Православный календарь на 07-12-2024
| Пн | Вт | Ср | Чт | Пт | Сб | Вс |
Вмч. Меркурия (III). Вмц. Екатерины (305–313). Мч. Меркурия Смоленского (1238–1239).
Прп. Меркурия, постника Печерского, в Дальних пещерах (XIV). Мц. Августы, мчч. Порфирия Стратилата и 200 воинов (305–313). Прп. Мастридии. Прп. Симона Сойгинского (1562).
Сщмч. Евграфа Еварестова пресвитера (1919); сщмчч. Евгения Яковлева и Михаила Богородицкого пресвитеров (1937); сщмчч. Александра Левицкого, Алексия Тютюнова, Иоанна Никольского, Корнилия Удиловича и Митрофана Корницкого пресвитеров (1937).
Чтения дня
2 Коринфянам 11:1-6 Луки 10:19-21
Ефесянам 6:10-17 (великомученице)
Луки 21:12-19 (великомученице)
История души большинства людей — и не постоянная близость к Богу, и не постоянная удаленность от Бога, а попеременно удаление от Него и возвращение к Нему.
Свт. Николай Сербский
Великомученика Меркурия Кесарийского
Тропарь, глас 4
Му́ченик Твой, Го́споди, Мерку́рий,/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами// спаси́ ду́ши на́ша.
Кондак, глас 4
Во бране́х непобеди́маго во́ина/ и в беда́х непосты́дна засту́пника,/ пе́сньми Мерку́рия ублажи́м, сла́вяще,/ пра́зднующия бо па́мять его́ ве́село// от бед избавля́ет и скорбе́й.
Величание
Велича́ем тя,/ страстоте́рпче святы́й Мерку́рие,/ и чтим честна́я страда́ния твоя́,/ я́же за Христа́/ претерпе́л еси́.
Великомученицы Екатерины Александрийской
Тропарь, глас 4
А́гница Твоя́, Иису́се, Екатеpи́но,/ зове́т ве́лиим гла́сом:/ Тебе́, Женише́ мой, люблю́,/ и, Тебе́ и́щущи, страда́льчествую,/ и сраспина́юся, и спогреба́юся Креще́нию Твоему́,/ и стражду́ Тебе́ ра́ди,/ я́ко да ца́рствую в Тебе́, и умира́ю за Тя,/ да и живу́ с Тобо́ю,/ но я́ко же́ртву непоро́чную, приими́ мя, с любо́вию поже́ршуюся Тебе́./ Тоя́ моли́твами,// я́ко Ми́лостив, спаси́ ду́ши на́ша.
Ин тропарь, глас 4
Доброде́тельми, я́ко луча́ми со́лнечными,/ просвети́ла еси́ неве́рныя мудрецы́,/ и, я́коже пресве́тлая луна́ ходя́щим в нощи́,/ неве́рия тьму отгна́ла еси́/ и цари́цу уве́рила еси́,/ вку́пе же и мучи́теля обличи́ла еси́,/ богозва́нная неве́сто, блаже́нная Екатери́но,/ жела́нием востекла́ еси́ в Небе́сный черто́г/ к прекра́сному Жениху́ Христу́,/ и от Него́ ца́рским венце́м венча́лася еси́:/ Ему́же, со А́нгелы предстоя́щи,/ за ны моли́ся,// творя́щия пречестну́ю па́мять твою́.
Кондак, глас 2
Лик честны́й боже́ственне, мучениколю́бцы,/ воздви́гните ны́не,/ почита́юще всему́друю Екатери́ну,/ сия́ бо в три́знищи Христа́ пропове́да и зми́я попра́,// ри́торов ра́зумы укроти́вши.
Ин кондак, глас 3
Вити́йствующи днесь, Екатери́на му́ченица/ и вити́ям обличи́ умовре́дную е́ресь,/ А́нгел бо с Небесе́ к той прии́де, си́лу от Вы́шняго принесе́,/ ю́же прие́мши, му́жески рече́:// Христо́с есть му́чеником похвала́.
Величание
Велича́ем тя,/ страстоте́рпице Христо́ва Екатери́но,/ и чтим честно́е страда́ние твое́,/ е́же за Христа́/ претерпе́ла еси́.
Мученика Меркурия Смоленского
Тропарь, глас 2
Возсия́в, я́ко звезда́ многосве́тлая,/ в собо́рней це́ркви пред пречи́стым и чудотво́рным о́бразом Пречи́стей Богоро́дицы,/ за Ню́же и за град Смоле́нск пострада́,/ многоко́зненнаго и богоме́рзкаго царя́ Баты́я устраши́,/ и си́льнаго исполи́на победи́, и лю́ди удиви́,/ ду́шу свою́, многострада́льне Мерку́рие, за благоче́стие положи́,/ я́ко Заха́риина и А́велева я́сно вопие́т твоя́ кровь ко Го́споду.// И ны́не моли́ся за ду́ши на́ша.
Кондак, глас 4
Яви́ся во бране́х непобеди́мь во́ин,/ от ри́млян ро́дом,/ сыновство́ име́ гра́да Смоле́нска,/ я́ко бо сих ра́ди нарече́ся,/ я́ко от Богоро́дицы страж кре́пок посла́ся гра́ду,/ пе́сньми Мерку́рия ублажи́м,/ пра́зднующе ве́село па́мять его́,// я́ко да изба́вит град наш от беды́ ра́тник.
Ин кондак, глас 8
Чистото́ю душе́вною ку́пно и теле́сною/ и серде́чною к Бо́гу любо́вию и непреста́нною моли́твою/ ри́мское бога́тство оста́вль/ и прия́т бога́тство от Го́спода – вене́ц,/ прие́м в ру́це копие́, кре́пко злове́рнаго царя́ Баты́я ужаси́,/ и самохва́льнаго исполи́на победи́,/ и вси вну́цы ага́рянския прожену́в, страстоте́рпче Мерку́рие,// моли́ Христа́ Бо́га спасти́ся душа́м на́шим.
Величание
Велича́ем тя,/ страстоте́рпче святы́й Мерку́рие,/ и чтим честна́я страда́ния твоя́,/ я́же за Христа́// претерпе́л еси́.
Преподобного Меркурия, постника Печерского, в Дальних пещерах
Тропарь, глас 5
Присносу́щныя, блаже́нне, жела́я сподо́битися жи́зни,/ пра́ведне и непоро́чне/ жизнь свою́ препроводи́л еси́ в ны́нешнем ве́це,/ те́мже, Мерку́рие, жела́емаго ты дости́г,// моли́ и нам ве́чныя сподо́битися жи́зни.
Кондак, глас 8
Преподо́бному во всех де́лех Го́сподеви преи́скренне рабо́тая,/ и О́наго всегда́ в це́ркви преподо́бных Свои́х/ преподо́бным воспева́я гла́сом,/ насле́дил еси́, преподо́бне Мерку́рие, часть преподо́бных,// с ни́миже моли́ся о всех нас.
Величание
Ублажа́ем тя,/ преподо́бне о́тче Мерку́рие,/ и чтим святу́ю па́мять твою́,/ наста́вниче мона́хов// и собесе́дниче А́нгелов.
Великомученика Меркурия Кесарийского
Тропарь, глас 4
Му́ченик Твой, Го́споди, Мерку́рий,/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами// спаси́ ду́ши на́ша.
Кондак, глас 4
Во бране́х непобеди́маго во́ина/ и в беда́х непосты́дна засту́пника,/ пе́сньми Мерку́рия ублажи́м, сла́вяще,/ пра́зднующия бо па́мять его́ ве́село// от бед избавля́ет и скорбе́й.
Величание
Велича́ем тя,/ страстоте́рпче святы́й Мерку́рие,/ и чтим честна́я страда́ния твоя́,/ я́же за Христа́/ претерпе́л еси́.
Великомученицы Екатерины Александрийской
Тропарь, глас 4
А́гница Твоя́, Иису́се, Екатеpи́но,/ зове́т ве́лиим гла́сом:/ Тебе́, Женише́ мой, люблю́,/ и, Тебе́ и́щущи, страда́льчествую,/ и сраспина́юся, и спогреба́юся Креще́нию Твоему́,/ и стражду́ Тебе́ ра́ди,/ я́ко да ца́рствую в Тебе́, и умира́ю за Тя,/ да и живу́ с Тобо́ю,/ но я́ко же́ртву непоро́чную, приими́ мя, с любо́вию поже́ршуюся Тебе́./ Тоя́ моли́твами,// я́ко Ми́лостив, спаси́ ду́ши на́ша.
Ин тропарь, глас 4
Доброде́тельми, я́ко луча́ми со́лнечными,/ просвети́ла еси́ неве́рныя мудрецы́,/ и, я́коже пресве́тлая луна́ ходя́щим в нощи́,/ неве́рия тьму отгна́ла еси́/ и цари́цу уве́рила еси́,/ вку́пе же и мучи́теля обличи́ла еси́,/ богозва́нная неве́сто, блаже́нная Екатери́но,/ жела́нием востекла́ еси́ в Небе́сный черто́г/ к прекра́сному Жениху́ Христу́,/ и от Него́ ца́рским венце́м венча́лася еси́:/ Ему́же, со А́нгелы предстоя́щи,/ за ны моли́ся,// творя́щия пречестну́ю па́мять твою́.
Кондак, глас 2
Лик честны́й боже́ственне, мучениколю́бцы,/ воздви́гните ны́не,/ почита́юще всему́друю Екатери́ну,/ сия́ бо в три́знищи Христа́ пропове́да и зми́я попра́,// ри́торов ра́зумы укроти́вши.
Ин кондак, глас 3
Вити́йствующи днесь, Екатери́на му́ченица/ и вити́ям обличи́ умовре́дную е́ресь,/ А́нгел бо с Небесе́ к той прии́де, си́лу от Вы́шняго принесе́,/ ю́же прие́мши, му́жески рече́:// Христо́с есть му́чеником похвала́.
Величание
Велича́ем тя,/ страстоте́рпице Христо́ва Екатери́но,/ и чтим честно́е страда́ние твое́,/ е́же за Христа́/ претерпе́ла еси́.
Мученика Меркурия Смоленского
Тропарь, глас 2
Возсия́в, я́ко звезда́ многосве́тлая,/ в собо́рней це́ркви пред пречи́стым и чудотво́рным о́бразом Пречи́стей Богоро́дицы,/ за Ню́же и за град Смоле́нск пострада́,/ многоко́зненнаго и богоме́рзкаго царя́ Баты́я устраши́,/ и си́льнаго исполи́на победи́, и лю́ди удиви́,/ ду́шу свою́, многострада́льне Мерку́рие, за благоче́стие положи́,/ я́ко Заха́риина и А́велева я́сно вопие́т твоя́ кровь ко Го́споду.// И ны́не моли́ся за ду́ши на́ша.
Кондак, глас 4
Яви́ся во бране́х непобеди́мь во́ин,/ от ри́млян ро́дом,/ сыновство́ име́ гра́да Смоле́нска,/ я́ко бо сих ра́ди нарече́ся,/ я́ко от Богоро́дицы страж кре́пок посла́ся гра́ду,/ пе́сньми Мерку́рия ублажи́м,/ пра́зднующе ве́село па́мять его́,// я́ко да изба́вит град наш от беды́ ра́тник.
Ин кондак, глас 8
Чистото́ю душе́вною ку́пно и теле́сною/ и серде́чною к Бо́гу любо́вию и непреста́нною моли́твою/ ри́мское бога́тство оста́вль/ и прия́т бога́тство от Го́спода – вене́ц,/ прие́м в ру́це копие́, кре́пко злове́рнаго царя́ Баты́я ужаси́,/ и самохва́льнаго исполи́на победи́,/ и вси вну́цы ага́рянския прожену́в, страстоте́рпче Мерку́рие,// моли́ Христа́ Бо́га спасти́ся душа́м на́шим.
Величание
Велича́ем тя,/ страстоте́рпче святы́й Мерку́рие,/ и чтим честна́я страда́ния твоя́,/ я́же за Христа́// претерпе́л еси́.
Преподобного Меркурия, постника Печерского, в Дальних пещерах
Тропарь, глас 5
Присносу́щныя, блаже́нне, жела́я сподо́битися жи́зни,/ пра́ведне и непоро́чне/ жизнь свою́ препроводи́л еси́ в ны́нешнем ве́це,/ те́мже, Мерку́рие, жела́емаго ты дости́г,// моли́ и нам ве́чныя сподо́битися жи́зни.
Кондак, глас 8
Преподо́бному во всех де́лех Го́сподеви преи́скренне рабо́тая,/ и О́наго всегда́ в це́ркви преподо́бных Свои́х/ преподо́бным воспева́я гла́сом,/ насле́дил еси́, преподо́бне Мерку́рие, часть преподо́бных,// с ни́миже моли́ся о всех нас.
Величание
Ублажа́ем тя,/ преподо́бне о́тче Мерку́рие,/ и чтим святу́ю па́мять твою́,/ наста́вниче мона́хов// и собесе́дниче А́нгелов.