́ем:/ ра́дуйся, Де́во, христиа́н похвало́.
Величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния/ всем с ве́рою притека́ющим.
Ино величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже ди́вную побе́ду на сопроти́вныя/ гра́ду Твоему́ дарова́ла еси́.
Божией Матери пред иконой Ее Оршанской
Тропарь, глас 4
Днесь светло красуется древний град Орша, яко зарю солнечную восприимши, Владычице чудотворную твою икону, от неяже помощь явила еси святому Афанасию в скорбех, и Спиридону печатнику поддержка и утешение была еси, Обителям иноческим заступление и покров, и всем прибегающим к иконе твоей милостивая Мати, к нейже ныне и мы припадаем и тепле вопием: О, причудная Владычице Богородице, молися из тебе воплощенному Христу Богу нашему, да спасет души наша яко милосерд.
Величание
Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем, с верою притекающим.
Пророка Илии
Тропарь, глас 4
Во пло́ти А́нгел,/ проро́ков основа́ние,/ вторы́й Предте́ча прише́ствия Христо́ва, Илия́ сла́вный,/ свы́ше посла́вый Елиссе́еви благода́ть/ неду́ги отгоня́ти/ и прокаже́нныя очища́ти,// те́мже и почита́ющим его́ то́чит исцеле́ния.
Кондак, глас 2
Проро́че и прови́дче вели́ких дел Бо́га на́шего,/ Илие́ великоимени́те,/ веща́нием твои́м уста́вивый водото́чныя о́блаки,// моли́ о нас Еди́наго Человеколю́бца.
Величание
Велича́ем тя,/ святы́й проро́че Бо́жий Илие́,/ и почитаем е́же на колесни́це о́гненней,// пресла́вное восхожде́ние твое́.
Преподобного Аврамия Галичского, Чухломского
Тропарь, глас 4
От мирска́го мяте́жа изше́д,/ в ти́хое приста́нище, преподо́бнаго Се́ргия оби́тель, прите́кл еси́,/ и та́мо равноа́нгельное житие́ пожи́в,/ во страну́ Га́личскую прише́л еси́,/ иде́же ве́ру Христо́ву насажда́я/ и новокреще́нныя лю́ди от суеве́рий пога́нских очища́я,/ мно́ги и вели́ки по́двиги подъял еси́,/ и оби́тели четы́ри созда́в,/ и́ноков ли́ки до́бре упа́сл еси́/ и ко Христу́ Спа́су приве́л еси́,/ Его́же моли́, преподо́бне о́тче Авраа́мие, спасти́ ду́ши на́ша.
Кондак, глас 8
В оби́тели Се́ргия преподо́бнаго житию́ и́ноческому до́бре навы́к,/ вя́щшаго ра́ди безмо́лвия и по́двига/ в пусты́ню удали́тися возжеле́л еси́,/ и, Ду́хом Бо́жиим води́м,/ в преде́лы земли́ Га́личския прише́л еси́,/ и та́мо в пусты́ни ико́ну Ма́тере Госпо́дни чуде́сно обре́л еси́,/ с Не́юже вели́кая и сла́вная соверши́в,/ да́же до преде́л Чухло́мских дости́гл еси́/ и отсю́ду в ра́йския оби́тели всели́лся еси́,/ Авраа́мие Богоно́се, о́тче наш.
Величание
Ублажа́ем тя,/ преподо́бне о́тче Авра́мие,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Преподобномученика Афанасия Брестского
Тропарь, глас 2
Блаже́н еси́, о́тче наш Афана́сие,/ я́ко ве́рно пожи́л еси́, стоя́ бо́дренно за Святу́ю Правосла́вную ве́ру,/ со умиле́нием при́сно поя́ неседа́льное Пречи́стей,/ запове́дуя никому́же наруша́ти Правосла́вныя ве́ры святы́я,/ пострада́в за свиде́тельство и́стины да́же до сме́рти./ Мы же, чту́ще святы́ню твою́,/ со дерзнове́нием взыва́ем ти: о́тче наш, преподобному́чениче Афана́сие, похвало́ и украше́ние на́ше.
Кондак, глас 4
Мона́шескаго жития́ украше́ние и му́чеников красоту́ яви́л себе́ житие́м твои́м, Афана́сие,/ и я́ко со́лнце пресве́тлое лю́дям правосла́вным возсия́л еси́./ Те́мже и Христо́с да́ром чуде́с обогати́ тя;/ да чту́ще пресве́тлую па́мять твою́, зове́м ти:/ помина́й ста́до твое́ моли́твами твои́ми, преподо́бне.
Ин кондак, глас 2
Я́ко по́стника благоче́стна и иску́сна,/ и страда́льца произволе́нием че́стна,/ и пусты́ни жи́теля сообра́зна,/ в пе́снех досто́йно хва́лим Афана́сия приснохва́льнаго,/ той бо зми́я попра́л есть.
Величание
Ублажа́ем тя,/ преподобному́чениче Афана́сие,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Божией Матери пред иконой Ее Абалацкой («Знамение»)
Тропарь, глас 4
Я́ко необори́мую сте́ну и исто́чник чуде́с/ стяжа́вше Тя раби́ Твои́,/ Богоро́дице Пречи́стая,/ сопроти́вных ополче́ния низлага́ем./ Те́мже мо́лим Тя:/ мир гра́ду Твоему́ да́руй/ и душа́м на́шим ве́лию ми́лость.
Кондак, глас 4
Честна́го о́браза Твоего́ зна́мение/ пра́зднующе лю́дие Твои́, Богороди́тельнице,/ и́мже ди́вную побе́ду на сопроти́вныя гра́ду Твоему́ дарова́ла еси́./ Те́мже Тебе́ ве́рою взыва́ем:/ ра́дуйся, Де́во, христиа́н похвало́.
Величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния/ всем с ве́рою притека́ющим.
Ино величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже ди́вную побе́ду на сопроти́вныя/ гра́ду Твоему́ дарова́ла еси́.
Божией Матери пред иконой Ее Оршанской
Тропарь, глас 4
Днесь светло красуется древний град Орша, яко зарю солнечную восприимши, Владычице чудотворную твою икону, от неяже помощь явила еси святому Афанасию в скорбех, и Спиридону печатнику поддержка и утешение была еси, Обителям иноческим заступление и покров, и всем прибегающим к иконе твоей милостивая Мати, к нейже ныне и мы припадаем и тепле вопием: О, причудная Владычице Богородице, молися из тебе воплощенному Христу Богу нашему, да спасет души наша яко милосерд.
Величание
Величаем Тя, Пресвятая Дево, Богоизбранная Отроковице, и чтим образ Твой святый, имже точиши исцеления всем, с верою притекающим.