Календарь за 10 января 2027
| Пн | Вт | Ср | Чт | Пт | Сб | Вс |
Неделя 32-я по Пятидесятнице, по Рождестве Христовом. Глас 7-й.
Правв. Иосифа Обручника, Давида царя и Иакова, брата Господня. Мучеников 20 000, в Никомидии в церкви сожженных, и прочих, тамо же вне церкви пострадавших: Гликерия пресвитера, Зинона, Феофила диакона, Дорофея, Мардония, Мигдония диакона, Индиса, Горгония, Петра, Евфимия, мцц. Агафии, Домны, Феофилы и иных (302).
Прп. Игнатия Ломского, Ярославского (1591). Прп. Корнилия Крыпецкого (1903). Ап. от 70-ти Никанора (34).
Сщмчч. Никодима, еп. Белгородского, и Аркадия Решетникова диакона (1918); сщмч. Александра Дагаева пресвитера (1920); сщмчч. Феоктиста Хоперскова, Леонида Викторова, Николая Родимова пресвитеров (1937); сщмчч. Арефы Насонова и Александра Цицеронова пресвитеров (1938).
Чтения дня
Иоанна 21:1-14 (на утрене. Евангелие 10-e) Галатам 1:11-19 (недели по Рождестве Xристовом) Матфея 2:13-23 (недели по Рождестве Xристовом)Чистота сердца, правый ум — эти две вещи делают нас образом Божиим. Через них наши сердца соделываются престолом Господа. Через них мы становимся святыми и получаем задатки и предвкушение будущего блаженства.
Свт. Нектарий Эгинский
Воскресный
Тропарь, глас 7
Разруши́л еси́ Кресто́м Твои́м сме́рть,/ отве́рзл еси́ разбо́йнику ра́й,/ мироно́сицам пла́ч преложи́л еси́,/ и апо́столом пропове́дати повеле́л еси́,/ я́ко воскре́сл еси́, Христе́ Бо́же,/ да́руяй ми́рови// ве́лию ми́лость.
Кондак, глас 7
Не ктому́ держа́ва сме́ртная/ возмо́жет держа́ти челове́ки:/ Христо́с бо сни́де, сокруша́я и разоря́я си́лы ея́;/ связу́емь быва́ет а́д,/ проро́цы согла́сно ра́дуются,/ предста́, глаго́люще, Спа́с су́щим в ве́ре:// изыди́те, ве́рнии, в воскресе́ние.
Рождества Христова
Тропарь, глас 4
Рождество́ Твое́, Христе́ Бо́же наш,/ возсия́ ми́рови свет ра́зума,/ в нем бо звезда́м служа́щии/ звездо́ю уча́хуся/ Тебе́ кла́нятися, Со́лнцу Пра́вды,/ и Тебе́ ве́дети с высоты́ Восто́ка.// Го́споди, сла́ва Тебе́!
Кондак, глас 3
Де́ва днесь Пресу́щественнаго ражда́ет,/ и земля́ верте́п Непристу́пному прино́сит,/ А́нгели с па́стырьми славосло́вят,/ волсви́ же со звездо́ю путеше́ствуют,/ нас бо ра́ди роди́ся// Отроча́ Мла́до, Преве́чный Бог.
Праведного Иосифа Обручника, Давида царя и Иакова, брата Господня
Тропарь, глас 2
Благовеству́й, Ио́сифе,/ Дави́ду чудеса́ Богоотцу́,/ Де́ву ви́дел еси́ ро́ждшую,/ с па́стырьми славосло́вил еси́,/ с волсви́ поклони́лся еси́,/ А́нгелом весть прие́м;/ моли́ Христа́ Бо́га// спасти́ ду́ши на́ша.
Кондак, глас 3
Весе́лия днесь Дави́д исполня́ется Боже́ственный,/ Ио́сиф же хвале́ние со Иа́ковом прино́сит,/ вене́ц бо сро́дством Христо́вым прие́мше,/ ра́дуются и неизрече́нно на земли́ Ро́ждшагося воспева́ют, и вопию́т:// Ще́дре, спаса́й Тебе́ чту́щия.
Апостола Иакова, брата Господня по плоти
Тропарь, глас 2
Я́ко Госпо́день учени́к, восприя́л еси́ пра́ведне, Ева́нгелие,/ я́ко му́ченик, и́маши е́же неопи́санное,/ дерзнове́ние я́ко бра́т Бо́жий,/ е́же моли́тися, я́ко иера́рх:// моли́ Христа́ Бо́га, спасти́ся душа́м на́шим.
Кондак, глас 4
О́тчее Единоро́дное Бог Сло́во,/ прише́дшее к нам в после́дняя дни,/ Иа́кове Боже́ственне,/ пе́рваго тя показа́ Иерусали́млян па́стыря и учи́теля/ и ве́рнаго строи́теля та́инств духо́вных:// те́мже тя вси́ чти́м, апо́столе.
Величание
Велича́ем тя,/ апо́столе Христо́в Иа́кове,/ и чтим боле́зни и труды́ твоя́, и́миже труди́лся еси́// во благове́стии Христо́ве.
Мучеников, в Никомидии пострадавших
Тропарь, глас 2
Страстоте́рпцы Госпо́дни,/ блаже́нна земля́, напи́вшаяся кровьми́ ва́шими,/ и свя́та селе́ния, прии́мшая телеса́ ва́ша:/ в по́двизе бо врага́ победи́сте/ и Христа́ со дерзнове́нием пропове́дасте./ Того́, я́ко Бла́га, моли́те,// спасти́ся, мо́лимся, душа́м на́шим.
Кондак, глас 2
Тве́рди душе́ю по ве́ре, святи́и,/ огне́м страда́ние прие́мше, две тьме страда́лец,/ вопию́ще Ро́ждшемуся от Де́вы:/ приими́ всесожже́ния на́ша за Тя,/ я́коже да́ры пе́рсских царе́й, зла́то, и сми́рну, и лива́н,// Преве́чный Бо́же.
Величание
Велича́ем вас,/ страстоте́рпцы святи́и Никомиди́йстии,/ и чтим честна́я страда́ния ва́ша,/ я́же за Христа́/ претерпе́ли есте́.
Преподобного Корнилия Крыпецкого
Тропарь, глас 3
От ю́ности ве́лию любо́вь ко Го́споду в себе́ име́я, блаже́нне, воздержа́нием и послуша́нием житие́ твое́ украси́л еси́, любве́ и смире́нию лю́ди безмо́лвно учи́л еси́, дея́нием и сло́вом бу́дущая явля́я, я́ко настоя́щая. Ты́ же, преподо́бне о́тче на́ш Корни́лие, я́ко и́маши дерзнове́ние мно́гое, моли́ Христа́ Бо́га, да спасе́т ду́ши на́ша.
Кондак, глас 4
По́двигом до́брым подвиза́лся еси́, богому́дре, терпе́нием и смире́нием а́нгельския ли́ки удиви́л еси́, и диа́вола мучи́теля посрами́л еси́, да́ром от Бо́га прови́дения обогати́лся еси́, все́м тре́бующым твои́ми моли́твами по́мощь подава́л еси́. Сего́ ра́ди вопие́м ти́: ра́дуйся, Корни́лие блаже́нне.
Величание
Ублажа́ем тя,/ преподо́бне о́тче Корни́лие,/ и чтим святу́ю па́мять твою́,/ наста́вниче мона́хов// и собесе́дниче А́нгелов.
Священномученика Никодима (Кононова), епископа Белгородского
Тропарь, глас 4
Правосла́вия и благоче́стия ревни́телю,/ священному́чениче Никоди́ме,/ святи́теля Иоаса́фа велегла́сный просла́вителю,/ ду́шу свою́ за о́вцы ста́да Христо́ва положи́вый,/ моли́ о на́с всеми́лостиваго Бо́га,/ да ве́рою, наде́ждою и любо́вию утверди́т оте́чество на́ше в Правосла́вии/ и душа́м на́шим да́рует ве́лию ми́лость.
Кондак, глас 8
Избра́нный свети́льниче земли́ Белогра́дския,/ страда́ния и кончи́ну Христа́ ра́ди восприя́вый,/ те́мже обреты́й благода́ть несокруши́мую,/ помога́й на́м твои́м предста́тельством во утвержде́нии Правосла́вия,/ да с ве́рою зове́м ти́:/ Ра́дуйся, священному́чениче Никоди́ме,/ архипа́стырю и моли́твенниче усе́рдный!
Величание
Велича́ем тя,/ священному́чениче Никоди́ме,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Воскресный
Тропарь, глас 7
Разруши́л еси́ Кресто́м Твои́м сме́рть,/ отве́рзл еси́ разбо́йнику ра́й,/ мироно́сицам пла́ч преложи́л еси́,/ и апо́столом пропове́дати повеле́л еси́,/ я́ко воскре́сл еси́, Христе́ Бо́же,/ да́руяй ми́рови// ве́лию ми́лость.
Кондак, глас 7
Не ктому́ держа́ва сме́ртная/ возмо́жет держа́ти челове́ки:/ Христо́с бо сни́де, сокруша́я и разоря́я си́лы ея́;/ связу́емь быва́ет а́д,/ проро́цы согла́сно ра́дуются,/ предста́, глаго́люще, Спа́с су́щим в ве́ре:// изыди́те, ве́рнии, в воскресе́ние.
Рождества Христова
Тропарь, глас 4
Рождество́ Твое́, Христе́ Бо́же наш,/ возсия́ ми́рови свет ра́зума,/ в нем бо звезда́м служа́щии/ звездо́ю уча́хуся/ Тебе́ кла́нятися, Со́лнцу Пра́вды,/ и Тебе́ ве́дети с высоты́ Восто́ка.// Го́споди, сла́ва Тебе́!
Кондак, глас 3
Де́ва днесь Пресу́щественнаго ражда́ет,/ и земля́ верте́п Непристу́пному прино́сит,/ А́нгели с па́стырьми славосло́вят,/ волсви́ же со звездо́ю путеше́ствуют,/ нас бо ра́ди роди́ся// Отроча́ Мла́до, Преве́чный Бог.
Праведного Иосифа Обручника, Давида царя и Иакова, брата Господня
Тропарь, глас 2
Благовеству́й, Ио́сифе,/ Дави́ду чудеса́ Богоотцу́,/ Де́ву ви́дел еси́ ро́ждшую,/ с па́стырьми славосло́вил еси́,/ с волсви́ поклони́лся еси́,/ А́нгелом весть прие́м;/ моли́ Христа́ Бо́га// спасти́ ду́ши на́ша.
Кондак, глас 3
Весе́лия днесь Дави́д исполня́ется Боже́ственный,/ Ио́сиф же хвале́ние со Иа́ковом прино́сит,/ вене́ц бо сро́дством Христо́вым прие́мше,/ ра́дуются и неизрече́нно на земли́ Ро́ждшагося воспева́ют, и вопию́т:// Ще́дре, спаса́й Тебе́ чту́щия.
Апостола Иакова, брата Господня по плоти
Тропарь, глас 2
Я́ко Госпо́день учени́к, восприя́л еси́ пра́ведне, Ева́нгелие,/ я́ко му́ченик, и́маши е́же неопи́санное,/ дерзнове́ние я́ко бра́т Бо́жий,/ е́же моли́тися, я́ко иера́рх:// моли́ Христа́ Бо́га, спасти́ся душа́м на́шим.
Кондак, глас 4
О́тчее Единоро́дное Бог Сло́во,/ прише́дшее к нам в после́дняя дни,/ Иа́кове Боже́ственне,/ пе́рваго тя показа́ Иерусали́млян па́стыря и учи́теля/ и ве́рнаго строи́теля та́инств духо́вных:// те́мже тя вси́ чти́м, апо́столе.
Величание
Велича́ем тя,/ апо́столе Христо́в Иа́кове,/ и чтим боле́зни и труды́ твоя́, и́миже труди́лся еси́// во благове́стии Христо́ве.
Мучеников, в Никомидии пострадавших
Тропарь, глас 2
Страстоте́рпцы Госпо́дни,/ блаже́нна земля́, напи́вшаяся кровьми́ ва́шими,/ и свя́та селе́ния, прии́мшая телеса́ ва́ша:/ в по́двизе бо врага́ победи́сте/ и Христа́ со дерзнове́нием пропове́дасте./ Того́, я́ко Бла́га, моли́те,// спасти́ся, мо́лимся, душа́м на́шим.
Кондак, глас 2
Тве́рди душе́ю по ве́ре, святи́и,/ огне́м страда́ние прие́мше, две тьме страда́лец,/ вопию́ще Ро́ждшемуся от Де́вы:/ приими́ всесожже́ния на́ша за Тя,/ я́коже да́ры пе́рсских царе́й, зла́то, и сми́рну, и лива́н,// Преве́чный Бо́же.
Величание
Велича́ем вас,/ страстоте́рпцы святи́и Никомиди́йстии,/ и чтим честна́я страда́ния ва́ша,/ я́же за Христа́/ претерпе́ли есте́.
Преподобного Корнилия Крыпецкого
Тропарь, глас 3
От ю́ности ве́лию любо́вь ко Го́споду в себе́ име́я, блаже́нне, воздержа́нием и послуша́нием житие́ твое́ украси́л еси́, любве́ и смире́нию лю́ди безмо́лвно учи́л еси́, дея́нием и сло́вом бу́дущая явля́я, я́ко настоя́щая. Ты́ же, преподо́бне о́тче на́ш Корни́лие, я́ко и́маши дерзнове́ние мно́гое, моли́ Христа́ Бо́га, да спасе́т ду́ши на́ша.
Кондак, глас 4
По́двигом до́брым подвиза́лся еси́, богому́дре, терпе́нием и смире́нием а́нгельския ли́ки удиви́л еси́, и диа́вола мучи́теля посрами́л еси́, да́ром от Бо́га прови́дения обогати́лся еси́, все́м тре́бующым твои́ми моли́твами по́мощь подава́л еси́. Сего́ ра́ди вопие́м ти́: ра́дуйся, Корни́лие блаже́нне.
Величание
Ублажа́ем тя,/ преподо́бне о́тче Корни́лие,/ и чтим святу́ю па́мять твою́,/ наста́вниче мона́хов// и собесе́дниче А́нгелов.
Священномученика Никодима (Кононова), епископа Белгородского
Тропарь, глас 4
Правосла́вия и благоче́стия ревни́телю,/ священному́чениче Никоди́ме,/ святи́теля Иоаса́фа велегла́сный просла́вителю,/ ду́шу свою́ за о́вцы ста́да Христо́ва положи́вый,/ моли́ о на́с всеми́лостиваго Бо́га,/ да ве́рою, наде́ждою и любо́вию утверди́т оте́чество на́ше в Правосла́вии/ и душа́м на́шим да́рует ве́лию ми́лость.
Кондак, глас 8
Избра́нный свети́льниче земли́ Белогра́дския,/ страда́ния и кончи́ну Христа́ ра́ди восприя́вый,/ те́мже обреты́й благода́ть несокруши́мую,/ помога́й на́м твои́м предста́тельством во утвержде́нии Правосла́вия,/ да с ве́рою зове́м ти́:/ Ра́дуйся, священному́чениче Никоди́ме,/ архипа́стырю и моли́твенниче усе́рдный!
Величание
Велича́ем тя,/ священному́чениче Никоди́ме,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.