Православный календарь на 10-11-2024
| Пн | Вт | Ср | Чт | Пт | Сб | Вс |
Неделя 20-я по Пятидесятнице. Глас 3-й.
Вмц. Параскевы, нареченной Пятница (III). Мчч. Терентия и Неониллы и чад их Сарвила, Фота, Феодула, Иеракса, Нита, Вила и Евникии (249–250). Прп. Стефана Савваита, творца канонов (IX). Свт. Арсения I, архиеп. Сербского (1266). Прп. Иова, игумена Почаевского (1651). Свт. Димитрия, митр. Ростовского (1709).
Прп. Феофила Киевского, Христа ради юродивого (1853). Мчч. Африкана, Терентия, Максима, Помпия и иных 36-ти (III). Сщмч. Кириака, патриарха Иерусалимского (363). Прп. Иоанна Хозевита, еп. Кесарийского (VI). Сщмч. Неофита, еп. Урбнисского (VII) (Груз.). Прп. Арсения Каппадокийского (1924).
Сщмч. Иоанна Виленского пресвитера (1918); прмч. Геннадия (Парфентьева) (1919).
Чтения дня
Иоанна 20:19-31 (на утрене. Евангелие 9-e) Галатам 1:11-19 Луки 8:26-39
Евреям 7:26-8:2 (святителю)
Иоанна 10:9-16 (святителю)
Благодать Божия сходит только на смиренного и кроткого человека. На таком почивает Дух Божий.
Прп. Паисий Святогорец
Великомученицы Параскевы Пятницы
Тропарь, глас 4
Прему́драя и всехва́льная Христо́ва му́ченица Параске́ва,/ му́жескую кре́пость прии́мши,/ же́нскую же не́мощь отве́ргши,/ диа́вола победи́, и мучи́теля посрами́,/ вопию́щи и глаго́лющи:/ прииди́те, те́ло мое́ мече́м ссецы́те, и огне́м сожги́те,/ аз бо, ра́дующися, иду́ ко Христу́, Жениху́ моему́/ Тоя́ моли́твами, Христе́ Бо́же, спаси́ ду́ши на́ша.
Ин тропарь, глас 8
И́же ве́руя, и му́жеством душе́вным, тезоимени́тне,/ диа́вола посрами́ла еси́/ и мучи́тельское преще́ние и ра́ны до́блественне победи́ла еси́,/ му́ченице Параске́во, вопия́:/ мече́м сосеца́йте и огне́м сожиза́йте те́ло мое́,/ я́ко да, ра́дуяся, прииду́ Жениху́ моему́ Христу́ Бо́гу./ Его́же моли́ спасти́ся душа́м на́шим.
Кондак, глас 3
Всесвято́е и непоро́чное муче́ние прине́сши,/ я́ко ве́но пречестно́е безсме́ртному Жениху́ Христу́/ а́нгельское ликостоя́ние возвесели́ла еси́,/ и победи́ла еси́ де́монския ко́зни;/ сего́ ра́ди тя че́стно ве́рою чтим,/ му́ченице Параске́во, многострада́льная.
Величание
Велича́ем тя,/ страстоте́рпице Христо́ва Параске́во,/ и чтим честно́е страда́ние твое́,/ е́же за Христа́/ претерпе́ла еси́.
Мучеников Терентия и Неониллы и чад их
Тропарь, глас 4
Му́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего:/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости,/ тех моли́твами// спаси́ ду́ши на́ша.
Кондак, глас 4
Му́ченическая честна́я па́мять прии́де днесь, веселя́щи вся́ческая,/ Тере́нтия прему́драго и подру́жии его́./ Те́пле у́бо стеце́мся, да прии́мем исцеле́ние,/ си́и бо благода́ть прие́мше от Ду́ха Свята́го// исцеля́ти неду́ги и боле́зни душ на́ших.
Величание
Велича́ем вас,/ страстоте́рпцы святи́и,/ и чтим честна́я страда́ния ва́ша,/ я́же за Христа́// претерпе́ли есте́.
Преподобного Стефана Савваита, творца канонов
Тропарь, глас 5
Воздержа́нием житие́ украси́ и стра́сти умертви́в,/ посрами́л еси́ вра́жия прило́ги, о́тче Стефа́не,/ и преложи́ся к Бо́гу, чудотво́рец показа́ся,/ в ве́чней сла́ве со А́нгелы лику́я,// с ни́ми же моли́ поми́ловати ду́ши на́ша.
Кондак, глас 4
Насади́л еси́ доброде́телей рай/ и напои́л еси́ то́ками слез твои́х,/ я́ко жи́зни, всесла́вне, дре́во получи́в,/ спаси́ моли́твами твои́ми от тли ста́до твое́,/ изба́ви от обстоя́ний те́пле чту́щих тя, Стефа́не,/ тя бо предста́теля велича́йша, му́дре,// вси ве́рою и любо́вию стяжа́хом.
Величание
Ублажа́ем тя,/ преподо́бне о́тче Стефа́не,/ и чтим святу́ю па́мять твою́,/ наста́вниче мона́хов// и собесе́дниче А́нгелов.
Святителя Арсения I, архиепископа Сербского
Тропарь, глас 8
Ми́лости наста́вниче, и благоутро́бия сокро́вище,/ е́же всем отве́рзл еси́,/ правове́рия учи́телю, и архиере́ев Боже́ственное удобре́ние,/ о́тче наш иера́рше Арсе́ние,/ ни́щих был еси́ засту́пник./ Тем моли́ Христа́ Бо́га,/ просвети́ти ду́ши на́ша, да не когда́ у́снем в смерть.
Кондак, глас 2
В пи́щи слове́с твои́х, Богоно́се Арсе́ние,/ разу́мно ча́да твоя́ пита́я,/ язы́ком хваля́, устна́ми же пе́ние принося́, веща́нием зовы́й:/ Христе́, Ты еси Свет неизрече́нный.
Величание
Велича́ем тя,/ святи́телю о́тче Арсе́ние,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Преподобного Иова, игумена Почаевского
Тропарь, глас 4
Многострада́льнаго пра́отца долготерпе́ние стяжа́в,/ Крести́телеву воздержа́нию уподобля́яся,/ Боже́ственныя же ре́вности обою́ приобща́яся,/ тех имена́ досто́йно прия́ти сподо́бился еси́/ и и́стинныя ве́ры был еси́ пропове́дник безбоя́знен;/ те́мже мона́хов мно́жества ко Христу́ приве́л еси́,/ ́и вся лю́ди в Правосла́вии утверди́л еси́,/ И́ове преподо́бне о́тче наш,// моли́ спасти́ся душа́м на́шим.
Кондак, глас 4
Яви́лся еси́ и́стинныя ве́ры столп,/ ева́нгельских же за́поведей ревни́тель,/ горды́ни обличе́ние, смире́нным же предста́тель и науче́ние:/ те́мже и ублажа́ющим тя грехо́в отпуще́ние испроси́/ и оби́тель твою́ невреди́му сохрани́,/ И́ове о́тче наш,// Многострада́льному подобный.
Величание
Ублажа́ем тя,/ преподо́бне о́тче Иове,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Святителя Димитрия, митрополита Ростовского
Тропарь, глас 8
Правосла́вия ревни́телю и раско́ла искорени́телю,/ Росси́йский целе́бниче, и но́вый к Бо́гу моли́твенниче,/ списа́ньми твои́ми бу́их уцелому́дрил еси́,/ цевни́це духо́вная, Дими́трие блаже́нне,// моли́ Христа́ Бо́га спасти́ся душа́м на́шим.
Кондак, глас 4
Звезду́ Росси́йскую от Ки́ева возсия́вшую,/ и чрез Но́вград Се́верский в Росто́в дости́гшую,/ всю же страну́ сию́ уче́ньми и чудесы́ озари́вшую,/ ублажи́м златослове́снаго учи́теля Дими́трия,/ той бо все́м вся написа́, я́же к наставле́нию,/ да всех приобря́щет, я́коже Па́вел Христу́,// и спасе́т правове́рием ду́ши на́ша.
Величание
Велича́ем тя,/ святи́телю о́тче Дими́трие,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Преподобного Феофила Киевского, Христа ради юродивого
Тропарь, глас 4
От ю́ности Христа́ возлюби́л еси́, блаже́нне Фео́филе,/ и Тому́ еди́ному рабо́тати пла́менне возжеле́л,/ непреста́нною моли́твою и юро́дством в пусты́ни Кита́евой подвиза́лся еси,/ уго́дником пече́рским подража́я./ Сего́ ра́ди вопие́м ти́:/ спаса́й на́с моли́твами твои́ми,// преподо́бне о́тче на́ш.
Кондак, глас 8
От ми́ра су́етнаго изше́л еси́/ и в де́брех Кита́ева всели́лся еси́,/ преподо́бне о́тче на́ш Фео́филе./ Непреста́нным псалмопе́нием и юро́дством свои́м/ мно́гих на пу́ть спасе́ния наста́вил еси́./ Сего́ ра́ди вопие́м ти́:// моли́ Христа́ Бо́га, да спасе́т ду́ши на́ша.
Величание
Ублажа́ем тя,/ преподо́бне о́тче Фео́филе,/ и чтим святу́ю па́мять твою́,/ наста́вниче мона́хов// и собесе́дниче А́нгелов.
Мучеников Терентия, Публия, Африкана и иже с ними
Тропарь, глас 4
Му́ченицы Твои́, Го́споди, во страда́ниих свои́х венцы́ прия́ша нетле́нныя от Тебе́, Бо́га на́шего: имуще бо кре́пость Твою́, мучи́телей низложи́ша, сокруши́ша и де́монов немощны́я де́рзости; тех моли́твами спаси́ ду́ши на́ша.
Кондак, глас 2
Му́ченическая честна́я па́мять прии́де дне́сь,/ веселя́щи вся́ческая,/ Тере́нтия прему́драго и дружи́ны его́./ Те́пле у́бо стеце́мся, да прии́мем исцеле́ния,/ си́и бо благода́ть от Бо́га прия́ша Ду́ха Свята́го// исцеля́ти неду́ги ду́ш на́ших.
Величание
Велича́ем вас,/ страстоте́рпцы святи́и,/ и чтим честна́я страда́ния ва́ша,/ я́же за Христа́// претерпе́ли есте́.
Священномученика Кириака, архиепископа Иерусалимского
Тропарь, глас 4
И нра́вом прича́стник,/ и престо́лом наме́стник апо́столом быв,/ дея́ние обре́л еси́, Богодухнове́нне,/ в виде́ния восхо́д,/ сего́ ра́ди сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Кириа́че,/ моли́ Христа́ Бо́га// спасти́ся душа́м на́шим.
Ин тропарь, глас 4
Бла́гости научи́вся, и трезвя́ся во все́х,/ благо́ю со́вестию священноле́пно обо́лкся,/ поче́рпл еси́ от сосу́да избра́ннаго неизрече́нная/ и, ве́ру соблю́д, ра́вное тече́ние соверши́л еси́,/ священному́чениче Кириа́че,/ моли́ Христа́ Бо́га// спасти́ся душа́м на́шим.
Кондак, глас 4
Во святи́телех благоче́стно пожи́в,/ и муче́ния путь проше́д,/ и́дольския угаси́л еси́ же́ртвы,/ и побо́рник быв твоему́ ста́ду, богому́дре./ Те́мже тя почита́юще та́йно вопие́м ти:/ от бед изба́ви ны при́сно твои́ми мольба́ми,// о́тче наш Кириа́че.
Величание
Велича́ем тя,/ священному́чениче Кириа́че,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Преподобного Арсения Каппадокийского
Тропарь, глас 3
Житие́ богоуго́дное до́бре сконча́в,/ сосу́д че́стен Уте́шителя яви́лся еси́, богоно́сне Арсе́ние,/ чуде́с благода́ть прии́м, всем подае́ши ско́рое вспоможе́ние,/ о́тче преподо́бне,/ Христу́ Бо́гу моли́ся// дарова́ти нам ве́лию ми́лость.
Кондак, глас 2
Чистото́ю душе́вною боже́ственне вооружи́вся и непреста́нныя моли́твы, я́ко копие́, вручи́в кре́пко, пробо́л еси́ бесо́вская ополче́ния, Арсение о́тче наш, моли́ непреста́нно о всех нас.
Величание
Ублажа́ем тя,/ преподо́бне о́тче Арсе́ние,/ и чтим святу́ю па́мять твою́,/ наста́вниче мона́хов// и собесе́дниче А́нгелов.
Великомученицы Параскевы Пятницы
Тропарь, глас 4
Прему́драя и всехва́льная Христо́ва му́ченица Параске́ва,/ му́жескую кре́пость прии́мши,/ же́нскую же не́мощь отве́ргши,/ диа́вола победи́, и мучи́теля посрами́,/ вопию́щи и глаго́лющи:/ прииди́те, те́ло мое́ мече́м ссецы́те, и огне́м сожги́те,/ аз бо, ра́дующися, иду́ ко Христу́, Жениху́ моему́/ Тоя́ моли́твами, Христе́ Бо́же, спаси́ ду́ши на́ша.
Ин тропарь, глас 8
И́же ве́руя, и му́жеством душе́вным, тезоимени́тне,/ диа́вола посрами́ла еси́/ и мучи́тельское преще́ние и ра́ны до́блественне победи́ла еси́,/ му́ченице Параске́во, вопия́:/ мече́м сосеца́йте и огне́м сожиза́йте те́ло мое́,/ я́ко да, ра́дуяся, прииду́ Жениху́ моему́ Христу́ Бо́гу./ Его́же моли́ спасти́ся душа́м на́шим.
Кондак, глас 3
Всесвято́е и непоро́чное муче́ние прине́сши,/ я́ко ве́но пречестно́е безсме́ртному Жениху́ Христу́/ а́нгельское ликостоя́ние возвесели́ла еси́,/ и победи́ла еси́ де́монския ко́зни;/ сего́ ра́ди тя че́стно ве́рою чтим,/ му́ченице Параске́во, многострада́льная.
Величание
Велича́ем тя,/ страстоте́рпице Христо́ва Параске́во,/ и чтим честно́е страда́ние твое́,/ е́же за Христа́/ претерпе́ла еси́.
Мучеников Терентия и Неониллы и чад их
Тропарь, глас 4
Му́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего:/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости,/ тех моли́твами// спаси́ ду́ши на́ша.
Кондак, глас 4
Му́ченическая честна́я па́мять прии́де днесь, веселя́щи вся́ческая,/ Тере́нтия прему́драго и подру́жии его́./ Те́пле у́бо стеце́мся, да прии́мем исцеле́ние,/ си́и бо благода́ть прие́мше от Ду́ха Свята́го// исцеля́ти неду́ги и боле́зни душ на́ших.
Величание
Велича́ем вас,/ страстоте́рпцы святи́и,/ и чтим честна́я страда́ния ва́ша,/ я́же за Христа́// претерпе́ли есте́.
Преподобного Стефана Савваита, творца канонов
Тропарь, глас 5
Воздержа́нием житие́ украси́ и стра́сти умертви́в,/ посрами́л еси́ вра́жия прило́ги, о́тче Стефа́не,/ и преложи́ся к Бо́гу, чудотво́рец показа́ся,/ в ве́чней сла́ве со А́нгелы лику́я,// с ни́ми же моли́ поми́ловати ду́ши на́ша.
Кондак, глас 4
Насади́л еси́ доброде́телей рай/ и напои́л еси́ то́ками слез твои́х,/ я́ко жи́зни, всесла́вне, дре́во получи́в,/ спаси́ моли́твами твои́ми от тли ста́до твое́,/ изба́ви от обстоя́ний те́пле чту́щих тя, Стефа́не,/ тя бо предста́теля велича́йша, му́дре,// вси ве́рою и любо́вию стяжа́хом.
Величание
Ублажа́ем тя,/ преподо́бне о́тче Стефа́не,/ и чтим святу́ю па́мять твою́,/ наста́вниче мона́хов// и собесе́дниче А́нгелов.
Святителя Арсения I, архиепископа Сербского
Тропарь, глас 8
Ми́лости наста́вниче, и благоутро́бия сокро́вище,/ е́же всем отве́рзл еси́,/ правове́рия учи́телю, и архиере́ев Боже́ственное удобре́ние,/ о́тче наш иера́рше Арсе́ние,/ ни́щих был еси́ засту́пник./ Тем моли́ Христа́ Бо́га,/ просвети́ти ду́ши на́ша, да не когда́ у́снем в смерть.
Кондак, глас 2
В пи́щи слове́с твои́х, Богоно́се Арсе́ние,/ разу́мно ча́да твоя́ пита́я,/ язы́ком хваля́, устна́ми же пе́ние принося́, веща́нием зовы́й:/ Христе́, Ты еси Свет неизрече́нный.
Величание
Велича́ем тя,/ святи́телю о́тче Арсе́ние,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Преподобного Иова, игумена Почаевского
Тропарь, глас 4
Многострада́льнаго пра́отца долготерпе́ние стяжа́в,/ Крести́телеву воздержа́нию уподобля́яся,/ Боже́ственныя же ре́вности обою́ приобща́яся,/ тех имена́ досто́йно прия́ти сподо́бился еси́/ и и́стинныя ве́ры был еси́ пропове́дник безбоя́знен;/ те́мже мона́хов мно́жества ко Христу́ приве́л еси́,/ ́и вся лю́ди в Правосла́вии утверди́л еси́,/ И́ове преподо́бне о́тче наш,// моли́ спасти́ся душа́м на́шим.
Кондак, глас 4
Яви́лся еси́ и́стинныя ве́ры столп,/ ева́нгельских же за́поведей ревни́тель,/ горды́ни обличе́ние, смире́нным же предста́тель и науче́ние:/ те́мже и ублажа́ющим тя грехо́в отпуще́ние испроси́/ и оби́тель твою́ невреди́му сохрани́,/ И́ове о́тче наш,// Многострада́льному подобный.
Величание
Ублажа́ем тя,/ преподо́бне о́тче Иове,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Святителя Димитрия, митрополита Ростовского
Тропарь, глас 8
Правосла́вия ревни́телю и раско́ла искорени́телю,/ Росси́йский целе́бниче, и но́вый к Бо́гу моли́твенниче,/ списа́ньми твои́ми бу́их уцелому́дрил еси́,/ цевни́це духо́вная, Дими́трие блаже́нне,// моли́ Христа́ Бо́га спасти́ся душа́м на́шим.
Кондак, глас 4
Звезду́ Росси́йскую от Ки́ева возсия́вшую,/ и чрез Но́вград Се́верский в Росто́в дости́гшую,/ всю же страну́ сию́ уче́ньми и чудесы́ озари́вшую,/ ублажи́м златослове́снаго учи́теля Дими́трия,/ той бо все́м вся написа́, я́же к наставле́нию,/ да всех приобря́щет, я́коже Па́вел Христу́,// и спасе́т правове́рием ду́ши на́ша.
Величание
Велича́ем тя,/ святи́телю о́тче Дими́трие,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Преподобного Феофила Киевского, Христа ради юродивого
Тропарь, глас 4
От ю́ности Христа́ возлюби́л еси́, блаже́нне Фео́филе,/ и Тому́ еди́ному рабо́тати пла́менне возжеле́л,/ непреста́нною моли́твою и юро́дством в пусты́ни Кита́евой подвиза́лся еси,/ уго́дником пече́рским подража́я./ Сего́ ра́ди вопие́м ти́:/ спаса́й на́с моли́твами твои́ми,// преподо́бне о́тче на́ш.
Кондак, глас 8
От ми́ра су́етнаго изше́л еси́/ и в де́брех Кита́ева всели́лся еси́,/ преподо́бне о́тче на́ш Фео́филе./ Непреста́нным псалмопе́нием и юро́дством свои́м/ мно́гих на пу́ть спасе́ния наста́вил еси́./ Сего́ ра́ди вопие́м ти́:// моли́ Христа́ Бо́га, да спасе́т ду́ши на́ша.
Величание
Ублажа́ем тя,/ преподо́бне о́тче Фео́филе,/ и чтим святу́ю па́мять твою́,/ наста́вниче мона́хов// и собесе́дниче А́нгелов.
Мучеников Терентия, Публия, Африкана и иже с ними
Тропарь, глас 4
Му́ченицы Твои́, Го́споди, во страда́ниих свои́х венцы́ прия́ша нетле́нныя от Тебе́, Бо́га на́шего: имуще бо кре́пость Твою́, мучи́телей низложи́ша, сокруши́ша и де́монов немощны́я де́рзости; тех моли́твами спаси́ ду́ши на́ша.
Кондак, глас 2
Му́ченическая честна́я па́мять прии́де дне́сь,/ веселя́щи вся́ческая,/ Тере́нтия прему́драго и дружи́ны его́./ Те́пле у́бо стеце́мся, да прии́мем исцеле́ния,/ си́и бо благода́ть от Бо́га прия́ша Ду́ха Свята́го// исцеля́ти неду́ги ду́ш на́ших.
Величание
Велича́ем вас,/ страстоте́рпцы святи́и,/ и чтим честна́я страда́ния ва́ша,/ я́же за Христа́// претерпе́ли есте́.
Священномученика Кириака, архиепископа Иерусалимского
Тропарь, глас 4
И нра́вом прича́стник,/ и престо́лом наме́стник апо́столом быв,/ дея́ние обре́л еси́, Богодухнове́нне,/ в виде́ния восхо́д,/ сего́ ра́ди сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Кириа́че,/ моли́ Христа́ Бо́га// спасти́ся душа́м на́шим.
Ин тропарь, глас 4
Бла́гости научи́вся, и трезвя́ся во все́х,/ благо́ю со́вестию священноле́пно обо́лкся,/ поче́рпл еси́ от сосу́да избра́ннаго неизрече́нная/ и, ве́ру соблю́д, ра́вное тече́ние соверши́л еси́,/ священному́чениче Кириа́че,/ моли́ Христа́ Бо́га// спасти́ся душа́м на́шим.
Кондак, глас 4
Во святи́телех благоче́стно пожи́в,/ и муче́ния путь проше́д,/ и́дольския угаси́л еси́ же́ртвы,/ и побо́рник быв твоему́ ста́ду, богому́дре./ Те́мже тя почита́юще та́йно вопие́м ти:/ от бед изба́ви ны при́сно твои́ми мольба́ми,// о́тче наш Кириа́че.
Величание
Велича́ем тя,/ священному́чениче Кириа́че,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Преподобного Арсения Каппадокийского
Тропарь, глас 3
Житие́ богоуго́дное до́бре сконча́в,/ сосу́д че́стен Уте́шителя яви́лся еси́, богоно́сне Арсе́ние,/ чуде́с благода́ть прии́м, всем подае́ши ско́рое вспоможе́ние,/ о́тче преподо́бне,/ Христу́ Бо́гу моли́ся// дарова́ти нам ве́лию ми́лость.
Кондак, глас 2
Чистото́ю душе́вною боже́ственне вооружи́вся и непреста́нныя моли́твы, я́ко копие́, вручи́в кре́пко, пробо́л еси́ бесо́вская ополче́ния, Арсение о́тче наш, моли́ непреста́нно о всех нас.
Величание
Ублажа́ем тя,/ преподо́бне о́тче Арсе́ние,/ и чтим святу́ю па́мять твою́,/ наста́вниче мона́хов// и собесе́дниче А́нгелов.