Православный календарь на 15-09-2024
| Пн | Вт | Ср | Чт | Пт | Сб | Вс |
Неделя 12-я по Пятидесятнице. Глас 3-й.
Мч. Маманта (275), отца его Феодота и матери Руфины (III). Прп. Иоанна постника, патриарха Цареградского (595). Прпп. Антония (1073) и Феодосия (1074) Печерских. Перенесение мощей блгвв. кн. Петра, в иночестве Давида, и кн. Февронии, в иночестве Евфросинии, Муромских, чудотворцев (1992) (переходящее празднование в воскресенье перед 6 сентября).
Обретение мощей прп. Феодосия Тотемского (1796). Мчч. 3628-ми в Никомидии (III–IV). Собор Саратовских святых (переходящее празднование в ближайшее воскресенье к 31 августа).
Сщмчч. Варсонофия, еп. Кирилловского, и с ним Иоанна Иванова пресвитера, прмц. Серафимы (Сулимовой) игумении и мчч. Анатолия Барашкова, Николая Бурлакова, Михаила Трубникова и Филиппа Марышева (1918); сщмчч. Дамаскина, еп. Стародубского, и с ним Евфимия Горячева, Иоанна Мельниченко, Иоанна Смоличева, Владимира Моринского, Виктора Басова, Феодота Шатохина, Петра Новосельского, Стефана Ярошевича пресвитеров (1937); сщмчч. Германа, еп. Вязниковского, Стефана Ермолина пресвитера и мч. Павла Елькина (1937).
Калужской иконы Божией Матери (1771).
Чтения дня
Матфея 28:16-20 (на утрене. Евангелие 1-e) 1 Коринфянам 15:1-11 Матфея 19:16-26
Галатам 5:22-6:2 (преподобным)
Луки 6:17-23 (преподобным)
Добрая совесть — это самое великое из всех благ. Она — цена душевного мира и сердечного покоя.
Свт. Нектарий Эгинский
Мученика Маманта Кесарийского
Тропарь, глас 4
Му́ченик Твой, Го́споди, Ма́мант,/ во страда́нии свое́м вене́ц прият нетле́нный, от Тебе́, Бо́га на́шего:/ име́яй бо кре́пость Твою, мучи́телей низложи́,/ сокруши́ и де́монов немощны́я де́рзости,/ того́ моли́твами спаси́ ду́ши на́ша.)
Кондак, глас 3
Жезло́м, свя́те, от Бо́га тебе́ да́нным,/ лю́ди твоя́ упаси́ на па́житех живоно́сных,/ зве́ри же неви́димыя и неукроти́мыя/ сокруши́ под но́ги тя пою́щих,/ я́ко вси, и́же в беда́х,// предста́теля тя те́пла, Ма́манте, и́мут.
Величание
Велича́ем тя,/ страстоте́рпче святы́й Ма́манте, / и чтим честна́я страда́ния твоя́, / Я́же за Христа́ претерпе́л еси́.
Святителя Иоанна Постника, патриарха Константинопольского
Тропарь, глас 4
Пра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́/ я́же веще́й и́стина:/ сего́ ра́ди стяжа́л еси́ смире́нием высо́кая,/ нището́ю бога́тая,/ о́тче Иоа́нне,/ моли́ Христа́ Бо́га// спасти́ся душа́м на́шим.
Кондак, глас 2
Боже́ственный гром, труба́ духо́вная, ве́ры насади́телю и отсека́телю ересе́й, Тро́ицы уго́дниче, вели́кий святи́телю Иоанне, со А́нгелы предстоя́ при́сно, моли́ непреста́нно о всех нас.
Величание
Велича́ем тя,/ святи́телю о́тче Иоа́нне,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Преподобных Антония и Феодосия Печерских
Тропарь, глас 4
Зве́зды мы́сленныя,/ просия́вшия на тве́рди Церко́вней,/ и́ноков Росси́йских основа́ние,/ пе́сньми, лю́дие, почти́м,/ ра́достныя похвалы́ сим воздающе:/ ра́дуйтеся, преблаже́ннии отцы́, Анто́ние со Феодо́сием богому́дрым,// при́сно моля́щиися о возсле́дствующих и чту́щих па́мять ва́шу.
Ин тропарь, глас 3
Дво́ицу нача́льных росси́йских свети́л почти́м,/ Анто́ния, Бо́гом по́сланнаго, и Феодо́сия, Бо́гом дарова́ннаго:/ тии бо пе́рвии, равноа́нгельным в Росси́и житие́м просия́вше от гор Ки́евских, освети́ша оте́чествия на́шего вся концы́,/ и путь к Небеси́ пра́вый мно́гим показа́ша,/ и,/ первоотцы́ и́ноком бы́вше, ли́ки спаса́емых Бо́гови приведо́ша,/ и ны́не, предстоя́ще в вы́шних немерца́емому Божества́ Све́ту, мо́лятся о душа́х на́ших.
Кондак, глас 8
Дво́ицу вели́ких оте́ц и пра́вило и́ноков све́тлое,/ у́мныя зари́, онебеси́вшия Росси́йскую Це́рковь,/ кто по достоя́нию хвала́ми воспое́т?/ Ти́и бо Престо́лу Бо́жию предстоя́т./ Но я́ко иму́щии дерзнове́ние к Святе́й Тро́ице,/ Анто́ние преблаже́нне и Феодо́сие приснопа́мятне,/ моли́теся о моле́бная вам принося́щих// и любо́вию пе́сньми вас ублажа́ющих.
Ин кондак, глас 2
Тве́рдыя столпы́ благоче́стия,/ недви́жимая и́ноческих законоположе́ний основа́ния/ и необори́мыя сте́ны Росси́йския восхва́лим,/ Анто́ния, возлю́бльшаго Бо́га,/ и Феодо́сия, возлю́бленнаго Бо́гом:/ труды́ бо о́нех и по́стническия по́двиги прия́т па́че вся́каго всепло́дия// Еди́н во святы́х прославля́емый.
Величание
Ублажа́ем вас,/ преподо́бнии отцы́ Анто́ние и Феодо́сие,/ и чтим святу́ю па́мять ва́шу, / наста́вницы мона́хов/ и собесе́дницы а́нгелов.
Преподобного Антония, игумена Киево-Печеpского
Тропарь, глас 4
От мирска́го мяте́жа исше́д,/ отверже́нием же ми́ра ева́нгельски Христу́ после́довал еси́/ и равноа́нгельное житие́ пожи́в,/ в ти́хое приста́нище Святы́я Горы́ Афо́на дости́гл еси́./ Отону́дуже благослове́нием отце́в в го́ру Ки́ева прише́д,/ и та́мо трудолю́бно жизнь соверши́в,/ оте́чество твое́ просвети́л еси́,/ и мно́жеству мона́шествующих стезю́ веду́щую к Небе́сному Ца́рствию показа́в,/ Христу́ сия́ приве́л еси́:/ Его́же моли́, Анто́ние преподо́бне,// да спасе́т ду́ши наша.
Кондак, глас 8
Возложи́в себе́ Бо́гу, па́че всех возлю́бленному от ю́ности, преподо́бне,/ Тому́ от всея́ души́ любо́вию после́довал еси́;/ ми́ра же тле́нная нивочто́же вмени́в, в земли́ пеще́ру соде́лал еси́,/ и в ней до́бре проти́ву неви́димаго врага́ ко́зней подвиза́вся,/ я́ко светоза́рное со́лнце во вся концы́ земли́ возсия́л еси́,/ отону́дуже веселя́ся преше́л еси́ к Небе́сным Черто́гом./ И ны́не со А́нгелы Влады́чню Престо́лу предстоя́,/ помина́й нас, чту́щих па́мять твою́, да зове́м ти:// ра́дуйся, Анто́ние, о́тче наш.
Ин кондак, глас 8
В ми́ре я́ко А́нгел, о́тче, пожи́л еси́,/ в земли́ пеще́ру себе́ соде́лав,/ в не́йже до́бре подвиза́вся проти́ву неви́димаго врага́ ко́зней,/ и отту́ду, веселя́ся, преше́л еси́ к Небе́сным черто́гом./ Помина́й нас, чту́щих па́мять твою́, да зове́м ти:// ра́дуйся, Анто́ние, о́тче на́ш.
Величание
Ублажа́ем тя, преподо́бне о́тче Анто́ние, и чтим святу́ю па́мять твою́, наста́вниче мона́хов и собесе́дниче а́нгелов.
Преподобного Феодосия, игумена Киево-Печерского
Тропарь, глас 8
Возвы́сився на доброде́тель,/ измла́да возлюби́в мона́шеское житие́,/ к жела́нию до́блественне дости́г, всели́лся еси́ в пеще́ру,/ и, украси́в житие́ твое́ поще́нием и све́тлостию,/ в моли́твах, я́ко безпло́тен, пребыва́л еси́,/ в Росси́йстей земли́, я́ко све́тлое свети́ло, проси́яв, о́тче Феодо́сие,// моли́ Христа́ Бо́га спасти́ся душа́м на́шим.
Кондак, глас 3
Звезду́ Росси́йскую днесь почти́м,/ от восто́ка возсия́вшую и на за́пад прише́дшую,/ всю бо страну́ сию́ чудесы́ и добро́тою обогати́вшу и вся ны/ соде́янием и благода́тию мона́шескаго уста́ва,// блаже́ннаго Феодо́сия.
Величание
Ублажа́ем тя,/ преподо́бне о́тче Феодо́сие,/ и чтим святу́ю па́мять твою́,/ наста́вниче мона́хов// и собесе́дниче А́нгелов.
Преподобного Феодосия Тотемского
Тропарь, глас 1
От ю́ности, преподо́бне Феодо́сие,/ жела́ние твое́ ко Христу́ Бо́гу впери́л еси́,/ его́же ра́ди град и оте́чество оста́вль/ и сла́ву су́етную, я́ко прах вмени́в,/ после́довал еси́ преподо́бному Дими́трию/ и оби́тели его́ сожи́тель был еси́,/ пресели́вся ко гра́ду То́тьме/ и в междоре́чие всели́вся,/ посто́м и бде́нием, и власяны́м одея́нием,/ и вери́гами те́ло твое́ удручи́л еси́./ Сего́ ра́ди Бог, ви́дев твоя́ труды́,/ по преставле́нии твое́м чудесы́ обогати́ тя:/ бе́сы изгоня́еши и слепы́я просвеща́еши,/ от вся́ких неду́г и бед избавля́еши приходя́щия к тебе́ с ве́рою и вопию́щия:/ сла́ва Да́вшему ти кре́пость,/ сла́ва Венча́вшему тя,// сла́ва Даю́щему тобо́ю всем исцеле́ния.
Ин тропарь, глас 2
От мирска́го мяте́жа изше́д,/ преподо́бне о́тче наш Феодо́сие,/ и в ти́хое приста́нище дости́г,/ преподо́бному Дими́трию сожи́тель был еси́,/ и отту́ду, Бо́жиим Ду́хом направля́емь,/ во град То́тьму пресели́лся еси́,/ и во ото́цех водны́х оби́тель себе́ воздви́гл еси́,/ иде́же равноа́нгельное житие́ пожи́в,/ после́довал еси́ Христу́,/ Его́же ра́ди влася́ну ри́зу и вери́ги на те́ле твое́м носи́л еси́./ Смире́нием и нищелю́бием украси́вся,/ сла́ву су́етную презре́л еси́/ и оте́ческое име́ние до́бре расточи́л еси́,/ моле́нием же к Бо́гу и сле́зными струя́ми бе́сы посрами́л еси́,/ те́мже по успе́нии твое́м Христо́с да́ром чуде́с обогати́ тя./ Име́я у́бо дерзнове́ние ко Го́споду,/ преподо́бне о́тче наш Феодо́сие,// моли́ Христа́ Бо́га, да спасе́т ду́ши на́ша.
Кондак, глас 8
Воздержа́нием плоть изнури́л еси́/ и непреста́нными моли́твами, я́ко А́нгел, возвы́сился еси́,/ струя́ми же сле́зными бесо́вския полки́ погрузи́л еси́./ И ны́не во Све́те невече́рнем лику́еши у Христа́ Бо́га/ и приходя́щим ко свято́му твоему́ гро́бу неоску́дно исцеле́ние подае́ши,/ ве́рою вопию́щим тебе́:// ра́дуйся, о́тче Феодо́сие, Богому́дре.
Величание
Ублажа́ем тя,/ преподо́бне о́тче Феодо́сие,/ и чтим святу́ю па́мять твою́,/ наста́вниче мона́хов// и собесе́дниче А́нгелов.
Собора Саратовских святых
Тропарь, глас 5
Дне́сь да пра́зднует земля́ Саратовская/ и да красу́ется пе́сненными добро́тами,/ я́ко ны́не прии́де де́нь всекраснаго торжества́,/ па́мять о́бщая святы́х, произшедших от нея́:/ святи́телей честны́х и ди́вных пра́ведников,/ му́чеников добропобедных и преподо́бных отце́в,/ и́мже ны́не с ве́рою вси́ возопии́м:/ о, по́лче пресве́тлый и богоизбра́нный,/ не оста́вите ва́шими святы́ми моли́твами// и́же на земли́ па́мять ва́шу соверша́ющих.
Кондак, глас 8
Избра́нным от земли́ на́шея,/ я́ко вели́ким уго́дником Христо́вым,/ ва́м, о, вси́ святи́и Сара́товстии,/ похва́льное пе́ние прино́сим дне́сь./ Вы́ же, у престо́ла Госпо́дня предстоя́щии,/ от вся́ких на́с бе́д изба́вите моли́твами ва́шими, да зове́м ва́м:// ра́дуйтеся, святи́и вси́ Сара́товстии, земли́ на́шея небе́снии предста́телие.
Величание
Велича́ем вас,/ вси́ святи́и земли́ Сара́товския,/ и чтим святу́ю па́мять ва́шу,/ вы бо мо́лите за нас // Христа́ Бо́га на́шего.
Преподобномученицы Серафимы Ферапонтовской и Леушинской
Тропарь, глас 4
Я́ко кри́н благоуха́нный процвела́ еси́ в полу́нощных преде́лах земли́ Ру́сския, и я́ко же́ртва богоуго́дная вознесе́на бы́сть к престо́лу Царя́ Небе́снаго, за Него́ же страда́ния прия́в, с Ни́м же при́сно сорадуешися, преподобному́ченице Серафи́мо, не забу́ди на́с, почита́ющих па́мять твою́.
Кондак, глас 2
Я́ко неве́ста преукраше́нная Христу́ обручи́лася еси́ в прия́тии обе́тов и́ноческих, и от Жениха́ Небе́снаго увенча́лася еси́ нетле́нным венце́м му́ченическим, с Ни́м же при́сно веселя́ся в черто́зех небе́сных, Серафи́мо всехва́льная, помина́й же и на́с, чту́щих честна́я страда́ния твоя́.
Величание
Велича́ем тя,/ страстоте́рпице свята́я Серафи́мо,/ и чтим святу́ю па́мять твою́,/ ты бо мо́лиши за нас// Христа́ Бо́га на́шего.
Божией Матери пред иконой Ее Калужской
Тропарь, глас 4
Засту́пнице от враг иноплеме́нных, Необори́мая Калу́жския земли́/ и Изба́вительнице от смертоно́сныя я́звы, Ми́лостивая!/ Изба́ви рабы́ Твоя́ от вся́ких бед и боле́зней,/ с ве́рою и любо́вию прибега́ющия к чудотво́рней ико́не Твое́й,/ и спаси́ ду́ши на́ша.
Кондак, глас 6
Не и́мамы пе́сней, ниже́ слове́с,/ ка́ко досто́йно восхваля́ти Тя, Ма́ти Христа́ Бо́га на́шего,/ явле́ния ра́ди чудотво́рныя ико́ны Твоея́ земли́ Калу́жстей,/ то́кмо мо́жем вопи́ти Тебе́: не отврати́ ми́лости Твоея́ от нас,/ и ниспосли́ ю всем притека́ющим к цельбоно́сней ико́не Твое́й.
Величание
Велича́ем Тя,/ Богоро́дице Де́во,/ и почита́ем чудотво́рную ико́ну Твою́, / е́юже благоволи́ла еси́ спасти́ зе́млю Калу́жскую/от наше́ствий вра́жиих и всегуби́тельных боле́зней.
Мученика Маманта Кесарийского
Тропарь, глас 4
Му́ченик Твой, Го́споди, Ма́мант,/ во страда́нии свое́м вене́ц прият нетле́нный, от Тебе́, Бо́га на́шего:/ име́яй бо кре́пость Твою, мучи́телей низложи́,/ сокруши́ и де́монов немощны́я де́рзости,/ того́ моли́твами спаси́ ду́ши на́ша.)
Кондак, глас 3
Жезло́м, свя́те, от Бо́га тебе́ да́нным,/ лю́ди твоя́ упаси́ на па́житех живоно́сных,/ зве́ри же неви́димыя и неукроти́мыя/ сокруши́ под но́ги тя пою́щих,/ я́ко вси, и́же в беда́х,// предста́теля тя те́пла, Ма́манте, и́мут.
Величание
Велича́ем тя,/ страстоте́рпче святы́й Ма́манте, / и чтим честна́я страда́ния твоя́, / Я́же за Христа́ претерпе́л еси́.
Святителя Иоанна Постника, патриарха Константинопольского
Тропарь, глас 4
Пра́вило ве́ры и о́браз кро́тости,/ воздержа́ния учи́теля/ яви́ тя ста́ду твоему́/ я́же веще́й и́стина:/ сего́ ра́ди стяжа́л еси́ смире́нием высо́кая,/ нището́ю бога́тая,/ о́тче Иоа́нне,/ моли́ Христа́ Бо́га// спасти́ся душа́м на́шим.
Кондак, глас 2
Боже́ственный гром, труба́ духо́вная, ве́ры насади́телю и отсека́телю ересе́й, Тро́ицы уго́дниче, вели́кий святи́телю Иоанне, со А́нгелы предстоя́ при́сно, моли́ непреста́нно о всех нас.
Величание
Велича́ем тя,/ святи́телю о́тче Иоа́нне,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Преподобных Антония и Феодосия Печерских
Тропарь, глас 4
Зве́зды мы́сленныя,/ просия́вшия на тве́рди Церко́вней,/ и́ноков Росси́йских основа́ние,/ пе́сньми, лю́дие, почти́м,/ ра́достныя похвалы́ сим воздающе:/ ра́дуйтеся, преблаже́ннии отцы́, Анто́ние со Феодо́сием богому́дрым,// при́сно моля́щиися о возсле́дствующих и чту́щих па́мять ва́шу.
Ин тропарь, глас 3
Дво́ицу нача́льных росси́йских свети́л почти́м,/ Анто́ния, Бо́гом по́сланнаго, и Феодо́сия, Бо́гом дарова́ннаго:/ тии бо пе́рвии, равноа́нгельным в Росси́и житие́м просия́вше от гор Ки́евских, освети́ша оте́чествия на́шего вся концы́,/ и путь к Небеси́ пра́вый мно́гим показа́ша,/ и,/ первоотцы́ и́ноком бы́вше, ли́ки спаса́емых Бо́гови приведо́ша,/ и ны́не, предстоя́ще в вы́шних немерца́емому Божества́ Све́ту, мо́лятся о душа́х на́ших.
Кондак, глас 8
Дво́ицу вели́ких оте́ц и пра́вило и́ноков све́тлое,/ у́мныя зари́, онебеси́вшия Росси́йскую Це́рковь,/ кто по достоя́нию хвала́ми воспое́т?/ Ти́и бо Престо́лу Бо́жию предстоя́т./ Но я́ко иму́щии дерзнове́ние к Святе́й Тро́ице,/ Анто́ние преблаже́нне и Феодо́сие приснопа́мятне,/ моли́теся о моле́бная вам принося́щих// и любо́вию пе́сньми вас ублажа́ющих.
Ин кондак, глас 2
Тве́рдыя столпы́ благоче́стия,/ недви́жимая и́ноческих законоположе́ний основа́ния/ и необори́мыя сте́ны Росси́йския восхва́лим,/ Анто́ния, возлю́бльшаго Бо́га,/ и Феодо́сия, возлю́бленнаго Бо́гом:/ труды́ бо о́нех и по́стническия по́двиги прия́т па́че вся́каго всепло́дия// Еди́н во святы́х прославля́емый.
Величание
Ублажа́ем вас,/ преподо́бнии отцы́ Анто́ние и Феодо́сие,/ и чтим святу́ю па́мять ва́шу, / наста́вницы мона́хов/ и собесе́дницы а́нгелов.
Преподобного Антония, игумена Киево-Печеpского
Тропарь, глас 4
От мирска́го мяте́жа исше́д,/ отверже́нием же ми́ра ева́нгельски Христу́ после́довал еси́/ и равноа́нгельное житие́ пожи́в,/ в ти́хое приста́нище Святы́я Горы́ Афо́на дости́гл еси́./ Отону́дуже благослове́нием отце́в в го́ру Ки́ева прише́д,/ и та́мо трудолю́бно жизнь соверши́в,/ оте́чество твое́ просвети́л еси́,/ и мно́жеству мона́шествующих стезю́ веду́щую к Небе́сному Ца́рствию показа́в,/ Христу́ сия́ приве́л еси́:/ Его́же моли́, Анто́ние преподо́бне,// да спасе́т ду́ши наша.
Кондак, глас 8
Возложи́в себе́ Бо́гу, па́че всех возлю́бленному от ю́ности, преподо́бне,/ Тому́ от всея́ души́ любо́вию после́довал еси́;/ ми́ра же тле́нная нивочто́же вмени́в, в земли́ пеще́ру соде́лал еси́,/ и в ней до́бре проти́ву неви́димаго врага́ ко́зней подвиза́вся,/ я́ко светоза́рное со́лнце во вся концы́ земли́ возсия́л еси́,/ отону́дуже веселя́ся преше́л еси́ к Небе́сным Черто́гом./ И ны́не со А́нгелы Влады́чню Престо́лу предстоя́,/ помина́й нас, чту́щих па́мять твою́, да зове́м ти:// ра́дуйся, Анто́ние, о́тче наш.
Ин кондак, глас 8
В ми́ре я́ко А́нгел, о́тче, пожи́л еси́,/ в земли́ пеще́ру себе́ соде́лав,/ в не́йже до́бре подвиза́вся проти́ву неви́димаго врага́ ко́зней,/ и отту́ду, веселя́ся, преше́л еси́ к Небе́сным черто́гом./ Помина́й нас, чту́щих па́мять твою́, да зове́м ти:// ра́дуйся, Анто́ние, о́тче на́ш.
Величание
Ублажа́ем тя, преподо́бне о́тче Анто́ние, и чтим святу́ю па́мять твою́, наста́вниче мона́хов и собесе́дниче а́нгелов.
Преподобного Феодосия, игумена Киево-Печерского
Тропарь, глас 8
Возвы́сився на доброде́тель,/ измла́да возлюби́в мона́шеское житие́,/ к жела́нию до́блественне дости́г, всели́лся еси́ в пеще́ру,/ и, украси́в житие́ твое́ поще́нием и све́тлостию,/ в моли́твах, я́ко безпло́тен, пребыва́л еси́,/ в Росси́йстей земли́, я́ко све́тлое свети́ло, проси́яв, о́тче Феодо́сие,// моли́ Христа́ Бо́га спасти́ся душа́м на́шим.
Кондак, глас 3
Звезду́ Росси́йскую днесь почти́м,/ от восто́ка возсия́вшую и на за́пад прише́дшую,/ всю бо страну́ сию́ чудесы́ и добро́тою обогати́вшу и вся ны/ соде́янием и благода́тию мона́шескаго уста́ва,// блаже́ннаго Феодо́сия.
Величание
Ублажа́ем тя,/ преподо́бне о́тче Феодо́сие,/ и чтим святу́ю па́мять твою́,/ наста́вниче мона́хов// и собесе́дниче А́нгелов.
Преподобного Феодосия Тотемского
Тропарь, глас 1
От ю́ности, преподо́бне Феодо́сие,/ жела́ние твое́ ко Христу́ Бо́гу впери́л еси́,/ его́же ра́ди град и оте́чество оста́вль/ и сла́ву су́етную, я́ко прах вмени́в,/ после́довал еси́ преподо́бному Дими́трию/ и оби́тели его́ сожи́тель был еси́,/ пресели́вся ко гра́ду То́тьме/ и в междоре́чие всели́вся,/ посто́м и бде́нием, и власяны́м одея́нием,/ и вери́гами те́ло твое́ удручи́л еси́./ Сего́ ра́ди Бог, ви́дев твоя́ труды́,/ по преставле́нии твое́м чудесы́ обогати́ тя:/ бе́сы изгоня́еши и слепы́я просвеща́еши,/ от вся́ких неду́г и бед избавля́еши приходя́щия к тебе́ с ве́рою и вопию́щия:/ сла́ва Да́вшему ти кре́пость,/ сла́ва Венча́вшему тя,// сла́ва Даю́щему тобо́ю всем исцеле́ния.
Ин тропарь, глас 2
От мирска́го мяте́жа изше́д,/ преподо́бне о́тче наш Феодо́сие,/ и в ти́хое приста́нище дости́г,/ преподо́бному Дими́трию сожи́тель был еси́,/ и отту́ду, Бо́жиим Ду́хом направля́емь,/ во град То́тьму пресели́лся еси́,/ и во ото́цех водны́х оби́тель себе́ воздви́гл еси́,/ иде́же равноа́нгельное житие́ пожи́в,/ после́довал еси́ Христу́,/ Его́же ра́ди влася́ну ри́зу и вери́ги на те́ле твое́м носи́л еси́./ Смире́нием и нищелю́бием украси́вся,/ сла́ву су́етную презре́л еси́/ и оте́ческое име́ние до́бре расточи́л еси́,/ моле́нием же к Бо́гу и сле́зными струя́ми бе́сы посрами́л еси́,/ те́мже по успе́нии твое́м Христо́с да́ром чуде́с обогати́ тя./ Име́я у́бо дерзнове́ние ко Го́споду,/ преподо́бне о́тче наш Феодо́сие,// моли́ Христа́ Бо́га, да спасе́т ду́ши на́ша.
Кондак, глас 8
Воздержа́нием плоть изнури́л еси́/ и непреста́нными моли́твами, я́ко А́нгел, возвы́сился еси́,/ струя́ми же сле́зными бесо́вския полки́ погрузи́л еси́./ И ны́не во Све́те невече́рнем лику́еши у Христа́ Бо́га/ и приходя́щим ко свято́му твоему́ гро́бу неоску́дно исцеле́ние подае́ши,/ ве́рою вопию́щим тебе́:// ра́дуйся, о́тче Феодо́сие, Богому́дре.
Величание
Ублажа́ем тя,/ преподо́бне о́тче Феодо́сие,/ и чтим святу́ю па́мять твою́,/ наста́вниче мона́хов// и собесе́дниче А́нгелов.
Собора Саратовских святых
Тропарь, глас 5
Дне́сь да пра́зднует земля́ Саратовская/ и да красу́ется пе́сненными добро́тами,/ я́ко ны́не прии́де де́нь всекраснаго торжества́,/ па́мять о́бщая святы́х, произшедших от нея́:/ святи́телей честны́х и ди́вных пра́ведников,/ му́чеников добропобедных и преподо́бных отце́в,/ и́мже ны́не с ве́рою вси́ возопии́м:/ о, по́лче пресве́тлый и богоизбра́нный,/ не оста́вите ва́шими святы́ми моли́твами// и́же на земли́ па́мять ва́шу соверша́ющих.
Кондак, глас 8
Избра́нным от земли́ на́шея,/ я́ко вели́ким уго́дником Христо́вым,/ ва́м, о, вси́ святи́и Сара́товстии,/ похва́льное пе́ние прино́сим дне́сь./ Вы́ же, у престо́ла Госпо́дня предстоя́щии,/ от вся́ких на́с бе́д изба́вите моли́твами ва́шими, да зове́м ва́м:// ра́дуйтеся, святи́и вси́ Сара́товстии, земли́ на́шея небе́снии предста́телие.
Величание
Велича́ем вас,/ вси́ святи́и земли́ Сара́товския,/ и чтим святу́ю па́мять ва́шу,/ вы бо мо́лите за нас // Христа́ Бо́га на́шего.
Преподобномученицы Серафимы Ферапонтовской и Леушинской
Тропарь, глас 4
Я́ко кри́н благоуха́нный процвела́ еси́ в полу́нощных преде́лах земли́ Ру́сския, и я́ко же́ртва богоуго́дная вознесе́на бы́сть к престо́лу Царя́ Небе́снаго, за Него́ же страда́ния прия́в, с Ни́м же при́сно сорадуешися, преподобному́ченице Серафи́мо, не забу́ди на́с, почита́ющих па́мять твою́.
Кондак, глас 2
Я́ко неве́ста преукраше́нная Христу́ обручи́лася еси́ в прия́тии обе́тов и́ноческих, и от Жениха́ Небе́снаго увенча́лася еси́ нетле́нным венце́м му́ченическим, с Ни́м же при́сно веселя́ся в черто́зех небе́сных, Серафи́мо всехва́льная, помина́й же и на́с, чту́щих честна́я страда́ния твоя́.
Величание
Велича́ем тя,/ страстоте́рпице свята́я Серафи́мо,/ и чтим святу́ю па́мять твою́,/ ты бо мо́лиши за нас// Христа́ Бо́га на́шего.
Божией Матери пред иконой Ее Калужской
Тропарь, глас 4
Засту́пнице от враг иноплеме́нных, Необори́мая Калу́жския земли́/ и Изба́вительнице от смертоно́сныя я́звы, Ми́лостивая!/ Изба́ви рабы́ Твоя́ от вся́ких бед и боле́зней,/ с ве́рою и любо́вию прибега́ющия к чудотво́рней ико́не Твое́й,/ и спаси́ ду́ши на́ша.
Кондак, глас 6
Не и́мамы пе́сней, ниже́ слове́с,/ ка́ко досто́йно восхваля́ти Тя, Ма́ти Христа́ Бо́га на́шего,/ явле́ния ра́ди чудотво́рныя ико́ны Твоея́ земли́ Калу́жстей,/ то́кмо мо́жем вопи́ти Тебе́: не отврати́ ми́лости Твоея́ от нас,/ и ниспосли́ ю всем притека́ющим к цельбоно́сней ико́не Твое́й.
Величание
Велича́ем Тя,/ Богоро́дице Де́во,/ и почита́ем чудотво́рную ико́ну Твою́, / е́юже благоволи́ла еси́ спасти́ зе́млю Калу́жскую/от наше́ствий вра́жиих и всегуби́тельных боле́зней.