Православный календарь на 10-12-2024
| Пн | Вт | Ср | Чт | Пт | Сб | Вс |
Вмч. Иакова Персянина (421). Прп. Палладия (VI–VII). Свт. Иакова, еп. Ростовского (1392). Обретение мощей блгв. кн. Новгородского Всеволода, во Святом Крещении Гавриила, Псковского, чудотворца (1192). Блж. Андрея Симбирского (1841). Собор новомучеников и исповедников Радонежских.
Прмчч. монахов 17-ти в Индии (IV). Прп. Романа (V).
Сщмчч. Николая, архиеп. Владимирского, Василия Соколова, Бориса Ивановского, Феодора Дорофеева, Николая Андреева, Алексия Сперанского, Иоанна Глазкова, Сергия Аманова, Иоанна Хрусталева, Сергия Бредникова, Николая Покровского, Димитрия Беляева, Владимира Смирнова, Иоанна Смирнова пресвитеров, прмчч. Иоасафа (Боева), Кронида (Любимова), Николая (Салтыкова), Ксенофонта (Бондаренко), Алексия (Гаврина), Аполлоса (Федосеева), Серафима (Крестьянинова), Никона (Беляева) и мч. Иоанна Емельянова (1937).
Иконы Божией Матери, именуемой «Знамение». Знамение Пресвятой Богородицы, бывшее в Новгороде Великом в 1170 году.
Икон Божией Матери «Знамение»: Курской-Коренной (1295), Абалакской (1637), Царскосельской, Серафимо-Понетаевской (1879), Верхнетагильской (1753) и именуемой «Корчемная» (XVIII).
Чтения дня
Луки 1:39-49, 56 (на утрене) 2 Солунянам 1:10-2:2 Луки 19:45-48
Евреям 9:1-7 (Богородице)
Луки 10:38-42; 11:27-28 (Богородице)
Кто имеет беспристрастную святую любовь о Христе, тот стремится, летит, всегда радуется, свободен, ничто не связывает его…
Прп. Гавриил Седмиозерский (Зырянов)
Божией Матери пред иконой Ее «Знамение»
Тропарь, глас 4
Я́ко необори́мую сте́ну и исто́чник чуде́с/ стяжа́вше Тя, раби́ Твои́,/ Богоро́дице Пречи́стая,/ сопроти́вных ополче́ния низлага́ем./ Те́мже мо́лим Тя:/ мир гра́ду Твоему́ да́руй// и душа́м на́шим ве́лию ми́лость.
Кондак, глас 4
Честна́го о́браза Твоего́ зна́мение/ пра́зднующе лю́дие Твои́, Богороди́тельнице,/ и́мже ди́вную побе́ду на сопроти́вныя гра́ду Твоему́ дарова́ла еси́,/ те́мже Тебе́ ве́рою взыва́ем:// ра́дуйся, Де́во, христиа́н похвало́.
Величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния/ всем с ве́рою притека́ющим.
Ино величание
Досто́йно есть блажи́ти Тя,/ Богоро́дице Де́во,/ честне́йшую Херуви́м/ и сла́внейшую без сравне́ния Серафи́м.
Или: Песнь вся́ку духо́вную принесе́м Богоро́дице.
Ино величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже ди́вную побе́ду на сопроти́вныя/ гра́ду Твоему́ дарова́ла еси́.
Ино величание
Велича́ем Тя,/ Пресвята́я Де́во,/ и чтим о́браз Твой честны́й,/ и́мже показа́ла еси́/ пресла́вное зна́мение.
Ино величание, иже в Великом Новеграде
Вели́чаем Тя,/ Пресвята́я Де́во,/ и чтим о́браз Твой честны́й,/ и́мже побе́ду на враги́ дарова́/ гра́ду на́шему.
Великомученика Иакова Персянина
Тропарь, глас 4
Му́ченик Твой, Го́споди, Иа́ков/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами// спаси́ ду́ши на́ша.
Ин тропарь, глас 4
Муче́нии странноужа́сными и до́блестию терпе́ния/ всех преудиви́л еси́, многострада́льне,/ над ко́имждо соста́вом удеси́ ре́зания,/ благода́рны мольбы́ преди́вне изре́кл еси́ Го́споду./ Тем, во страда́нии твое́м вене́ц прие́м,/ к Престо́лу возше́л еси́ Небе́снаго Царя́ Христа́ Бо́га, Иа́кове,// Того́ моли́ спасти́ ду́ши на́ша.
Кондак, глас 2
Уве́рився до́брою сопру́жницею, терпеливоду́шне,/ и Стра́шнаго Суди́ща убоя́вся,/ пе́рсское повеле́ние и страх, Иа́кове, поплева́л еси́/ и яви́лся еси́ му́ченик честны́й,// те́лом, я́ко розга́, ре́жемь.
Величание
Велича́ем тя,/ страстоте́рпче святы́й Иа́кове,/ и чтим честна́я страда́ния твоя́,/ я́же за Христа́/ претерпе́л еси́.
Преподобного Палладия Александрийского
Тропарь, глас 1
Мона́шествовав Богоуго́дно, Богоно́сне о́тче наш,/ моли́твою и посто́м Бо́га взыска́л еси́/ и был еси́ прия́телище чи́сто Ду́ха,/ блиста́я ве́рным доброде́тельныя зари́,/ и́миже просвеща́еши вся чту́щия тя./ Сла́ва просла́влыиему тя Христу́,/ сла́ва Укре́плыпему тя,/ сла́ва Де́йствующему тобо́ю всем исцеле́ние.
Кондак, глас 2
Чистото́ю душе́вною боже́ственне вооружи́вся,/ и непреста́нныя моли́твы я́ко копие́ вручи́в кре́пко,/ пробо́л еси́ бесо́вская ополче́ния,/ Палла́дие, о́тче наш,// моли́ непреста́нно о всех нас.
Величание
Ублажа́ем тя,/ преподо́бне о́тче Палла́дие,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Святителя Иакова, епископа Ростовского
Тропарь, глас 4
Избра́н от ю́ности Бо́гови быв,/ святи́телю Иа́кове,/ сего́ ра́ди архиере́йства са́ном почте́н,/ упа́сл еси́ лю́ди, я́же тебе́ Бо́гом вруче́нныя,/ те́мже и по преставле́нии/ чуде́с дарова́ния от Бо́га прия́л еси́/ исцеля́ти разли́чныя недуги./ Моли́ о нас, соверша́юших честную па́мять твою́,// да тебе́ непреста́нно велича́ем.
Кондак, глас 8
Я́ко архиере́ев сопресто́льник/ и святи́телем изря́дный побо́рник был еси́, святи́телю Иа́кове,/ непреста́нно сохраня́й оте́чество твое́, град же и лю́ди,/ тебе́ ве́рою почита́ющия и честны́м моще́м твои́м покланя́ющияся,// да велегла́сно тебе́ вопие́м:/ ра́дуйся, Иа́кове Богому́дре.
Величание
Велича́ем тя,/ святи́телю о́тче Иа́кове,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Благоверного князя Новгородского Всеволода, во Святом Крещении Гавриила,
Псковского, чудотворца
Тропарь, глас 4
Наста́ днесь всечестны́й но́вый пра́здник,/ обре́тение честны́х моще́й/ блаже́ннаго кня́зя Гаврии́ла,/ веселя́щи изря́дно всех благочести́вых мно́жества,/ те́мже вси ве́рнии,/ соше́дшеся во святы́й храм Живонача́льныя Тро́ицы, возопие́м:/ блаже́нне кня́же Гаврии́ле,/ име́я дерзнове́ние ко Христу́ Бо́гу,/ моли́ спасти́ся пра́зднующим любо́вию па́мять твою́.
Кондак, глас 8
Возвесели́ся Христо́ва це́рковь,/ иму́щи в себе́ исто́чника чудесе́м оби́льна./ Днесь, любо́вию соше́дшеся в тя, лю́дие твои́,/ во обре́тение честны́х моще́й блаже́ннаго кня́зя Гаврии́ла,/ воспое́м песнь еди́ному Бо́гу в Тро́ице, ра́дующеся,/ сподо́бльшаго нас ви́дети пречестно́е сокро́вище, мо́щи его́,/ от мног лет сокрове́нны, напосле́док же нам явле́ны./ я́ко да моли́твами его́ к Бо́гу от всех находя́щих зол изба́вимся/ и ра́достною душе́ю и весе́лием се́рдца/ благода́рная воспое́м, глаго́люще:/ ра́дуйся, утвержде́ние гра́ду на́шему.
Величание
Велича́ем тя,/ благове́рный кня́же Гаврии́ле,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Ино величание
Ублажа́ем тя,/ благове́рный кня́же Гаврии́ле,/ и чтим обре́тение честны́х моще́й твои́х,/ и ны́не мо́лиши за нас/ Христа́ Бо́га на́шего.
Божией Матери пред иконой Ее «Знамение» Курская-Коренная
Тропарь, глас 4
Я́ко необори́мую сте́ну и исто́чник чуде́с/ стяжа́вше Тя раби́ Твои́,/ Богоро́дице пречи́стая,/ сопроти́вных ополче́ния низлага́ем./ Те́мже мо́лим Тя:/ мир гра́ду Твоему́ да́руй// и душа́м на́шим ве́лию ми́лость.
Кондак, глас 4
Честна́го о́браза Твоего́ зна́мение/ пра́зднующе лю́дие Твои́, Богороди́тельнице,/ и́мже ди́вную побе́ду на сопроти́вныя гра́ду Твоему́ дарова́ла еси́./ Те́мже Тебе́ ве́рою взыва́ем:// ра́дуйся, Де́во, христиа́н похвало́.
Величание
Велича́ем Тя,/ Пресвята́я Де́во,/ и чтим о́браз Твой честны́й,/ и́мже показа́ла еси́// пресла́вное зна́мение.
Божией Матери пред иконой Ее «Знамение» Абалакская
Тропарь, глас 4
Днесь, я́ко со́лнце незаходи́мое,/ све́тло сия́ет о́браз Твой, Пречи́стая,/ в ве́си Абала́кской на возду́се/ вдови́це чу́дне яви́вшийся./ И мы, припа́дающе к нему́,/ Богоро́дице уми́льно вопие́м:/ о, Всепе́тая Влады́чице,/ мир оби́тели Твое́й да́руй// и душа́м на́шим ве́лию ми́лость.
Кондак, глас 4
Ева́нгелия Христо́ва благове́стник Лука́/ о́бразы Твоя́, Пречи́стая, дре́вле изобрази́,/ вдови́ца же, еди́н от них чу́дне узре́вши,/ возвести́ нам повеле́ние Твое́,/ да ве́рнии, к Тебе́ притека́юще, зову́т:/ ра́дуйся, Влады́чице,// Зна́мение ми́лости Твоея́ нам явля́ющая.
Ин кондак, глас 4
Абала́кской ико́не Влады́чицы на́шей Богоро́дицы,/ благогове́йно поклоня́ющеся,/ со умиле́нием взыва́ем:/ спаси́ нас моли́твами Твои́ми,// Пресвята́я Де́во.
Величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния// всем с ве́рою притека́ющим.
Божией Матери пред иконой Ее «Знамение» именуемая «Корчемная»
Тропарь, глас 4
Я́ко необори́мую сте́ну и исто́чник чуде́с/ стяжа́вше Тя раби́ Твои́,/ Богоро́дице пречи́стая,/ сопроти́вных ополче́ния низлага́ем./ Те́мже мо́лим Тя:/ мир гра́ду Твоему́ да́руй// и душа́м на́шим ве́лию ми́лость.
Кондак, глас 4
Честна́го о́браза Твоего́ зна́мение/ пра́зднующе лю́дие Твои́, Богороди́тельнице,/ и́мже ди́вную побе́ду на сопроти́вныя гра́ду Твоему́ дарова́ла еси́./ Те́мже Тебе́ ве́рою взыва́ем:// ра́дуйся, Де́во, христиа́н похвало́.
Величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния// всем с ве́рою притека́ющим.
Божией Матери пред иконой Ее «Знамение»
Тропарь, глас 4
Я́ко необори́мую сте́ну и исто́чник чуде́с/ стяжа́вше Тя, раби́ Твои́,/ Богоро́дице Пречи́стая,/ сопроти́вных ополче́ния низлага́ем./ Те́мже мо́лим Тя:/ мир гра́ду Твоему́ да́руй// и душа́м на́шим ве́лию ми́лость.
Кондак, глас 4
Честна́го о́браза Твоего́ зна́мение/ пра́зднующе лю́дие Твои́, Богороди́тельнице,/ и́мже ди́вную побе́ду на сопроти́вныя гра́ду Твоему́ дарова́ла еси́,/ те́мже Тебе́ ве́рою взыва́ем:// ра́дуйся, Де́во, христиа́н похвало́.
Величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния/ всем с ве́рою притека́ющим.
Ино величание
Досто́йно есть блажи́ти Тя,/ Богоро́дице Де́во,/ честне́йшую Херуви́м/ и сла́внейшую без сравне́ния Серафи́м.
Или: Песнь вся́ку духо́вную принесе́м Богоро́дице.
Ино величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже ди́вную побе́ду на сопроти́вныя/ гра́ду Твоему́ дарова́ла еси́.
Ино величание
Велича́ем Тя,/ Пресвята́я Де́во,/ и чтим о́браз Твой честны́й,/ и́мже показа́ла еси́/ пресла́вное зна́мение.
Ино величание, иже в Великом Новеграде
Вели́чаем Тя,/ Пресвята́я Де́во,/ и чтим о́браз Твой честны́й,/ и́мже побе́ду на враги́ дарова́/ гра́ду на́шему.
Великомученика Иакова Персянина
Тропарь, глас 4
Му́ченик Твой, Го́споди, Иа́ков/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами// спаси́ ду́ши на́ша.
Ин тропарь, глас 4
Муче́нии странноужа́сными и до́блестию терпе́ния/ всех преудиви́л еси́, многострада́льне,/ над ко́имждо соста́вом удеси́ ре́зания,/ благода́рны мольбы́ преди́вне изре́кл еси́ Го́споду./ Тем, во страда́нии твое́м вене́ц прие́м,/ к Престо́лу возше́л еси́ Небе́снаго Царя́ Христа́ Бо́га, Иа́кове,// Того́ моли́ спасти́ ду́ши на́ша.
Кондак, глас 2
Уве́рився до́брою сопру́жницею, терпеливоду́шне,/ и Стра́шнаго Суди́ща убоя́вся,/ пе́рсское повеле́ние и страх, Иа́кове, поплева́л еси́/ и яви́лся еси́ му́ченик честны́й,// те́лом, я́ко розга́, ре́жемь.
Величание
Велича́ем тя,/ страстоте́рпче святы́й Иа́кове,/ и чтим честна́я страда́ния твоя́,/ я́же за Христа́/ претерпе́л еси́.
Преподобного Палладия Александрийского
Тропарь, глас 1
Мона́шествовав Богоуго́дно, Богоно́сне о́тче наш,/ моли́твою и посто́м Бо́га взыска́л еси́/ и был еси́ прия́телище чи́сто Ду́ха,/ блиста́я ве́рным доброде́тельныя зари́,/ и́миже просвеща́еши вся чту́щия тя./ Сла́ва просла́влыиему тя Христу́,/ сла́ва Укре́плыпему тя,/ сла́ва Де́йствующему тобо́ю всем исцеле́ние.
Кондак, глас 2
Чистото́ю душе́вною боже́ственне вооружи́вся,/ и непреста́нныя моли́твы я́ко копие́ вручи́в кре́пко,/ пробо́л еси́ бесо́вская ополче́ния,/ Палла́дие, о́тче наш,// моли́ непреста́нно о всех нас.
Величание
Ублажа́ем тя,/ преподо́бне о́тче Палла́дие,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Святителя Иакова, епископа Ростовского
Тропарь, глас 4
Избра́н от ю́ности Бо́гови быв,/ святи́телю Иа́кове,/ сего́ ра́ди архиере́йства са́ном почте́н,/ упа́сл еси́ лю́ди, я́же тебе́ Бо́гом вруче́нныя,/ те́мже и по преставле́нии/ чуде́с дарова́ния от Бо́га прия́л еси́/ исцеля́ти разли́чныя недуги./ Моли́ о нас, соверша́юших честную па́мять твою́,// да тебе́ непреста́нно велича́ем.
Кондак, глас 8
Я́ко архиере́ев сопресто́льник/ и святи́телем изря́дный побо́рник был еси́, святи́телю Иа́кове,/ непреста́нно сохраня́й оте́чество твое́, град же и лю́ди,/ тебе́ ве́рою почита́ющия и честны́м моще́м твои́м покланя́ющияся,// да велегла́сно тебе́ вопие́м:/ ра́дуйся, Иа́кове Богому́дре.
Величание
Велича́ем тя,/ святи́телю о́тче Иа́кове,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Благоверного князя Новгородского Всеволода, во Святом Крещении Гавриила,
Псковского, чудотворца
Тропарь, глас 4
Наста́ днесь всечестны́й но́вый пра́здник,/ обре́тение честны́х моще́й/ блаже́ннаго кня́зя Гаврии́ла,/ веселя́щи изря́дно всех благочести́вых мно́жества,/ те́мже вси ве́рнии,/ соше́дшеся во святы́й храм Живонача́льныя Тро́ицы, возопие́м:/ блаже́нне кня́же Гаврии́ле,/ име́я дерзнове́ние ко Христу́ Бо́гу,/ моли́ спасти́ся пра́зднующим любо́вию па́мять твою́.
Кондак, глас 8
Возвесели́ся Христо́ва це́рковь,/ иму́щи в себе́ исто́чника чудесе́м оби́льна./ Днесь, любо́вию соше́дшеся в тя, лю́дие твои́,/ во обре́тение честны́х моще́й блаже́ннаго кня́зя Гаврии́ла,/ воспое́м песнь еди́ному Бо́гу в Тро́ице, ра́дующеся,/ сподо́бльшаго нас ви́дети пречестно́е сокро́вище, мо́щи его́,/ от мног лет сокрове́нны, напосле́док же нам явле́ны./ я́ко да моли́твами его́ к Бо́гу от всех находя́щих зол изба́вимся/ и ра́достною душе́ю и весе́лием се́рдца/ благода́рная воспое́м, глаго́люще:/ ра́дуйся, утвержде́ние гра́ду на́шему.
Величание
Велича́ем тя,/ благове́рный кня́же Гаврии́ле,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Ино величание
Ублажа́ем тя,/ благове́рный кня́же Гаврии́ле,/ и чтим обре́тение честны́х моще́й твои́х,/ и ны́не мо́лиши за нас/ Христа́ Бо́га на́шего.
Божией Матери пред иконой Ее «Знамение» Курская-Коренная
Тропарь, глас 4
Я́ко необори́мую сте́ну и исто́чник чуде́с/ стяжа́вше Тя раби́ Твои́,/ Богоро́дице пречи́стая,/ сопроти́вных ополче́ния низлага́ем./ Те́мже мо́лим Тя:/ мир гра́ду Твоему́ да́руй// и душа́м на́шим ве́лию ми́лость.
Кондак, глас 4
Честна́го о́браза Твоего́ зна́мение/ пра́зднующе лю́дие Твои́, Богороди́тельнице,/ и́мже ди́вную побе́ду на сопроти́вныя гра́ду Твоему́ дарова́ла еси́./ Те́мже Тебе́ ве́рою взыва́ем:// ра́дуйся, Де́во, христиа́н похвало́.
Величание
Велича́ем Тя,/ Пресвята́я Де́во,/ и чтим о́браз Твой честны́й,/ и́мже показа́ла еси́// пресла́вное зна́мение.
Божией Матери пред иконой Ее «Знамение» Абалакская
Тропарь, глас 4
Днесь, я́ко со́лнце незаходи́мое,/ све́тло сия́ет о́браз Твой, Пречи́стая,/ в ве́си Абала́кской на возду́се/ вдови́це чу́дне яви́вшийся./ И мы, припа́дающе к нему́,/ Богоро́дице уми́льно вопие́м:/ о, Всепе́тая Влады́чице,/ мир оби́тели Твое́й да́руй// и душа́м на́шим ве́лию ми́лость.
Кондак, глас 4
Ева́нгелия Христо́ва благове́стник Лука́/ о́бразы Твоя́, Пречи́стая, дре́вле изобрази́,/ вдови́ца же, еди́н от них чу́дне узре́вши,/ возвести́ нам повеле́ние Твое́,/ да ве́рнии, к Тебе́ притека́юще, зову́т:/ ра́дуйся, Влады́чице,// Зна́мение ми́лости Твоея́ нам явля́ющая.
Ин кондак, глас 4
Абала́кской ико́не Влады́чицы на́шей Богоро́дицы,/ благогове́йно поклоня́ющеся,/ со умиле́нием взыва́ем:/ спаси́ нас моли́твами Твои́ми,// Пресвята́я Де́во.
Величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния// всем с ве́рою притека́ющим.
Божией Матери пред иконой Ее «Знамение» именуемая «Корчемная»
Тропарь, глас 4
Я́ко необори́мую сте́ну и исто́чник чуде́с/ стяжа́вше Тя раби́ Твои́,/ Богоро́дице пречи́стая,/ сопроти́вных ополче́ния низлага́ем./ Те́мже мо́лим Тя:/ мир гра́ду Твоему́ да́руй// и душа́м на́шим ве́лию ми́лость.
Кондак, глас 4
Честна́го о́браза Твоего́ зна́мение/ пра́зднующе лю́дие Твои́, Богороди́тельнице,/ и́мже ди́вную побе́ду на сопроти́вныя гра́ду Твоему́ дарова́ла еси́./ Те́мже Тебе́ ве́рою взыва́ем:// ра́дуйся, Де́во, христиа́н похвало́.
Величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния// всем с ве́рою притека́ющим.