Православный календарь на 12-11-2023
| Пн | Вт | Ср | Чт | Пт | Сб | Вс |
Неделя 23-я по Пятидесятнице. Глас 6-й.
Сщмч. Зиновия, еп. Егейского, и сестры его мц. Зиновии (285).
Апп. от 70-ти Тертия, Марка, Иуста и Артемы (I). Сщмч. Маркиана, еп. Сиракузского (II). Мц. Евтропии (ок. 250). Мц. Анастасии Солунской (III). Свв. Стефана Милютина, короля Сербского (1320), брата его Драгутина (1316) и матери их Елены (1306) (Серб.).
Сщмч. Матфея Казарина диакона (1942). Обретение мощей свт. Агафангела исп., митр. Ярославского (1998).
Чтения дня
Матфея 28:16-20 (на утрене. Евангелие 1-e) Ефесянам 2:4-10 Луки 8:26-39
Когда мы смотрим на добродетели других людей и стараемся им подражать — мы назидаемся.
Прп. Паисий Святогорец
Священномученика Зиновия и мученицы Зиновии
Тропарь, глас 4
Му́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего,/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости,/ тех моли́твами// спаси́ ду́ши на́ша.
Кондак, глас 8
И́стины свиде́тели и благоче́стия пропове́дники,/ дво́ицу досто́йно почти́м в богодухнове́нных пе́снех,/ Зино́вия вку́пе с му́дрою Зинови́ею, ку́пно жи́вшия и отше́дшия// и муче́нием прии́мшия вене́ц нетле́нный.
Величание
Велича́ем вас,/ страстоте́рпцы святи́и Зино́вий и Зинови́я,/ и чтим честна́я страда́ния ва́ша,/ я́же за Христа́/ претерпе́ли есте́.
Святого праведного Стефана Милютина, короля Сербского
Тропарь, глас 3
Ты на земли́ вседу́шно Христа́ возлюби́в/ и Того́ за́поведи соблюда́я,/ я́ко река́, благоутро́бием изсо́хших нището́ю бога́тно напои́л еси́/ и лю́ди своя́ снабде́л* еси́,/ и ра́ка моще́й твои́х благоуха́ния цельбы́ всем подае́т./ Сего́ ра́ди, свя́те, мо́лим тя,/ изпроси́ душа́м на́шим ве́лию ми́лость.
Кондак, глас 4
Яви́лся еси́ от ко́рене блага́го/ о́трасль пресла́вная оте́честву своему́ и прароди́телем свои́м,/ новообра́зен подо́бник быва́вши/ и лю́дем свои́м явля́ешися утварь прекра́сная.
Величание
Велича́ем тя,/ праведный о́тче Стефане,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Преподобной Елены Сербской, королевы
Тропарь, глас 4
От страны́ за́падныя/ святоро́дней лозе́ се́рбстей совоку́пльшися,/ доброра́сленная ве́твь яви́лася еси́,/ благове́рная княги́не Еле́но./ Плода́ кра́сная святу́ю сы́ну дво́ицу/ принеся́ Бо́гови и ро́ду се́рбскому,/ на коне́ц вся́ су́етная ми́ра оста́вила/ и преподо́бным приложи́лася еси́:/ со дерзнове́нием Влады́ку все́х моли́/ ми́р вселе́нней дарова́ти// и сыново́м слове́нским спасти́ся.
Священноисповедника Агафангела (Преображенского), митрополита Ярославского
Тропарь, глас 2
По вся́ дни́ умерщвля́ем бы́л еси́ Бо́га ра́ди,/ святи́телю и испове́дниче Христо́в Агафа́нгеле,/ во вре́мя безбо́жных гоне́ний лю́тых/ попече́ние о Це́ркви Ру́сской от Патриа́рха Ти́хона прия́в,/ кова́рные ко́зни слу́г диа́вола разори́л еси́/ и кора́бль церко́вный му́дре упра́вил еси́/ си́лою возлюби́вшаго тя́ Го́спода,// Его́ же моли́ дарова́ти на́м ми́р и ве́лию ми́лость.
Ин тропарь, глас 2
От младе́нческих ле́т Бо́гом избра́нный,/ на служе́ние Святе́й Це́ркви при́зван бы́л еси́,/ о́вцы слове́сныя ста́да Христо́ва до́бре упа́сл еси́,/ за ве́ру Правосла́вную гоне́ние претерпе́л еси́./ Испове́дниче святи́телю Агафа́нгеле,/ моли́ о на́с Бо́га, до конца́ в ве́ре и́стинней пребыва́ти,// па́стырю на́ш до́брый.
Ин тропарь, глас 4
Земли́ Яросла́вския небе́сный покрови́телю,/ Це́ркве Ру́сския красото́ и сла́во,/ святи́телю Агафа́нгеле богому́дре,/ Правосла́вныя ве́ры учи́телю,/ святы́х ея́ догма́тов храни́телю,/ о па́стве росси́йстей усе́рдный попечи́телю./ Предста́ни в по́мощь на́м, пра́зднующим святу́ю па́мять твою́,/ моли́ ми́лостиваго Бо́га// Це́рковь Христо́ву в ми́ре соблюсти́ и спасти́ души́ на́ша.
Кондак, глас 2
Сто́лпе непоколеби́мый ве́ры Правосла́вныя,/ святи́телю Агафа́нгеле богому́дре,/ у́зы темни́чныя, тесноты́ и ско́рби претерпе́вый,/ от искуше́ний тя́жких па́ству охрани́л еси́,/ ми́р церко́вный соблю́л еси́.// И ны́не защити́ Це́рковь Ру́сскую от нападе́ний вра́жиих.
Величание
Велича́ем тя,/ священному́чениче Агафа́нгеле,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Божией Матери пред иконой Ее Озерянской
Тропарь, глас 3
Твоего́ предста́тельства увере́ние/ и милосе́рдия Твоего́ явле́ние/ ико́на Озеря́нская нам, Влады́чице, показа́ся,/ пред не́юже ду́ши на́ша в моли́тве излива́ем/ и ве́рою Тебе́ вопие́м:/ воззри́, Милосе́рдая, на лю́ди Твоя́,/ вся ско́рби на́ша и печа́ли утоли́,/ утеше́ние благо́е в сердца́ на́ша низпосли́,/ и спасе́ние ве́чное душа́м на́шим, Пречи́стая, испроси́.
Кондак, глас 5
Не отри́ни, о Милосе́рдая Ма́ти,/ слез и воздыха́ний на́ших,/ но проше́ния на́ша ми́лостивно прии́мши,/ пред ико́ною Твое́ю моля́щихся люде́й ве́ру укрепи́,/ умиле́нием сердца́ их испо́лни и крест земна́го жития́ носи́ти им помози́,/ ели́ка бо хо́щеши, мо́жеши.
Величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния/ всем с ве́рою притека́ющим.
Священномученика Зиновия и мученицы Зиновии
Тропарь, глас 4
Му́ченицы Твои́, Го́споди,/ во страда́ниих свои́х венцы́ прия́ша нетле́нныя от Тебе́, Бо́га на́шего,/ иму́ще бо кре́пость Твою́,/ мучи́телей низложи́ша,/ сокруши́ша и де́монов немощны́я де́рзости,/ тех моли́твами// спаси́ ду́ши на́ша.
Кондак, глас 8
И́стины свиде́тели и благоче́стия пропове́дники,/ дво́ицу досто́йно почти́м в богодухнове́нных пе́снех,/ Зино́вия вку́пе с му́дрою Зинови́ею, ку́пно жи́вшия и отше́дшия// и муче́нием прии́мшия вене́ц нетле́нный.
Величание
Велича́ем вас,/ страстоте́рпцы святи́и Зино́вий и Зинови́я,/ и чтим честна́я страда́ния ва́ша,/ я́же за Христа́/ претерпе́ли есте́.
Святого праведного Стефана Милютина, короля Сербского
Тропарь, глас 3
Ты на земли́ вседу́шно Христа́ возлюби́в/ и Того́ за́поведи соблюда́я,/ я́ко река́, благоутро́бием изсо́хших нището́ю бога́тно напои́л еси́/ и лю́ди своя́ снабде́л* еси́,/ и ра́ка моще́й твои́х благоуха́ния цельбы́ всем подае́т./ Сего́ ра́ди, свя́те, мо́лим тя,/ изпроси́ душа́м на́шим ве́лию ми́лость.
Кондак, глас 4
Яви́лся еси́ от ко́рене блага́го/ о́трасль пресла́вная оте́честву своему́ и прароди́телем свои́м,/ новообра́зен подо́бник быва́вши/ и лю́дем свои́м явля́ешися утварь прекра́сная.
Величание
Велича́ем тя,/ праведный о́тче Стефане,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Преподобной Елены Сербской, королевы
Тропарь, глас 4
От страны́ за́падныя/ святоро́дней лозе́ се́рбстей совоку́пльшися,/ доброра́сленная ве́твь яви́лася еси́,/ благове́рная княги́не Еле́но./ Плода́ кра́сная святу́ю сы́ну дво́ицу/ принеся́ Бо́гови и ро́ду се́рбскому,/ на коне́ц вся́ су́етная ми́ра оста́вила/ и преподо́бным приложи́лася еси́:/ со дерзнове́нием Влады́ку все́х моли́/ ми́р вселе́нней дарова́ти// и сыново́м слове́нским спасти́ся.
Священноисповедника Агафангела (Преображенского), митрополита Ярославского
Тропарь, глас 2
По вся́ дни́ умерщвля́ем бы́л еси́ Бо́га ра́ди,/ святи́телю и испове́дниче Христо́в Агафа́нгеле,/ во вре́мя безбо́жных гоне́ний лю́тых/ попече́ние о Це́ркви Ру́сской от Патриа́рха Ти́хона прия́в,/ кова́рные ко́зни слу́г диа́вола разори́л еси́/ и кора́бль церко́вный му́дре упра́вил еси́/ си́лою возлюби́вшаго тя́ Го́спода,// Его́ же моли́ дарова́ти на́м ми́р и ве́лию ми́лость.
Ин тропарь, глас 2
От младе́нческих ле́т Бо́гом избра́нный,/ на служе́ние Святе́й Це́ркви при́зван бы́л еси́,/ о́вцы слове́сныя ста́да Христо́ва до́бре упа́сл еси́,/ за ве́ру Правосла́вную гоне́ние претерпе́л еси́./ Испове́дниче святи́телю Агафа́нгеле,/ моли́ о на́с Бо́га, до конца́ в ве́ре и́стинней пребыва́ти,// па́стырю на́ш до́брый.
Ин тропарь, глас 4
Земли́ Яросла́вския небе́сный покрови́телю,/ Це́ркве Ру́сския красото́ и сла́во,/ святи́телю Агафа́нгеле богому́дре,/ Правосла́вныя ве́ры учи́телю,/ святы́х ея́ догма́тов храни́телю,/ о па́стве росси́йстей усе́рдный попечи́телю./ Предста́ни в по́мощь на́м, пра́зднующим святу́ю па́мять твою́,/ моли́ ми́лостиваго Бо́га// Це́рковь Христо́ву в ми́ре соблюсти́ и спасти́ души́ на́ша.
Кондак, глас 2
Сто́лпе непоколеби́мый ве́ры Правосла́вныя,/ святи́телю Агафа́нгеле богому́дре,/ у́зы темни́чныя, тесноты́ и ско́рби претерпе́вый,/ от искуше́ний тя́жких па́ству охрани́л еси́,/ ми́р церко́вный соблю́л еси́.// И ны́не защити́ Це́рковь Ру́сскую от нападе́ний вра́жиих.
Величание
Велича́ем тя,/ священному́чениче Агафа́нгеле,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Божией Матери пред иконой Ее Озерянской
Тропарь, глас 3
Твоего́ предста́тельства увере́ние/ и милосе́рдия Твоего́ явле́ние/ ико́на Озеря́нская нам, Влады́чице, показа́ся,/ пред не́юже ду́ши на́ша в моли́тве излива́ем/ и ве́рою Тебе́ вопие́м:/ воззри́, Милосе́рдая, на лю́ди Твоя́,/ вся ско́рби на́ша и печа́ли утоли́,/ утеше́ние благо́е в сердца́ на́ша низпосли́,/ и спасе́ние ве́чное душа́м на́шим, Пречи́стая, испроси́.
Кондак, глас 5
Не отри́ни, о Милосе́рдая Ма́ти,/ слез и воздыха́ний на́ших,/ но проше́ния на́ша ми́лостивно прии́мши,/ пред ико́ною Твое́ю моля́щихся люде́й ве́ру укрепи́,/ умиле́нием сердца́ их испо́лни и крест земна́го жития́ носи́ти им помози́,/ ели́ка бо хо́щеши, мо́жеши.
Величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния/ всем с ве́рою притека́ющим.