Православный календарь на 15-12-2025
| Пн | Вт | Ср | Чт | Пт | Сб | Вс |
Седмица 28-я по Пятидесятнице (ев. чтения 29-й седмицы). Прор. Аввакума (VII в. до Р. Х.).
Прп. Афанасия, затворника Печерского, в Ближних пещерах (ок. 1176), и другого Афанасия, затворника Печерского, в Дальних пещерах (XIII). Мц. Миропии (ок. 251). Прпп. Иоанна, Ираклемона, Андрея и Феофила (IV). Прп. Исе (Иессея), еп. Цилканского (VI) (Груз.). Св. Стефана Уроша, царя Сербского (1367).
Сщмч. Матфея Александрова пресвитера (1921); сщмч. Димитрия Благовещенского пресвитера и прп. Веры (Графовой) исп. (1932); сщмч. Алексия, архиеп. Великоустюжского, сщмчч. Константина Некрасова, Николая Заболотского, Сергия Кудрявцева, Владимира Проферансова, Иоанна Державина, Феодора Алексинского, Николая Виноградского, Иоанна Днепровского, Николая Сафонова, Павла Понятского, Сергия Фелицына пресвитеров, прмчч. Данакта (Калашникова), Космы (Магды), прмцц. Маргариты (Закачуриной), Тамары (Проворкиной), Антонины (Степановой) и Нимфодоры (Журавлевой), мц. Матроны Конюховой (1937); прмц. Марии (Цейтлин) (1938); мч. Бориса Успенского (1942).
Иконы Божией Матери, именуемой «Герондисса».
Чтения дня
2 Тимофею 2:20-26 Луки 20:27-44
Не будем тщеславиться, ибо тщеславный — бесплатный работник. Труд несет, а награды не получает.
Прп. Гавриил Седмиозерский (Зырянов)
Пророка Аввакума
Тропарь, глас 2
Проро́ка Твоего́ Авваку́ма па́мять, Го́споди, пра́зднующе,/ тем Тя мо́лим:/ спаси́ ду́ши на́ша.
Кондак, глас 8
Возгласи́вый вселе́нней от ю́га прише́ствие Бо́жие от Де́вы, Авваку́ме богоглаго́ливе,/ и на Боже́ственней стра́жи предстоя́нием/ слы́шания от светоно́сна А́нгела/ Христо́во Воскресе́ние возвести́л еси́ ми́ру,/ сего́ ра́ди ве́село зове́м ти:// ра́дуйся, проро́ков све́тлая добро́то.
Величание
Велича́ем тя,/ проро́че Бо́жий Авваку́ме,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Преподобного Афанасия, затворника Печерского, в Ближних пещерах
Тропарь, глас 3
Блаже́нство пла́чущих получи́ти жела́я,/день и нощь непреста́нно пла́кал еси́,/ име́я во уме́ час Су́дный,/ тем по кончи́не твое́й обре́л еси́ утеше́ние на Небеси́,/ преподо́бне Афана́сие./ Пода́ждь и нам пла́катися зде грехо́в на́ших вы́ну,/ я́ко да пла́ча безконе́чнаго избы́вше,/ та́мо прии́мем ве́чное утеше́ние.
Кондак, глас 5
Я́ко безсме́ртия тезоимени́т,/ по уме́ртвии свое́м воста́л еси́ жив,/ показу́я же, я́ко зело́ лю́та есть смерть, пла́кался еси́ го́рько./ Ны́не обре́тши неконча́емую ра́дость,/ моли́ся о нас, я́ко да пла́ча ве́чнаго избу́дем.
Величание
Ублажа́ем тя,/ преподо́бне о́тче Афана́сие,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Преподобного Афанасия, затворника Печерского, в Дальних пещерах
Тропарь, глас 7
По и́мени своему́ за труды́ ве́лия/ и всегда́шнее зде умерщвле́ние пло́ти в затво́ре,/ безсме́ртную ны́не на Небеси́/ жизнь насле́довавый,/ мо́лим тя приле́жно:/ моли́ся о нас,// я́ко да и мы тоя́жде сподо́бимся получи́ти.
Кондак, глас 1
Ве́дый ми́ра сего́ суету́ бы́ти тще́тну,/ отврати́лся еси́ ея́,/ не ктому́ сами́ма очи́ма,/ но и всего́ себе́ всеконе́чне, преподо́бне, отврати́в,/ затвори́лся еси́ в те́мней пеще́ре,/ в не́йже в моли́твах и слеза́х многовре́менне потру́ждся/ и обре́т на Небеси́ безконе́чную радость,// моли́ся непреста́нно за ду́ши на́ша.
Величание
Ублажа́ем тя,/ преподо́бне о́тче Афана́сие,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Мученицы Миропии Хиосской
Тропарь, глас 1
Доброму́ченице Миропи́е и Христа́ неве́сто нетле́нная,/ ны́не Ему́же предстои́ши, прекра́сная,/ ра́ны нося́щи пло́ти,/ я́ко ка́мни све́тлы и светообра́зны,/ и в крова́вую порфи́ру, я́ко цари́ца, облече́нная, пресла́вная,/ умоли́ Его́ за ны,/ я́же с любо́вию восхваля́ющия// хвалы́ побе́дными и пе́сньми твою́ Боже́ственную страсть.
Кондак, глас 3
По и́мени, о, страстоте́рпице Миропи́е,/ ми́ро источа́еши благода́ти чуде́с/ и пасе́ши всех, подоба́ющих и взыска́ющих/ и ве́рою и доброде́телию прибега́ющих к ра́це твое́й пречестне́й,// я́же держи́т прах твой.
Величание
Велича́ем тя,/ страстоте́рпице Христо́ва Миропи́е,/ и чтим честно́е страда́ние твое́,/ е́же за Христа́/ претерпе́ла еси́.
Святого Стефана Уроша V, царя Сербского
Тропарь, глас 3
Ю́ношески процве́л еси́/ во оте́чествии твое́м, добро́тою украше́н,/ и непра́ведную и безвре́менную смерть подъя́л еси́,/ У́роше всече́стне;/ ца́рскаго ко́рене плод сла́док,/ а́ще и не во вре́мя созре́в,/ в Госпо́дню жи́тницу всели́лся еси́/ и жа́лость ве́лию сро́дству твоему́ оста́вил еси́./ Моли́ся о нас, творя́щих святу́ю па́мять твою́.
Кондак, глас 6
Отрасли благоро́дныя цвет прекра́сный яви́лся еси́, У́роше всече́стне,/ за́вистию бо убие́н был еси́ от твои́х при́сных,/ Бо́жиим же Ду́хом просвеще́н,/ святоро́днаго пле́мене свят был еси́/ и, му́ченическим венце́м увя́зся, в черто́зе Небе́снем водворя́ешися./ Моли́ся о нас, свя́те, творя́щих любо́вию па́мять твою́.
Величание
Велича́ем тя,/ святы́й У́роше всече́стне,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Священномученика Константина Некрасова
Тропарь, глас 3
О́браз ве́рным во святе́м житии́ твое́м явля́я,/ священному́чениче Константи́не,/ Христа́ ра́ди пострада́л еси́ да́же до сме́рти,/ те́мже моли́ Ми́лостиваго Бо́га/ в ве́ре правосла́вней нас утверди́ти// и от смертоно́сных страсте́й изба́вити.
Кондак, глас 8
Святы́й священному́чениче Константи́не,/ изгна́ния, темни́чная заключе́ния/ и от безбо́жных беззако́нное убие́ние/ за Христа́ претерпе́л еси́,/ стра́ждущих от винопи́тия исцеля́я,/ воздержа́нию, чистоте́ и благоче́стию науча́я,/ ны́не же Христу́ Бо́гу за всех моли́ся/ дарова́ти нам грехо́в оставле́ние// и душа́м на́шим спасе́ние.
Величание
Велича́ем тя,/ священному́чениче Константи́не,/ и чтим честна́я страда́ния твоя́,/ я́же за Христа́/ во утвержде́ние на Руси́ Правосла́вия/ претерпе́л еси́.
Священномученика Сергия Кудрявцева, пресвитера Анискинского
Тропарь, глас 2
Смире́нием и кро́тостию украси́вся,/ па́стырь до́брый яви́лся еси́,/ священному́чениче Се́ргие,/ и, му́жественне во благоче́стии подвиза́вся,/ от безбо́жных пострада́л еси́ да́же до кро́ве./ Сего́ ра́ди, му́ченический вене́ц стяжа́в,/ ве́лие дерзнове́ние и́маши ко Го́споду,// Того́ моли́ спасти́ся душа́м на́шим.
Кондак, глас 3
Я́ко смире́нный Христо́в служи́тель,/ гоне́ния лю́тая от богобо́рцев претерпе́л еси́,/ ны́не же с ли́ки новому́ченик Це́ркве Ру́сския/ в ри́зах бе́лых А́гнцу Бо́жию предстои́ши,/ о́тче наш Се́ргие./ Моли́ Его́же всем се́рдцем возлюби́л еси́,/ в правосла́вней ве́ре нам утверди́тися// и спасти́ся душа́м на́шим.
Величание
Велича́ем тя,/ священному́чениче Се́ргие,/ и чтим честна́я страда́ния твоя́,/ я́же за Христа́/ во утвержде́ние на Руси́ Правосла́вия/ претерпе́л еси́.
Священномученика Иоанна Державина
Тропарь, глас 2
Цвет ди́вный лу́га духо́внаго/ новому́чеников Це́ркве Ру́сския/ яви́лся еси́, па́стырю до́брый, свя́те Иоа́нне,/ ты бо, ча́да твоя́ в ве́ре наставля́я,/ лю́тых преще́ний не убоя́лся еси́/ и, глад, нищету́, темни́чная заключе́ния претерпева́я,/ наве́ты гони́телей отве́ргл еси́./ Сего́ ра́ди му́ченическаго венца́ сподо́би тя Подвигополо́жник Христо́с,/ Его́же моли́ спасти́ся душа́м на́шим.
Кондак, глас 8
Непобеди́мыя твоея́ ве́ры мучи́тели не одоле́ша/ и от любве́ Бо́жия тя не разлучи́ша,/ ты бо, я́ко до́брый во́ин Христо́в, безбо́жным противоста́в,/ оклевета́ния и темни́чнаго заточе́ния не убоя́лся еси́/ и Го́спода да́же до сме́рти испове́дал еси́./ Те́мже, восхваля́юще по́двиги твоя́, те́пле вопие́м:/ священному́чениче Иоа́нне,/ моли́ Ми́лостиваго Бо́га спасти́ся душа́м на́шим.
Величание
Велича́ем тя,/ священному́чениче Иоа́нне,/ и чтим честна́я страда́ния твоя́,/ я́же за Христа́/ во утвержде́ние на Руси́ Правосла́вия/ претерпе́л еси́.
Божией Матери пред иконой Ее «Геронтисса»
Тропарь, глас 4
Я́ко пресве́тлая звезда́,/ просия́ Боже́ственными чудесы́/ святы́й о́браз Тво́й, Изба́вительнице,/ луча́ми благода́ти и милосе́рдия Твоего́/ озари́в в но́щи скорбе́й су́щих./ Пода́ждь у́бо и на́м, Всеблага́я Де́во,/ избавле́ние от бе́д,/ исцеле́ние неду́гов душе́вных и теле́сных,/ спасе́ние и ве́лию ми́лость.
Кондак, глас 8
Ко ико́не Твое́й, Пресвята́я Госпоже́, бе́дствовавшии с ве́рою прите́кше, заступле́нием Твои́м изба́вишася от злы́х, но я́ко Ма́терь Христа́ Бо́га и на́с свободи́ от лю́тых обстоя́ний, вре́менных и ве́чных, да зове́м Ти́: ра́дуйся Изба́вительнице на́ша от все́х бе́д.
Величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния// всем с ве́рою притека́ющим.
Пророка Аввакума
Тропарь, глас 2
Проро́ка Твоего́ Авваку́ма па́мять, Го́споди, пра́зднующе,/ тем Тя мо́лим:/ спаси́ ду́ши на́ша.
Кондак, глас 8
Возгласи́вый вселе́нней от ю́га прише́ствие Бо́жие от Де́вы, Авваку́ме богоглаго́ливе,/ и на Боже́ственней стра́жи предстоя́нием/ слы́шания от светоно́сна А́нгела/ Христо́во Воскресе́ние возвести́л еси́ ми́ру,/ сего́ ра́ди ве́село зове́м ти:// ра́дуйся, проро́ков све́тлая добро́то.
Величание
Велича́ем тя,/ проро́че Бо́жий Авваку́ме,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Преподобного Афанасия, затворника Печерского, в Ближних пещерах
Тропарь, глас 3
Блаже́нство пла́чущих получи́ти жела́я,/день и нощь непреста́нно пла́кал еси́,/ име́я во уме́ час Су́дный,/ тем по кончи́не твое́й обре́л еси́ утеше́ние на Небеси́,/ преподо́бне Афана́сие./ Пода́ждь и нам пла́катися зде грехо́в на́ших вы́ну,/ я́ко да пла́ча безконе́чнаго избы́вше,/ та́мо прии́мем ве́чное утеше́ние.
Кондак, глас 5
Я́ко безсме́ртия тезоимени́т,/ по уме́ртвии свое́м воста́л еси́ жив,/ показу́я же, я́ко зело́ лю́та есть смерть, пла́кался еси́ го́рько./ Ны́не обре́тши неконча́емую ра́дость,/ моли́ся о нас, я́ко да пла́ча ве́чнаго избу́дем.
Величание
Ублажа́ем тя,/ преподо́бне о́тче Афана́сие,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Преподобного Афанасия, затворника Печерского, в Дальних пещерах
Тропарь, глас 7
По и́мени своему́ за труды́ ве́лия/ и всегда́шнее зде умерщвле́ние пло́ти в затво́ре,/ безсме́ртную ны́не на Небеси́/ жизнь насле́довавый,/ мо́лим тя приле́жно:/ моли́ся о нас,// я́ко да и мы тоя́жде сподо́бимся получи́ти.
Кондак, глас 1
Ве́дый ми́ра сего́ суету́ бы́ти тще́тну,/ отврати́лся еси́ ея́,/ не ктому́ сами́ма очи́ма,/ но и всего́ себе́ всеконе́чне, преподо́бне, отврати́в,/ затвори́лся еси́ в те́мней пеще́ре,/ в не́йже в моли́твах и слеза́х многовре́менне потру́ждся/ и обре́т на Небеси́ безконе́чную радость,// моли́ся непреста́нно за ду́ши на́ша.
Величание
Ублажа́ем тя,/ преподо́бне о́тче Афана́сие,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Мученицы Миропии Хиосской
Тропарь, глас 1
Доброму́ченице Миропи́е и Христа́ неве́сто нетле́нная,/ ны́не Ему́же предстои́ши, прекра́сная,/ ра́ны нося́щи пло́ти,/ я́ко ка́мни све́тлы и светообра́зны,/ и в крова́вую порфи́ру, я́ко цари́ца, облече́нная, пресла́вная,/ умоли́ Его́ за ны,/ я́же с любо́вию восхваля́ющия// хвалы́ побе́дными и пе́сньми твою́ Боже́ственную страсть.
Кондак, глас 3
По и́мени, о, страстоте́рпице Миропи́е,/ ми́ро источа́еши благода́ти чуде́с/ и пасе́ши всех, подоба́ющих и взыска́ющих/ и ве́рою и доброде́телию прибега́ющих к ра́це твое́й пречестне́й,// я́же держи́т прах твой.
Величание
Велича́ем тя,/ страстоте́рпице Христо́ва Миропи́е,/ и чтим честно́е страда́ние твое́,/ е́же за Христа́/ претерпе́ла еси́.
Святого Стефана Уроша V, царя Сербского
Тропарь, глас 3
Ю́ношески процве́л еси́/ во оте́чествии твое́м, добро́тою украше́н,/ и непра́ведную и безвре́менную смерть подъя́л еси́,/ У́роше всече́стне;/ ца́рскаго ко́рене плод сла́док,/ а́ще и не во вре́мя созре́в,/ в Госпо́дню жи́тницу всели́лся еси́/ и жа́лость ве́лию сро́дству твоему́ оста́вил еси́./ Моли́ся о нас, творя́щих святу́ю па́мять твою́.
Кондак, глас 6
Отрасли благоро́дныя цвет прекра́сный яви́лся еси́, У́роше всече́стне,/ за́вистию бо убие́н был еси́ от твои́х при́сных,/ Бо́жиим же Ду́хом просвеще́н,/ святоро́днаго пле́мене свят был еси́/ и, му́ченическим венце́м увя́зся, в черто́зе Небе́снем водворя́ешися./ Моли́ся о нас, свя́те, творя́щих любо́вию па́мять твою́.
Величание
Велича́ем тя,/ святы́й У́роше всече́стне,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Священномученика Константина Некрасова
Тропарь, глас 3
О́браз ве́рным во святе́м житии́ твое́м явля́я,/ священному́чениче Константи́не,/ Христа́ ра́ди пострада́л еси́ да́же до сме́рти,/ те́мже моли́ Ми́лостиваго Бо́га/ в ве́ре правосла́вней нас утверди́ти// и от смертоно́сных страсте́й изба́вити.
Кондак, глас 8
Святы́й священному́чениче Константи́не,/ изгна́ния, темни́чная заключе́ния/ и от безбо́жных беззако́нное убие́ние/ за Христа́ претерпе́л еси́,/ стра́ждущих от винопи́тия исцеля́я,/ воздержа́нию, чистоте́ и благоче́стию науча́я,/ ны́не же Христу́ Бо́гу за всех моли́ся/ дарова́ти нам грехо́в оставле́ние// и душа́м на́шим спасе́ние.
Величание
Велича́ем тя,/ священному́чениче Константи́не,/ и чтим честна́я страда́ния твоя́,/ я́же за Христа́/ во утвержде́ние на Руси́ Правосла́вия/ претерпе́л еси́.
Священномученика Сергия Кудрявцева, пресвитера Анискинского
Тропарь, глас 2
Смире́нием и кро́тостию украси́вся,/ па́стырь до́брый яви́лся еси́,/ священному́чениче Се́ргие,/ и, му́жественне во благоче́стии подвиза́вся,/ от безбо́жных пострада́л еси́ да́же до кро́ве./ Сего́ ра́ди, му́ченический вене́ц стяжа́в,/ ве́лие дерзнове́ние и́маши ко Го́споду,// Того́ моли́ спасти́ся душа́м на́шим.
Кондак, глас 3
Я́ко смире́нный Христо́в служи́тель,/ гоне́ния лю́тая от богобо́рцев претерпе́л еси́,/ ны́не же с ли́ки новому́ченик Це́ркве Ру́сския/ в ри́зах бе́лых А́гнцу Бо́жию предстои́ши,/ о́тче наш Се́ргие./ Моли́ Его́же всем се́рдцем возлюби́л еси́,/ в правосла́вней ве́ре нам утверди́тися// и спасти́ся душа́м на́шим.
Величание
Велича́ем тя,/ священному́чениче Се́ргие,/ и чтим честна́я страда́ния твоя́,/ я́же за Христа́/ во утвержде́ние на Руси́ Правосла́вия/ претерпе́л еси́.
Священномученика Иоанна Державина
Тропарь, глас 2
Цвет ди́вный лу́га духо́внаго/ новому́чеников Це́ркве Ру́сския/ яви́лся еси́, па́стырю до́брый, свя́те Иоа́нне,/ ты бо, ча́да твоя́ в ве́ре наставля́я,/ лю́тых преще́ний не убоя́лся еси́/ и, глад, нищету́, темни́чная заключе́ния претерпева́я,/ наве́ты гони́телей отве́ргл еси́./ Сего́ ра́ди му́ченическаго венца́ сподо́би тя Подвигополо́жник Христо́с,/ Его́же моли́ спасти́ся душа́м на́шим.
Кондак, глас 8
Непобеди́мыя твоея́ ве́ры мучи́тели не одоле́ша/ и от любве́ Бо́жия тя не разлучи́ша,/ ты бо, я́ко до́брый во́ин Христо́в, безбо́жным противоста́в,/ оклевета́ния и темни́чнаго заточе́ния не убоя́лся еси́/ и Го́спода да́же до сме́рти испове́дал еси́./ Те́мже, восхваля́юще по́двиги твоя́, те́пле вопие́м:/ священному́чениче Иоа́нне,/ моли́ Ми́лостиваго Бо́га спасти́ся душа́м на́шим.
Величание
Велича́ем тя,/ священному́чениче Иоа́нне,/ и чтим честна́я страда́ния твоя́,/ я́же за Христа́/ во утвержде́ние на Руси́ Правосла́вия/ претерпе́л еси́.
Божией Матери пред иконой Ее «Геронтисса»
Тропарь, глас 4
Я́ко пресве́тлая звезда́,/ просия́ Боже́ственными чудесы́/ святы́й о́браз Тво́й, Изба́вительнице,/ луча́ми благода́ти и милосе́рдия Твоего́/ озари́в в но́щи скорбе́й су́щих./ Пода́ждь у́бо и на́м, Всеблага́я Де́во,/ избавле́ние от бе́д,/ исцеле́ние неду́гов душе́вных и теле́сных,/ спасе́ние и ве́лию ми́лость.
Кондак, глас 8
Ко ико́не Твое́й, Пресвята́я Госпоже́, бе́дствовавшии с ве́рою прите́кше, заступле́нием Твои́м изба́вишася от злы́х, но я́ко Ма́терь Христа́ Бо́га и на́с свободи́ от лю́тых обстоя́ний, вре́менных и ве́чных, да зове́м Ти́: ра́дуйся Изба́вительнице на́ша от все́х бе́д.
Величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния// всем с ве́рою притека́ющим.