Православный календарь на 19-07-2026
| Пн | Вт | Ср | Чт | Пт | Сб | Вс |
Неделя 7-я по Пятидесятнице. Глас 6-й.
Прп. Сисоя Великого (429). Собор Радонежских святых.
Прп. Сисоя, схимника Печерского, в Дальних пещерах (XIII). Обретение мощей прав. девы Иулиании, кн. Ольшанской (XVI). Мчч. Марина, Марфы, Авдифакса, Аввакума, Кирина, Валентина пресвитера, Астерия и иных многих в Риме (269). Мчч. Исавра диакона, Иннокентия, Филикса, Ермия, Василия, Перегрина, Руфа и Руфина (III). Мч. Коинта Фригийского (ок. 283). Мц. Лукии девы и с нею мчч. Рикса, Антония, Лукиана, Исидора, Диона, Диодора, Кутония, Ароноса, Капика и Сатура (301). Прпп. Тихона, Василия и Никона Соколовских (XVI) (переходящее празднование в 1-е воскресенье после 29 июня). Свт. Арсения, еп. Тверского (переходящее празднование в 1-е воскресенье после 29 июня). Собор Тверских святых (переходящее празднование в 1-е воскресенье после 29 июня).
Прмч. Евфимия (Любовичева) (1931); прмч. Феодора (Богоявленского) (1943).
Валаамской (1897) (переходящее празднование в 1-е воскресенье после 29 июня) и Богородско-Уфимской (1621) икон Божией Матери.
Чтения дня
Иоанна 20:1-10 (на утрене. Евангелие 7-e) Римлянам 15:1-7 Матфея 9:27-35
Оттого многое в общественных делах и частных идет у нас не по нашему желанию, что мы не о духовном наперед заботимся, а потом о житейском, но извратили порядок.
Свт. Иоанн Златоуст
Преподобного Сисоя Великого
Тропарь, глас 1
Пусты́нный жи́тель, и в телеси́ А́нгел,/ и чудотво́рец яви́лся еси́, Богоно́се о́тче наш Сисо́е,/ посто́м, бде́нием, моли́твою Небе́сная дарова́ния прии́м,/ исцеля́еши неду́жныя, и ду́ши ве́рою притека́ющих ти́./ Сла́ва Да́вшему тебе́ кре́пость,/ сла́ва Венча́вшему тя,// сла́ва Де́йствующему тобо́ю все́м исцеле́ния.
Ин тропарь, глас 2
Плотски́я стра́сти умертви́в воздержа́нием,/ ми́ру распя́лся еси́/ и, в пусты́ни живы́й, всех по́хотей отсече́нием/ А́нгел земны́й и Небе́сный челове́к показа́лся еси́,/ сего́ ра́ди тя, я́ко наста́вника и́ноком, пое́м, Сисо́е о́тче наш, и про́сим:// моли́ Христа́ Бо́га, да спасе́т ду́ши на́ша.
Кондак, глас 4
Подвиза́вся, а́нгел на земли́ ви́ден был еси́,/ озаря́я, преподо́бне, помышле́ния ве́рных богозна́меньми всегда́:// те́мже тя ве́рою, Сисо́е, почита́ем.
Ин кондак, глас 8
Я́ко безпло́тным единожи́тель/ и всем преподо́бным соприча́стник,/ по́стническими труды́ и бде́нии моли́твенными непреста́нно себе́ вооружа́я, му́дре,/ тем и дар прия́л еси́ от Бо́га/ исцеля́ти неду́ги и прогоня́ти бе́сы./ Того́ ра́ди вопие́м ти:// ра́дуйся, о́тче наш Сисо́е преподо́бне.
Величание
Ублажа́ем тя,/ преподо́бне о́тче Сисо́е,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Собора Радонежских святых
Тропарь, глас 4
Днесь све́тло пра́зднуем, ве́рнии лю́дие,/ пресла́вныя Тро́ицкия оби́тели торжество́,/ се бо вели́кий собо́р святы́х чудотво́рцев Ра́донежских, я́ко ди́вныя пти́цы небе́сныя,/ явля́ет нам Це́рковь Росси́йская,/ стезя́ми честна́го их жития́ ше́ствовати всех призыва́ющи,/ к ни́мже, с ве́рою и любо́вию притека́юще, воззове́м:/ моли́теся о нас ко Пресвяте́й Тро́ице,/ преподо́бнии отцы́ на́ши с Богоно́сным а́ввою Се́ргием,/ мир ми́рови дарова́ти и/ душа́м на́шим ве́лию ми́лость.
Ин тропарь, глас 2
Плоды́ доброде́телей на земли́ прине́сше,/ преподо́бнии отцы́,/ в Небе́сных черто́зех ны́не благоуха́ете, я́ко ра́йстии цве́ти,/ и лице́м к ли́цу зри́те Пресвяту́ю Тро́ицу,/ ю́же дерзнове́нно моли́те,/ спасти́ся душа́м на́шим.
Кондак, глас 8
Прииди́те, вси концы́ оте́чества на́шего,/ просла́вим святы́й лик уго́дников Ра́донежских,/ я́ко зве́зды, украси́вших не́бо церко́вное по́двиги земна́го жи́тельства,/ тех бо предста́тельством те́плым ко Го́споду/ мно́гия нам ми́лости Его́ низпосыла́ются,/ бе́дствия отгоня́ются и злы́е стра́сти укроща́ются./ И́хже всесвяту́ю па́мять ны́не пра́зднующе, та́ко возопии́м:/ ра́дуйтеся, Се́ргие и Ни́коне и вси Ра́донежстии чудотво́рцы,/ усе́рднии служи́телие Живонача́льныя Тро́ицы.
Величание
Велича́ем вас,/ вси святи́и, земли́ Ра́донежския,/ и чтим святу́ю па́мять ва́шу,/ вы бо мо́лите за нас/ Христа́ Бо́га на́шего.
Преподобного Сисоя, схимника Печерского, в Дальних пещерах
Тропарь, глас 1
Пусты́нный жи́тель, и в телеси́ А́нгел,/ и чудотво́рец яви́лся еси́, Богоно́се о́тче наш Сисо́е,/ посто́м, бде́нием, моли́твою Небе́сная дарова́ния прии́м,/ исцеля́еши неду́жныя и ду́ши ве́рою притека́ющих ти./ Сла́ва Да́вшему тебе́ кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.
Кондак, глас 1
Сисо́е чу́дне,/ на стра́сти вельми́ подвиза́выйся/ и посто́м и нощны́ми моли́твами сия́ успи́вый,/ благода́ть от Христа́ прия́л еси́/ в страсте́х бе́дствующим посо́бствовати.// Тем и на́ша стра́сти пло́ти и ду́ха исцели́, мо́лимся.
Величание
Ублажа́ем тя,/ преподо́бне о́тче Сисо́е,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Праведной девы Иулиании, княжны Ольшанской
Тропарь, глас 8
Я́ко непоро́чная неве́ста Нетле́ннаго Жениха́ Христа́,/ пра́ведная де́во Иулиани́е,/ с све́тлою свеще́ю до́брых дел вошла́ еси́ в черто́г Его́ Небе́сный/ и та́мо со святы́ми блаже́нства ве́чнаго наслажда́ешися./ Те́мже моли́, Его́же возлюби́ла еси́/ и Ему́же де́вство твое́ обручи́ла еси́,/ спасти́ ду́ши на́ша.
Ин тропарь, глас 2
Де́вства доброта́ми преочище́на/ и целому́дрия цветы́ венча́вшися,/ Богоблаже́нная де́во Иулиани́е,/ яви́лася еси́ ми́ру в нетле́нием телеси́ твое́м,/ исто́чник исцеле́ний и даро́в духо́вных подаю́ще всем к тебе́ притека́ющим,/ и ны́не, я́ко свеща́ те́плая, благода́ти еле́ем возже́нная,/ предстоя́ще престо́лу Го́спода и Жениха́ твоего́ Небе́снаго,/ Того́ моли́, де́во чи́стая,/ изба́вити нас от вся́каго зла,/ чту́щих па́мять твою́ ве́рою и любо́вию.
Кондак, глас 8
Храм Бо́жий одушевле́нный,/ де́вственною чистото́ю благоукра́шенный,/ ве́мы тя, свята́я и пра́ведная де́во, княжно́ Иулиани́е./ Те́мже с любо́вию пра́зднующе/ святы́х твои́х моще́й обре́тение, мо́лим тя,/ изве́стная жела́ний на́ших хода́таице:/ принеси́ за нас моли́твы твоя́ ко Го́споду/ и от вся́ких бед свобожда́й нас/ предста́тельством твои́м у престо́ла Всевы́шняго,/ да зове́м ти:/ ра́дуйся, де́во свята́я Иулиани́е, неве́сто Христо́ва прекра́сная.
Ин кондак, глас 8
Приво́дим Ти, о Всеще́дре, Иулиани́ю,/ присносветя́щую свещу́, еле́ем благода́ти обдержи́мую,/ немощны́м цельбу́/ Ея́же моли́твами от вся́каго зла свободи́ нас и спаси́ всех,/ и́же Тя с поклоне́нием велича́ют.
Величание
Велича́ем тя,/ свята́я пра́ведная де́во Иулиани́е,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Святителя Арсения, епископа Тверского
Тропарь, глас 8
Благоче́стно пожи́в во святи́тельстве,/ лю́ди пpосвети́л еси́ уче́нием твои́м,/ и о хpа́ме Пpечи́стыя вельми́ подвиза́вся,/ и люби́тель мона́хов быв,/ сего́ pа́ди от Хpиста́ па́ствы твоея́ вене́ц пpия́л еси́./ Те́мже, я́ко апо́стольскаго пpесто́ла наме́стника,/ и святи́теля вели́каго чту́ще тя, мо́лим ча́да твоя́, блаже́нне:/ от всех бед изба́ви нас я́же ко Хpисту́ моли́твами твои́ми,// святи́телю Хpисто́в Аpсе́ние, о́тче наш.
Кондак, глас 8
Восприе́мши ра́достно честны́я твоя́ мо́щи, пречи́стая це́рковь,/ в ню́же че́стно вноси́ми мно́жеством священномона́хов, и кня́зи благове́рными,/ и я́же прие́мши я́ко сокро́вище многоце́нное./ Те́мже и мы ны́не твоея́ огра́ды слове́сныя о́вцы,/ о́крест ра́ки твоея́ предстоя́ще,/ любе́зно вопие́м ти́:/ не забу́ди чад твои́х, о́тче,/ и́хже му́дре собра́л и возлюби́л еси́,/ я́ко да зове́м ти́:// ра́дуйся, святи́телю Арсе́ние, па́стырю и учи́телю наш.
Величание
Велича́ем тя,/ святи́телю о́тче Аpсе́ние,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Собора Тверских святых
Тропарь, глас 4
И́же в земли́ Тверско́й просла́вльшиися,/ святи́телие, му́ченицы,/ преподо́бнии, пра́веднии/ и вси святи́и,/ ве́рою, по́двиги благоче́стия,/ любо́вию, кро́тостию, сло́вом и житие́м/ Бо́гу благоугоди́вшии/ и венцы́ нетле́ния и сла́вы украси́вшиися,/ моли́те Христа́ Бо́га на́шего/ дарова́ти мир стране́ на́шей// и душа́м на́шим в ми́ре спасти́ся.
Кондак, глас 4
На земли́ благоче́стно пожи́вшии,/ святи́и, в земли́ Тверско́й просия́вшии,/ и ны́не на Небесе́х со А́нгелы ра́дуетеся/ и Тро́ицу Святу́ю — Отца́, и Сы́на, и Свята́го Ду́ха во Еди́ном Божестве́ прославля́ете./ Мы же, земноро́днии, моли́твенно ублажа́юще вас/ и святу́ю па́мять соверша́юще, мо́лим:/ принеси́те на́ша моли́твы к Небе́сному Престо́лу Го́спода Вседержи́теля,/ да ва́шим хода́тайством// да́рует мир и спасе́ние душа́м на́шим.
Величание
Велича́ем вас,/ страны́ Тверски́я покрови́тели,/ и чтим святу́ю па́мять ва́шу,/ вы бо мо́лите о нас// Христа́, Бо́га на́шего.
Божией Матери пред иконой Ее Валаамской
Тропарь, глас 4
Богоро́дице Де́во,/ на Твою́ ико́ну пресве́тлую взира́юще, ра́дуемся,/ пред не́ю бо на о́строве Валаа́ме/ мольбы́ усе́рдно моля́щихся исполня́ются;/ услы́ши, Пречи́стая, и на́с моля́щих Ти́ ся́,/ утверди́ на́с в ве́ре и любви́, // и испроси́ ми́рови ми́р и душа́м на́шим ве́лию ми́лость.
Кондак, глас 6
Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я, на по́мощь нас,/ ве́рно зову́щих Ти:/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя.
Величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния // всем с ве́рою притека́ющим.
Божией Матери пред иконой Ее Богородско-Уфимской
Тропарь, глас 4
Засту́пнице Усе́рдная,/ Наде́ждо ненаде́жных,/ Помо́щнице ни́щих и си́рых,/ пла́чущих Утеше́ние,/ согреша́ющих очище́ние,/ Путеводи́тельнице заблу́ждших,/ боля́щих Целе́бнице/ и испра́вление па́дающих,/ Ты бо еси́ Похвало́ земли́ Уфимския, Де́во Богоро́дице.
Кондак, глас 5
О, Милосе́рдная Ма́ти,/ не отри́ни слез и воздыха́ний на́ших, с ве́рою и любо́вию к Тебе́ приноси́мых:/ пред ико́ною Богоро́дскою услы́ши ны́не моля́щихся/ и на путь спасе́ния наста́ви,/ и душ на́ших грехи́ исцели́,/ от земли́ Уфи́мския вся па́губи потреби́,/ Ты бо еси́ лю́дем сокро́вище ве́чнаго спасе́ния/ и исто́чниче Боже́ственныя благода́ти.
Величание
Досто́йно есть велича́ти Тя,/ Богоро́дице, честне́йшую Херуви́м и сла́внейшую без сравне́ния Серафи́м.
Ино величание
Велича́ем Тя,/ Богоро́дице Де́во,/ и почита́ем чудотво́рную ико́ну Твою́,/ е́юже благоволи́ла еси́ спасти́ зе́млю Уфи́мскую/ от всегуби́тельных боле́зней и людски́х нестрое́ний.
Преподобного Сисоя Великого
Тропарь, глас 1
Пусты́нный жи́тель, и в телеси́ А́нгел,/ и чудотво́рец яви́лся еси́, Богоно́се о́тче наш Сисо́е,/ посто́м, бде́нием, моли́твою Небе́сная дарова́ния прии́м,/ исцеля́еши неду́жныя, и ду́ши ве́рою притека́ющих ти́./ Сла́ва Да́вшему тебе́ кре́пость,/ сла́ва Венча́вшему тя,// сла́ва Де́йствующему тобо́ю все́м исцеле́ния.
Ин тропарь, глас 2
Плотски́я стра́сти умертви́в воздержа́нием,/ ми́ру распя́лся еси́/ и, в пусты́ни живы́й, всех по́хотей отсече́нием/ А́нгел земны́й и Небе́сный челове́к показа́лся еси́,/ сего́ ра́ди тя, я́ко наста́вника и́ноком, пое́м, Сисо́е о́тче наш, и про́сим:// моли́ Христа́ Бо́га, да спасе́т ду́ши на́ша.
Кондак, глас 4
Подвиза́вся, а́нгел на земли́ ви́ден был еси́,/ озаря́я, преподо́бне, помышле́ния ве́рных богозна́меньми всегда́:// те́мже тя ве́рою, Сисо́е, почита́ем.
Ин кондак, глас 8
Я́ко безпло́тным единожи́тель/ и всем преподо́бным соприча́стник,/ по́стническими труды́ и бде́нии моли́твенными непреста́нно себе́ вооружа́я, му́дре,/ тем и дар прия́л еси́ от Бо́га/ исцеля́ти неду́ги и прогоня́ти бе́сы./ Того́ ра́ди вопие́м ти:// ра́дуйся, о́тче наш Сисо́е преподо́бне.
Величание
Ублажа́ем тя,/ преподо́бне о́тче Сисо́е,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Собора Радонежских святых
Тропарь, глас 4
Днесь све́тло пра́зднуем, ве́рнии лю́дие,/ пресла́вныя Тро́ицкия оби́тели торжество́,/ се бо вели́кий собо́р святы́х чудотво́рцев Ра́донежских, я́ко ди́вныя пти́цы небе́сныя,/ явля́ет нам Це́рковь Росси́йская,/ стезя́ми честна́го их жития́ ше́ствовати всех призыва́ющи,/ к ни́мже, с ве́рою и любо́вию притека́юще, воззове́м:/ моли́теся о нас ко Пресвяте́й Тро́ице,/ преподо́бнии отцы́ на́ши с Богоно́сным а́ввою Се́ргием,/ мир ми́рови дарова́ти и/ душа́м на́шим ве́лию ми́лость.
Ин тропарь, глас 2
Плоды́ доброде́телей на земли́ прине́сше,/ преподо́бнии отцы́,/ в Небе́сных черто́зех ны́не благоуха́ете, я́ко ра́йстии цве́ти,/ и лице́м к ли́цу зри́те Пресвяту́ю Тро́ицу,/ ю́же дерзнове́нно моли́те,/ спасти́ся душа́м на́шим.
Кондак, глас 8
Прииди́те, вси концы́ оте́чества на́шего,/ просла́вим святы́й лик уго́дников Ра́донежских,/ я́ко зве́зды, украси́вших не́бо церко́вное по́двиги земна́го жи́тельства,/ тех бо предста́тельством те́плым ко Го́споду/ мно́гия нам ми́лости Его́ низпосыла́ются,/ бе́дствия отгоня́ются и злы́е стра́сти укроща́ются./ И́хже всесвяту́ю па́мять ны́не пра́зднующе, та́ко возопии́м:/ ра́дуйтеся, Се́ргие и Ни́коне и вси Ра́донежстии чудотво́рцы,/ усе́рднии служи́телие Живонача́льныя Тро́ицы.
Величание
Велича́ем вас,/ вси святи́и, земли́ Ра́донежския,/ и чтим святу́ю па́мять ва́шу,/ вы бо мо́лите за нас/ Христа́ Бо́га на́шего.
Преподобного Сисоя, схимника Печерского, в Дальних пещерах
Тропарь, глас 1
Пусты́нный жи́тель, и в телеси́ А́нгел,/ и чудотво́рец яви́лся еси́, Богоно́се о́тче наш Сисо́е,/ посто́м, бде́нием, моли́твою Небе́сная дарова́ния прии́м,/ исцеля́еши неду́жныя и ду́ши ве́рою притека́ющих ти./ Сла́ва Да́вшему тебе́ кре́пость,/ сла́ва Венча́вшему тя,// сла́ва Де́йствующему тобо́ю всем исцеле́ния.
Кондак, глас 1
Сисо́е чу́дне,/ на стра́сти вельми́ подвиза́выйся/ и посто́м и нощны́ми моли́твами сия́ успи́вый,/ благода́ть от Христа́ прия́л еси́/ в страсте́х бе́дствующим посо́бствовати.// Тем и на́ша стра́сти пло́ти и ду́ха исцели́, мо́лимся.
Величание
Ублажа́ем тя,/ преподо́бне о́тче Сисо́е,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Праведной девы Иулиании, княжны Ольшанской
Тропарь, глас 8
Я́ко непоро́чная неве́ста Нетле́ннаго Жениха́ Христа́,/ пра́ведная де́во Иулиани́е,/ с све́тлою свеще́ю до́брых дел вошла́ еси́ в черто́г Его́ Небе́сный/ и та́мо со святы́ми блаже́нства ве́чнаго наслажда́ешися./ Те́мже моли́, Его́же возлюби́ла еси́/ и Ему́же де́вство твое́ обручи́ла еси́,/ спасти́ ду́ши на́ша.
Ин тропарь, глас 2
Де́вства доброта́ми преочище́на/ и целому́дрия цветы́ венча́вшися,/ Богоблаже́нная де́во Иулиани́е,/ яви́лася еси́ ми́ру в нетле́нием телеси́ твое́м,/ исто́чник исцеле́ний и даро́в духо́вных подаю́ще всем к тебе́ притека́ющим,/ и ны́не, я́ко свеща́ те́плая, благода́ти еле́ем возже́нная,/ предстоя́ще престо́лу Го́спода и Жениха́ твоего́ Небе́снаго,/ Того́ моли́, де́во чи́стая,/ изба́вити нас от вся́каго зла,/ чту́щих па́мять твою́ ве́рою и любо́вию.
Кондак, глас 8
Храм Бо́жий одушевле́нный,/ де́вственною чистото́ю благоукра́шенный,/ ве́мы тя, свята́я и пра́ведная де́во, княжно́ Иулиани́е./ Те́мже с любо́вию пра́зднующе/ святы́х твои́х моще́й обре́тение, мо́лим тя,/ изве́стная жела́ний на́ших хода́таице:/ принеси́ за нас моли́твы твоя́ ко Го́споду/ и от вся́ких бед свобожда́й нас/ предста́тельством твои́м у престо́ла Всевы́шняго,/ да зове́м ти:/ ра́дуйся, де́во свята́я Иулиани́е, неве́сто Христо́ва прекра́сная.
Ин кондак, глас 8
Приво́дим Ти, о Всеще́дре, Иулиани́ю,/ присносветя́щую свещу́, еле́ем благода́ти обдержи́мую,/ немощны́м цельбу́/ Ея́же моли́твами от вся́каго зла свободи́ нас и спаси́ всех,/ и́же Тя с поклоне́нием велича́ют.
Величание
Велича́ем тя,/ свята́я пра́ведная де́во Иулиани́е,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Святителя Арсения, епископа Тверского
Тропарь, глас 8
Благоче́стно пожи́в во святи́тельстве,/ лю́ди пpосвети́л еси́ уче́нием твои́м,/ и о хpа́ме Пpечи́стыя вельми́ подвиза́вся,/ и люби́тель мона́хов быв,/ сего́ pа́ди от Хpиста́ па́ствы твоея́ вене́ц пpия́л еси́./ Те́мже, я́ко апо́стольскаго пpесто́ла наме́стника,/ и святи́теля вели́каго чту́ще тя, мо́лим ча́да твоя́, блаже́нне:/ от всех бед изба́ви нас я́же ко Хpисту́ моли́твами твои́ми,// святи́телю Хpисто́в Аpсе́ние, о́тче наш.
Кондак, глас 8
Восприе́мши ра́достно честны́я твоя́ мо́щи, пречи́стая це́рковь,/ в ню́же че́стно вноси́ми мно́жеством священномона́хов, и кня́зи благове́рными,/ и я́же прие́мши я́ко сокро́вище многоце́нное./ Те́мже и мы ны́не твоея́ огра́ды слове́сныя о́вцы,/ о́крест ра́ки твоея́ предстоя́ще,/ любе́зно вопие́м ти́:/ не забу́ди чад твои́х, о́тче,/ и́хже му́дре собра́л и возлюби́л еси́,/ я́ко да зове́м ти́:// ра́дуйся, святи́телю Арсе́ние, па́стырю и учи́телю наш.
Величание
Велича́ем тя,/ святи́телю о́тче Аpсе́ние,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Собора Тверских святых
Тропарь, глас 4
И́же в земли́ Тверско́й просла́вльшиися,/ святи́телие, му́ченицы,/ преподо́бнии, пра́веднии/ и вси святи́и,/ ве́рою, по́двиги благоче́стия,/ любо́вию, кро́тостию, сло́вом и житие́м/ Бо́гу благоугоди́вшии/ и венцы́ нетле́ния и сла́вы украси́вшиися,/ моли́те Христа́ Бо́га на́шего/ дарова́ти мир стране́ на́шей// и душа́м на́шим в ми́ре спасти́ся.
Кондак, глас 4
На земли́ благоче́стно пожи́вшии,/ святи́и, в земли́ Тверско́й просия́вшии,/ и ны́не на Небесе́х со А́нгелы ра́дуетеся/ и Тро́ицу Святу́ю — Отца́, и Сы́на, и Свята́го Ду́ха во Еди́ном Божестве́ прославля́ете./ Мы же, земноро́днии, моли́твенно ублажа́юще вас/ и святу́ю па́мять соверша́юще, мо́лим:/ принеси́те на́ша моли́твы к Небе́сному Престо́лу Го́спода Вседержи́теля,/ да ва́шим хода́тайством// да́рует мир и спасе́ние душа́м на́шим.
Величание
Велича́ем вас,/ страны́ Тверски́я покрови́тели,/ и чтим святу́ю па́мять ва́шу,/ вы бо мо́лите о нас// Христа́, Бо́га на́шего.
Божией Матери пред иконой Ее Валаамской
Тропарь, глас 4
Богоро́дице Де́во,/ на Твою́ ико́ну пресве́тлую взира́юще, ра́дуемся,/ пред не́ю бо на о́строве Валаа́ме/ мольбы́ усе́рдно моля́щихся исполня́ются;/ услы́ши, Пречи́стая, и на́с моля́щих Ти́ ся́,/ утверди́ на́с в ве́ре и любви́, // и испроси́ ми́рови ми́р и душа́м на́шим ве́лию ми́лость.
Кондак, глас 6
Предста́тельство христиа́н непосты́дное,/ хода́тайство ко Творцу́ непрело́жное,/ не пре́зри гре́шных моле́ний гла́сы,/ но предвари́, я́ко Блага́я, на по́мощь нас,/ ве́рно зову́щих Ти:/ ускори́ на моли́тву и потщи́ся на умоле́ние,// предста́тельствующи при́сно, Богоро́дице, чту́щих Тя.
Величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния // всем с ве́рою притека́ющим.
Божией Матери пред иконой Ее Богородско-Уфимской
Тропарь, глас 4
Засту́пнице Усе́рдная,/ Наде́ждо ненаде́жных,/ Помо́щнице ни́щих и си́рых,/ пла́чущих Утеше́ние,/ согреша́ющих очище́ние,/ Путеводи́тельнице заблу́ждших,/ боля́щих Целе́бнице/ и испра́вление па́дающих,/ Ты бо еси́ Похвало́ земли́ Уфимския, Де́во Богоро́дице.
Кондак, глас 5
О, Милосе́рдная Ма́ти,/ не отри́ни слез и воздыха́ний на́ших, с ве́рою и любо́вию к Тебе́ приноси́мых:/ пред ико́ною Богоро́дскою услы́ши ны́не моля́щихся/ и на путь спасе́ния наста́ви,/ и душ на́ших грехи́ исцели́,/ от земли́ Уфи́мския вся па́губи потреби́,/ Ты бо еси́ лю́дем сокро́вище ве́чнаго спасе́ния/ и исто́чниче Боже́ственныя благода́ти.
Величание
Досто́йно есть велича́ти Тя,/ Богоро́дице, честне́йшую Херуви́м и сла́внейшую без сравне́ния Серафи́м.
Ино величание
Велича́ем Тя,/ Богоро́дице Де́во,/ и почита́ем чудотво́рную ико́ну Твою́,/ е́юже благоволи́ла еси́ спасти́ зе́млю Уфи́мскую/ от всегуби́тельных боле́зней и людски́х нестрое́ний.