Православный календарь на 04-06-2023
| Пн | Вт | Ср | Чт | Пт | Сб | Вс |
Неделя 8-я по Пасхе.
Мч. Василиска (ок. 308). Мч. Иоанна-Владимира, кн. Сербского (1015). Прав. Иакова Боровичского, Новгородского, чудотворца (ок. 1540).
Память II Вселенского Собора (381). Собор мучеников Холмских и Подляшских (переходящее празднование в 1-е воскресенье после 19 мая).
Сщмч. Максима, еп. Серпуховского (1931); сщмч. Михаила Борисова пресвитера (1942).
Чтения дня
Иоанна 20:19-23 (на утрене) Деяния 2:1-11 Иоанна 7:37-52; 8:12
В деле спасения человеков Отец имеет полноту действия в мире, когда посылает Сына на дело спасения; Сын имеет полноту действия, совершая сие дело спасения как Богочеловек; а Дух Святой имеет полноту действия, утверждая, освящая и продолжая дело Сына.
Свт. Николай Сербский
Благослове́н еси́, Христе́ Бо́же наш,/ И́же прему́дры ловцы́ явле́й,/ низпосла́в им Ду́ха Свята́го,// и те́ми уловле́й вселе́нную, Человеколю́бче, сла́ва Тебе́.
Егда́ снизше́д язы́ки слия́,/ разделя́ше язы́ки Вы́шний,/ егда́ же о́гненныя язы́ки раздая́ше,/ в соедине́ние вся призва́,// и согла́сно сла́вим Всесвята́го Ду́ха.
Велича́ем Тя,/ Живода́вче Христе́,/ и чтим Всесвята́го Ду́ха Твоего́,/ Его́же от Отца́ посла́л еси́// Боже́ственным ученико́м Твои́м.
Апо́столи, соше́ствие Уте́шителя зря́ще, удиви́шася,// ка́ко в ви́де о́гненных язы́к яви́ся Дух Святы́й.
Ра́дуйся, Цари́це,/ матероде́вственная сла́во,/ вся́ка бо удобообраща́тельная благоглаго́ливая уста́ вети́йствовати не мо́гут,/ Тебе́ пе́ти досто́йно,/ изумева́ет же ум всяк Твое́ рождество́ разуме́ти.// Те́мже Тя согла́сно сла́вим.
Му́ченик Твой, Го́споди, Васили́ске/ во страда́нии свое́м вене́ц прия́т нетле́нный от Тебе́, Бо́га на́шего,/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами// спаси́ ду́ши на́ша.
Во страда́нии кре́пок и му́жественен яви́лся еси́ и в чудесе́х преди́вен,/ явле́нно Христо́во и́мя преднося́, мучи́теля посрами́л еси́./ Тем тя почита́ем, Васили́ске, при́сно зову́ще, всече́стне:// ра́дуйся, му́чеников све́тлая добро́то.
Величание
Велича́ем тя,/ страстоте́рпче святы́й Васили́ске,/ и чтим честна́я страда́ния твоя́,/ я́же за Христа́/ претерпе́л еси́.
Крест, я́вльшийся тебе́ с Небесе́, све́тел пропове́дал еси́,/ просвети́в язы́ки я́сно, Влади́мире сла́вне,/ обагре́ньми крове́й твои́х украси́вся,/ сподо́бился еси́ по́честей нетле́нных, предстоя́й Тро́ице,// тем со дерзнове́нием моли́ спасти́ся нам.
Ин тропарь, глас 4
Крест, я́вльшийся тебе́ с Небе́с в блиста́нии, всем пропове́дал еси́,/ просвети́в язы́ки ве́рно, Влади́мире сла́вне./ Искупле́нием же, кровьми́ твои́ми возблиста́в,/ сподо́бился еси́ мзды́ неле́стныя, предстоя́ Тро́ице./ Те́мже дерзнове́нно моли́ Христа́ спасти́ся нам.
́Яко сокро́вище многоце́нное/ и исто́чник, точа́щ земны́м то́ки, неду́ги очища́ющия,/ нам подаде́ся те́ло твое́ свяще́нное,/ боле́знем разли́чным подаю́ще исцеле́ние/ и благода́ть Боже́ственную притека́ющим к нему́, да зове́м ти:// ра́дуйся, кня́же Влади́мире.
Величание
Велича́ем тя,/ страстоте́рпче святы́й кня́же Влади́мире,/ и чтим честна́я страда́ния твоя́,/ я́же за Христа́/ претерпе́л еси́.
Праведного Иакова Боровичского, Новгородского
Тропарь, глас 1
Боже́ственною благода́тию просвети́вся,/ и по сме́рти да́руеши исцеле́ние/ притека́ющим к тебе́, прему́дре Иа́кове:/ те́мже и мы ны́не чтим честны́х моще́й пренесе́ние,/ веселя́ще вку́пе ду́ши и телеса́./ Тем вси вопие́м:/ сла́ва Да́вшему ти кре́пость!/ Сла́ва Венча́вшему тя!// Сла́ва Де́йствующему тобо́ю всем исцеле́ния!
Кондак, глас 8
Ве́рою и любо́вию/ твое́ честно́е пренесе́ние пра́зднующих, блаже́нне,/ сохрани́ и соблюди́ от вся́кия зло́бы и собла́зна змии́на,/ и́маши бо дерзнове́ние ко Влады́це всех, Христу́ Бо́гу./ Его́же моли́ спасти́ правосла́вныя лю́ди,/ моля́щия тя, да вси вопие́м ти:/ ра́дуйся, о́тче Иа́кове,// всея́ Росси́йския земли́ удобре́ние.
Ин кондак, глас 8
Я́ко звезда́ многосве́тлая, от́че, на восто́це возсия́,/ к за́паду прише́л еси́, блаже́нне, во твое́ принесе́ние,/ я́ко со́лнечная луча́, испуща́еши исцеле́ния притека́ющим к ра́це моще́й твои́х,/ моли́ся Христу́ Бо́гу спасти́ правосла́вныя лю́ди, моля́щияся ти,/ да вси вопие́м ти:// ра́дуйся, Богому́дре Иа́кове.
Величание
Велича́ем тя,/ пра́ведниче Христо́в Иа́кове,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Собора мучеников Холмских и Подляшских
Тропарь, глас 8
Благослове́н еси́ Христе́ Бо́же на́ш, му́ченики земли́ Хо́лмския и Подляшския просла́вивый, гоне́ния жесто́кая и му́ки Тебе́ ра́ди претерпевшия, и си́ми в стране́ на́шей свято́е Правосла́вие утвердившия, и́х же моли́твами Го́споди, единомы́слие и братолю́бие в сердца́х на́ших утверди́, ми́ру умире́ние, Це́ркви утвержде́ние, и все́м грехо́в оставле́ние да́руя.
Кондак, глас 2
Любве́ Бо́жия сою́зом связавшеся, и кро́вию муче́ния украси́вшеся, Хо́лмския земли́ и Подляшския му́ченицы свя́ти, зло́бу челове́ческия не́нависти страда́ньми честны́ми разру́шили есте́, те́мже и ве́чную сла́ву насле́довасте. О на́с моли́теся ко Го́споду, дарова́ти все́м ве́лию и бога́тую ми́лость.
Величание
Велича́ем вас,/ страстоте́рпцы святи́и земли́ Хо́лмския и Подляшския,/ и чтим честна́я страда́ния ва́ша,/ я́же за Христа́// претерпе́ли есте́.
Благослове́н еси́, Христе́ Бо́же наш,/ И́же прему́дры ловцы́ явле́й,/ низпосла́в им Ду́ха Свята́го,// и те́ми уловле́й вселе́нную, Человеколю́бче, сла́ва Тебе́.
Егда́ снизше́д язы́ки слия́,/ разделя́ше язы́ки Вы́шний,/ егда́ же о́гненныя язы́ки раздая́ше,/ в соедине́ние вся призва́,// и согла́сно сла́вим Всесвята́го Ду́ха.
Велича́ем Тя,/ Живода́вче Христе́,/ и чтим Всесвята́го Ду́ха Твоего́,/ Его́же от Отца́ посла́л еси́// Боже́ственным ученико́м Твои́м.
Апо́столи, соше́ствие Уте́шителя зря́ще, удиви́шася,// ка́ко в ви́де о́гненных язы́к яви́ся Дух Святы́й.
Ра́дуйся, Цари́це,/ матероде́вственная сла́во,/ вся́ка бо удобообраща́тельная благоглаго́ливая уста́ вети́йствовати не мо́гут,/ Тебе́ пе́ти досто́йно,/ изумева́ет же ум всяк Твое́ рождество́ разуме́ти.// Те́мже Тя согла́сно сла́вим.
Му́ченик Твой, Го́споди, Васили́ске/ во страда́нии свое́м вене́ц прия́т нетле́нный от Тебе́, Бо́га на́шего,/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами// спаси́ ду́ши на́ша.
Во страда́нии кре́пок и му́жественен яви́лся еси́ и в чудесе́х преди́вен,/ явле́нно Христо́во и́мя преднося́, мучи́теля посрами́л еси́./ Тем тя почита́ем, Васили́ске, при́сно зову́ще, всече́стне:// ра́дуйся, му́чеников све́тлая добро́то.
Величание
Велича́ем тя,/ страстоте́рпче святы́й Васили́ске,/ и чтим честна́я страда́ния твоя́,/ я́же за Христа́/ претерпе́л еси́.
Крест, я́вльшийся тебе́ с Небесе́, све́тел пропове́дал еси́,/ просвети́в язы́ки я́сно, Влади́мире сла́вне,/ обагре́ньми крове́й твои́х украси́вся,/ сподо́бился еси́ по́честей нетле́нных, предстоя́й Тро́ице,// тем со дерзнове́нием моли́ спасти́ся нам.
Ин тропарь, глас 4
Крест, я́вльшийся тебе́ с Небе́с в блиста́нии, всем пропове́дал еси́,/ просвети́в язы́ки ве́рно, Влади́мире сла́вне./ Искупле́нием же, кровьми́ твои́ми возблиста́в,/ сподо́бился еси́ мзды́ неле́стныя, предстоя́ Тро́ице./ Те́мже дерзнове́нно моли́ Христа́ спасти́ся нам.
́Яко сокро́вище многоце́нное/ и исто́чник, точа́щ земны́м то́ки, неду́ги очища́ющия,/ нам подаде́ся те́ло твое́ свяще́нное,/ боле́знем разли́чным подаю́ще исцеле́ние/ и благода́ть Боже́ственную притека́ющим к нему́, да зове́м ти:// ра́дуйся, кня́же Влади́мире.
Величание
Велича́ем тя,/ страстоте́рпче святы́й кня́же Влади́мире,/ и чтим честна́я страда́ния твоя́,/ я́же за Христа́/ претерпе́л еси́.
Праведного Иакова Боровичского, Новгородского
Тропарь, глас 1
Боже́ственною благода́тию просвети́вся,/ и по сме́рти да́руеши исцеле́ние/ притека́ющим к тебе́, прему́дре Иа́кове:/ те́мже и мы ны́не чтим честны́х моще́й пренесе́ние,/ веселя́ще вку́пе ду́ши и телеса́./ Тем вси вопие́м:/ сла́ва Да́вшему ти кре́пость!/ Сла́ва Венча́вшему тя!// Сла́ва Де́йствующему тобо́ю всем исцеле́ния!
Кондак, глас 8
Ве́рою и любо́вию/ твое́ честно́е пренесе́ние пра́зднующих, блаже́нне,/ сохрани́ и соблюди́ от вся́кия зло́бы и собла́зна змии́на,/ и́маши бо дерзнове́ние ко Влады́це всех, Христу́ Бо́гу./ Его́же моли́ спасти́ правосла́вныя лю́ди,/ моля́щия тя, да вси вопие́м ти:/ ра́дуйся, о́тче Иа́кове,// всея́ Росси́йския земли́ удобре́ние.
Ин кондак, глас 8
Я́ко звезда́ многосве́тлая, от́че, на восто́це возсия́,/ к за́паду прише́л еси́, блаже́нне, во твое́ принесе́ние,/ я́ко со́лнечная луча́, испуща́еши исцеле́ния притека́ющим к ра́це моще́й твои́х,/ моли́ся Христу́ Бо́гу спасти́ правосла́вныя лю́ди, моля́щияся ти,/ да вси вопие́м ти:// ра́дуйся, Богому́дре Иа́кове.
Величание
Велича́ем тя,/ пра́ведниче Христо́в Иа́кове,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Собора мучеников Холмских и Подляшских
Тропарь, глас 8
Благослове́н еси́ Христе́ Бо́же на́ш, му́ченики земли́ Хо́лмския и Подляшския просла́вивый, гоне́ния жесто́кая и му́ки Тебе́ ра́ди претерпевшия, и си́ми в стране́ на́шей свято́е Правосла́вие утвердившия, и́х же моли́твами Го́споди, единомы́слие и братолю́бие в сердца́х на́ших утверди́, ми́ру умире́ние, Це́ркви утвержде́ние, и все́м грехо́в оставле́ние да́руя.
Кондак, глас 2
Любве́ Бо́жия сою́зом связавшеся, и кро́вию муче́ния украси́вшеся, Хо́лмския земли́ и Подляшския му́ченицы свя́ти, зло́бу челове́ческия не́нависти страда́ньми честны́ми разру́шили есте́, те́мже и ве́чную сла́ву насле́довасте. О на́с моли́теся ко Го́споду, дарова́ти все́м ве́лию и бога́тую ми́лость.
Величание
Велича́ем вас,/ страстоте́рпцы святи́и земли́ Хо́лмския и Подляшския,/ и чтим честна́я страда́ния ва́ша,/ я́же за Христа́// претерпе́ли есте́.