Православный календарь на 16-12-2024
| Пн | Вт | Ср | Чт | Пт | Сб | Вс |
Седмица 26-я по Пятидесятнице (ев. чтения 29-й седмицы). Прор. Софонии (635–605 г. до Р. Х.). Прп. Саввы Сторожевского, Звенигородского (1407).
Прп. Феодула Цареградского (ок. 440). Прп. Иоанна молчальника, бывшего еп. Колонийского (558). Сщмч. Феодора, архиеп. Александрийского (606). Прп. Георгия Черникского (Румын.).
Сщмч. Андрея Косовского пресвитера (1920); сщмч. Николая Ершова пресвитера (1937); св. Георгия Седова исп. (1960).
Чтения дня
1 Тимофею 1:1-7 Луки 20:27-44
Каждое дело необходимо начинать с призывания в помощь имени Божия, ибо занятия, освященныя молитвою, будут благотворны для нашего душевнаго спасения.
Прп. Иларион Оптинский
Пророка Софонии
Тропарь, глас 2
Проро́ка Твоего́ Софо́нии па́мять, Го́споди, пра́зднующе,/ тем Тя мо́лим:/ спаси́ ду́ши на́ша.
Кондак, глас 4
Яви́лся еси́ светоза́рен Боже́ственным Ду́хом,/ проро́че Софо́ние,/ Бо́жие явле́ние возгласи́в:/ ра́дуйся зело́, дщи Сио́ня Иерусали́мова, пропове́ждь:// се Царь Твой гряде́т, спаса́яй.
Величание
Велича́ем тя,/ проро́че Бо́жий Софо́ние,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Преподобного Саввы Сторожевского
Тропарь, глас 8
Пусты́ни яви́лся еси́ до́брое прозябе́ние, преподо́бне,/ от ю́ности бо изво́лил еси́ чи́стое житие́,/ духо́вному твоему́ учи́телю после́дуя, и того́ уче́нием ум к Небе́сным впери́в,/ и ста́ду твоему́ прему́др наста́вник показа́лся еси́,/ тем и Христо́с я́ко пресве́тла тя свети́льника чудесы́ обогати́.// Са́вво, о́тче наш, моли́ спасти́ся душа́м на́шим.
Ин тропарь, глас 8
От ю́ности Боже́ственною распаля́ем ре́вностию,/ возлюби́л еси́ чи́стое житие́,/ презре́в ми́ра сего́ кра́сная и су́етная,/ после́довал еси́ твоему́ Богому́дрому учи́телю, преблаже́нному Се́ргию,/ в труде́ и бде́нии, в посте́ и по́двизе:/ на Сторо́жи я́влься безмо́лвия ра́ди и стра́жи духо́вныя/ недре́мленным на Боже́ственней стра́жи предстоя́нием/ стяжа́л еси́ ум, зряй к Бо́гу,/ и де́монския ко́зни и обстоя́ния прозира́яй,/ озаре́ние Преевята́го Ду́ха в себе́ восприе́м,/ я́ко звезда́ пресве́тлая еси́ ве́рным./ Те́мже и прему́др и светоза́рен предстоя́тель/ и па́стырь ста́ду твоему́ яви́лся еси́,/ све́том твои́м просвеща́й и всех,/ приходя́щих к тебе́ ве́рою, о́тче наш Са́вво, и моли́ Христа́ Бо́га, да спасе́т ду́ши на́ша.
Кондак, глас 2
Госпо́дним жела́нием распали́вся,/ стра́сти плотски́я воздержа́нием оттря́с,/ Боже́ственнаго све́та незаходи́мое свети́ло яви́лся еси́,/ чуде́с луча́ми всех просвеща́еши,/ притека́ющих к моще́м твои́м,// Са́вво преподо́бне, о́тче наш.
Ин кондак, глас 8
Безмо́лвия ра́ди и пло́ти распина́ния/ всели́выйся на горе́ Сторо́жи,/ яви́лся еси́, преподо́бне Са́вво, сто́лп ве́ры непоколеби́мый,/ от Пресвята́го Ду́ха осия́нный,/ оби́тель пречестна́я Тро́ицы,/ и непреста́нными моли́твами, сле́зными воздыха́нии и по́двигами благода́ти Боже́ственныя соприча́стник;/ те́мже и Христо́с в нетле́нии моще́й твои́х просла́ви тя,/ и да́ром чуде́с украси́ тя./ Мы же ра́достно ти вопие́м:/ ра́дуйся, Са́вво, вели́кий чудотво́рче.
Величание
Ублажа́ем тя,/ преподо́бне о́тче Са́вво,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Преподобного Феодула Цареградского
Тропарь, глас 8
В тебе́, о́тче, изве́стно спасе́ся, е́же по о́бразу,/ прии́м бо крест, после́довал еси́ Христу́/ и, де́я, учи́л еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней.// Те́мже и со А́нгелы сра́дуется, преподо́бне Феоду́ле, дух твой.
Кондак, глас 2
Царя́ тле́ннаго и скороги́бнущия сла́вы,/ му́дре о́тче, измени́л еси́ ве́чно пребыва́ющими,/ от сто́лпнаго же и приско́рбнаго жития́ в Го́рнее и всера́достное взы́де,/ превели́чества сла́вы Небе́сному Царю́ сца́рствуя, Феоду́ле,// моли́ непреста́нно о всех нас.
Величание
Ублажа́ем тя,/ преподо́бне о́тче Феоду́ле,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Исповедника Георгия Романово-Борисоглебского, (Седова)
Тропарь, глас 4
Основа́вый житие́ свое́ на ка́мени ве́ры, испове́дниче свя́те Гео́ргие, устоя́л еси́ во дни лю́таго искуше́ния, положи́л еси́ ду́шу за Це́рковь, за дру́ги своя́, послужи́л еси́ многострада́льному святи́телю Афана́сию, с ни́мже предстои́ши ны́не Престо́лу Бо́жию, Христа́ Спа́са моля́ о спасе́нии душ на́ших.
Кондак, глас 4
Днесь ра́дуется сла́вная земля́ Яросла́вская, обре́тши святы́я мо́щи твоя́, испове́дниче свя́те Гео́ргие. Лжепа́стырем пре́данный вла́сти богобо́рней, у́зами и лише́ньми искуше́н быв, простото́ю и тве́рдостию мудрова́ния лука́вая отве́ргл еси́. Послужи́вый Це́ркви стра́ждущей, гони́мым ча́дам ея́, кти́торским служе́нием свои́м хра́мы Бо́жия укра́сил еси́. Яви́лся еси́ сла́ва Це́ркве, о не́йже непреста́нно моли́, да непоколеби́му утверди́т ю́ Христо́с.
Величание
Велича́ем тя,/ испове́дниче свя́те Гео́ргие,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Пророка Софонии
Тропарь, глас 2
Проро́ка Твоего́ Софо́нии па́мять, Го́споди, пра́зднующе,/ тем Тя мо́лим:/ спаси́ ду́ши на́ша.
Кондак, глас 4
Яви́лся еси́ светоза́рен Боже́ственным Ду́хом,/ проро́че Софо́ние,/ Бо́жие явле́ние возгласи́в:/ ра́дуйся зело́, дщи Сио́ня Иерусали́мова, пропове́ждь:// се Царь Твой гряде́т, спаса́яй.
Величание
Велича́ем тя,/ проро́че Бо́жий Софо́ние,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Преподобного Саввы Сторожевского
Тропарь, глас 8
Пусты́ни яви́лся еси́ до́брое прозябе́ние, преподо́бне,/ от ю́ности бо изво́лил еси́ чи́стое житие́,/ духо́вному твоему́ учи́телю после́дуя, и того́ уче́нием ум к Небе́сным впери́в,/ и ста́ду твоему́ прему́др наста́вник показа́лся еси́,/ тем и Христо́с я́ко пресве́тла тя свети́льника чудесы́ обогати́.// Са́вво, о́тче наш, моли́ спасти́ся душа́м на́шим.
Ин тропарь, глас 8
От ю́ности Боже́ственною распаля́ем ре́вностию,/ возлюби́л еси́ чи́стое житие́,/ презре́в ми́ра сего́ кра́сная и су́етная,/ после́довал еси́ твоему́ Богому́дрому учи́телю, преблаже́нному Се́ргию,/ в труде́ и бде́нии, в посте́ и по́двизе:/ на Сторо́жи я́влься безмо́лвия ра́ди и стра́жи духо́вныя/ недре́мленным на Боже́ственней стра́жи предстоя́нием/ стяжа́л еси́ ум, зряй к Бо́гу,/ и де́монския ко́зни и обстоя́ния прозира́яй,/ озаре́ние Преевята́го Ду́ха в себе́ восприе́м,/ я́ко звезда́ пресве́тлая еси́ ве́рным./ Те́мже и прему́др и светоза́рен предстоя́тель/ и па́стырь ста́ду твоему́ яви́лся еси́,/ све́том твои́м просвеща́й и всех,/ приходя́щих к тебе́ ве́рою, о́тче наш Са́вво, и моли́ Христа́ Бо́га, да спасе́т ду́ши на́ша.
Кондак, глас 2
Госпо́дним жела́нием распали́вся,/ стра́сти плотски́я воздержа́нием оттря́с,/ Боже́ственнаго све́та незаходи́мое свети́ло яви́лся еси́,/ чуде́с луча́ми всех просвеща́еши,/ притека́ющих к моще́м твои́м,// Са́вво преподо́бне, о́тче наш.
Ин кондак, глас 8
Безмо́лвия ра́ди и пло́ти распина́ния/ всели́выйся на горе́ Сторо́жи,/ яви́лся еси́, преподо́бне Са́вво, сто́лп ве́ры непоколеби́мый,/ от Пресвята́го Ду́ха осия́нный,/ оби́тель пречестна́я Тро́ицы,/ и непреста́нными моли́твами, сле́зными воздыха́нии и по́двигами благода́ти Боже́ственныя соприча́стник;/ те́мже и Христо́с в нетле́нии моще́й твои́х просла́ви тя,/ и да́ром чуде́с украси́ тя./ Мы же ра́достно ти вопие́м:/ ра́дуйся, Са́вво, вели́кий чудотво́рче.
Величание
Ублажа́ем тя,/ преподо́бне о́тче Са́вво,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Преподобного Феодула Цареградского
Тропарь, глас 8
В тебе́, о́тче, изве́стно спасе́ся, е́же по о́бразу,/ прии́м бо крест, после́довал еси́ Христу́/ и, де́я, учи́л еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней.// Те́мже и со А́нгелы сра́дуется, преподо́бне Феоду́ле, дух твой.
Кондак, глас 2
Царя́ тле́ннаго и скороги́бнущия сла́вы,/ му́дре о́тче, измени́л еси́ ве́чно пребыва́ющими,/ от сто́лпнаго же и приско́рбнаго жития́ в Го́рнее и всера́достное взы́де,/ превели́чества сла́вы Небе́сному Царю́ сца́рствуя, Феоду́ле,// моли́ непреста́нно о всех нас.
Величание
Ублажа́ем тя,/ преподо́бне о́тче Феоду́ле,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Исповедника Георгия Романово-Борисоглебского, (Седова)
Тропарь, глас 4
Основа́вый житие́ свое́ на ка́мени ве́ры, испове́дниче свя́те Гео́ргие, устоя́л еси́ во дни лю́таго искуше́ния, положи́л еси́ ду́шу за Це́рковь, за дру́ги своя́, послужи́л еси́ многострада́льному святи́телю Афана́сию, с ни́мже предстои́ши ны́не Престо́лу Бо́жию, Христа́ Спа́са моля́ о спасе́нии душ на́ших.
Кондак, глас 4
Днесь ра́дуется сла́вная земля́ Яросла́вская, обре́тши святы́я мо́щи твоя́, испове́дниче свя́те Гео́ргие. Лжепа́стырем пре́данный вла́сти богобо́рней, у́зами и лише́ньми искуше́н быв, простото́ю и тве́рдостию мудрова́ния лука́вая отве́ргл еси́. Послужи́вый Це́ркви стра́ждущей, гони́мым ча́дам ея́, кти́торским служе́нием свои́м хра́мы Бо́жия укра́сил еси́. Яви́лся еси́ сла́ва Це́ркве, о не́йже непреста́нно моли́, да непоколеби́му утверди́т ю́ Христо́с.
Величание
Велича́ем тя,/ испове́дниче свя́те Гео́ргие,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.