Православный календарь на 21-08-2024
| Пн | Вт | Ср | Чт | Пт | Сб | Вс |
Свт. Емилиана исп., еп. Кизического (815–820).
Прп. Григория, иконописца Печерского, в Ближних пещерах (XII). Перенесение мощей прпп. Зосимы и Савватия Соловецких (1566). Второе перенесение мощей прпп. Зосимы, Савватия и Германа Соловецких (1992). Свт. Мирона чудотворца, еп. Критского (ок. 350). Мчч. Елевферия и Леонида. Прп. Григория Синаита (XIV).
Прмч. Иосифа Баранова (1918); сщмчч. Николая Прозорова и Сергия Тихомирова пресвитеров (1930); сщмч. Николая Шумкова пресвитера (1937); сщмч. Никодима, архиеп. Костромского (1938).
Толгской иконы Божией Матери (1314).
Чтения дня
1 Коринфянам 13:4-14:5 Матфея 20:1-16
Не подумай когда-нибудь не радеть о помыслах, ибо никакая мысль не может утаиться от Бога.
Прп. Марк Подвижник
Cвятителя Емилиана Исповедника, епископа Кизического
Тропарь, глас 8
Правосла́вия наста́вниче,/ благоче́стия учи́телю и чистоты́,/ вселе́нныя свети́льниче,/ архиере́ев богодухнове́нное удобре́ние,/ Емилиа́не прему́дре,/ уче́ньми твои́ми вся просвети́л еси́, цевни́це духо́вная,// моли́ Христа́ Бо́га спасти́ся душа́м на́шим.
Кондак, глас 3
До́бляго Тя побо́рника по Тро́ице я́вльшася,/ Це́рковь сла́вит пою́щи, Емилиа́не,/ за ню́же пострада́л еси́;/ сего́ ра́ди почита́ем па́мять твою́,/ язы́ческаго наше́ствия изба́ви рабы́ твоя́.
Величание
Велича́ем тя,/ святи́телю о́тче Емилиа́не,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Преподобного Григория, иконописца Печерского, в Ближних пещерах
Тропарь, глас 8
В тебе́, о́тче, изве́стно спасе́ся е́же по о́бразу:/ прии́м бо Крест, после́довал еси́ Христу́,/ и де́я учи́л еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней,// те́мже и со А́нгелы сра́дуется, преподо́бне Григо́рие, дух твой.
Кондак, глас 2
Чистото́ю душе́вною Боже́ственно вооружи́вся,/ и непреста́нныя моли́твы,/ я́ко копие́ вручи́в кре́пко,/ пробо́л еси́ бесо́вская ополче́ния,/ Григо́рие о́тче наш,/ моли́ непреста́нно о всех нас.
Величание
Ублажа́ем тя,/ преподо́бне о́тче Григо́рие,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Преподобных Зосимы и Савватия Соловецких
Тропарь, глас 8
́Яко свети́льницы яви́стеся всесве́тлии/ во ото́це окиа́на мо́ря,/ преподо́бнии отцы́ Зоси́мо и Савва́тие,/ вы бо, крест Христо́в на ра́мо взе́мше,/ усе́рдно Тому́ после́довасте/ и, чистото́ю Бо́гови прибли́жившеся,/ отону́ду си́лами чуде́с обогати́стеся./ Те́мже и мы любе́зно притека́ем к ра́кам честны́х моще́й ва́ших/ и уми́льно глаго́лем:// о преподо́бнии, моли́те Христа́ Бо́га спасти́ся душа́м на́шим.
Ин тропарь, глас 4
По́стническое и равноа́нгельское житие́ ва́ше,/ преподо́бнии отцы́ Зоси́мо и Савва́тие,/ вселе́нней позна́ны сотвори́ вас;/ чудодея́нии разли́чными, богоно́снии, просвеща́ете// ве́рою призыва́ющия вы и чту́щия честну́ю па́мять ва́шу.
Кондак, глас 2
Христо́вою любо́вию уязви́вшеся, преподо́бнии,/ и Того́ крест, на ра́мо взе́мше, понесли́ есте́,/ боже́ственне вооружи́вшеся на неви́димыя враги́/ и непреста́нныя моли́твы, я́ко копие́ в рука́х иму́ще,/ кре́пко победи́ли есте́ бесо́вская ополче́ния;/ благода́ть Госпо́дню прие́мше цели́ти неду́ги душ и теле́с/ притека́ющих к ра́кам честны́х моще́й ва́ших,/ чуде́с лучи́ испуща́ете всю́ду./ Тем зове́м вам:/ ра́дуйтеся, преподо́бнии отцы́ Зоси́мо и Савва́тие,// мона́хов удобре́ние.
Величание
Ублажа́ем вас,/ преподо́бнии отцы́ Зоси́мо и Савва́тие,/ и чтим святу́ю па́мять ва́шу,/ наста́вницы мона́хов/ и собесе́дницы а́нгелов.
Священномученника Никодима, архиепископа Костромского
Тропарь, глас 4
Костромска́го кра́я украше́ние,/ новому́чениче святи́телю Никоди́ме,/ ве́ру Правосла́вную тве́рдо испове́дуя,/ от безбо́жных непра́ведно осужде́н бы́в,/ в заточе́нии мно́гая страда́ния претерпе́в,/ вене́ц му́ченический восприя́л еси́./ Ны́не же предстоя́ Престо́лу Бо́жию/ со Пречи́стою Богоро́дицею и все́ми святы́ми/ усе́рдно Христу́ моли́ся/ дарова́ти на́м ве́ры оте́ческия утвержде́ние,// ми́р и ве́лию ми́лость.
Кондак, глас 2
Му́жественный Росси́йский испове́дниче,/ и́стинный подви́жниче благоче́стия/ священному́чениче Никоди́ме,/ избра́нниче Бо́жия Ма́тере дне́сь све́тло прославля́ется./ Мы́ же дерзнове́нно тебе́ возопии́м:// моли́ Христа́ Бо́га спасти́ души́ на́ша.
Величание
Велича́ем тя,/ новому́чениче святи́телю Никоди́ме,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего
Божией Матери пред иконой Ее Толгской
Тропарь, глас 4
Днесь све́тло сия́ет на То́лге/ о́браз Твой, Пречи́стая Де́во Богоро́дице,/ и, я́ко со́лнце незаходи́мое,/ всегда́ ве́рным подаде́ся./ Его́же ви́дев на возду́се,/ неви́димо а́нгелы, я́ко ники́м держи́ма,/ преосвяще́нный епи́скоп гра́да Росто́ва Три́фон/ тече́ ко явле́нному светя́щемуся столпу́ о́гненну,/ и по вода́м, я́ко по су́ху, пре́йде,/ и моля́щеся Ти ве́рно о па́стве и о лю́дех./ И мы, к Тебе́ притека́юще, зове́м:/ Пресвята́я Де́во Богоро́дице, ве́рно Тя сла́вящих спаса́й,/ страну́ на́шу, архиере́ев/ и вся росси́йския лю́ди от всех бед избавля́й/ по вели́цей Твое́й ми́лости.
Кондак, глас 8
Чу́дное и богоприя́тное светоно́снаго зра́ка Твоего́ явле́ние, Пречи́стая Де́во,/ с ве́рою взира́ющим быва́ет изве́стное ча́яние спасе́ния,/ столпо́м бо о́гненным явля́ющи предста́тельство,/ неусы́пное и те́плое за ны к Бо́гу возсыла́еши моле́ние,/ и́мже страну́ Росси́йскую от вся́ких бед изба́ви, мо́лимся,/ да ра́достными усты́ вопие́м Ти вси:/ ра́дуйся, Предводи́тельнице ве́чнаго блаже́нства.
Ин кондак, глас 8
Стра́нное и богоприя́тное светоно́снаго зра́ка Твоего́ явле́ние,/ Пречи́стая Де́во,/ с ве́рою взира́ющим быва́ет изве́стное ча́яние спасе́ния,/ столпо́м бо о́гненным явля́ющи предста́тельство,/ неусы́пное и те́плое за ны к Бо́гу возсыла́еши моле́ние,/ и́мже от вся́ких бед изба́ви, мо́лимся,/ да ра́достными усты́ вопие́м Ти вси:/ ра́дуйся, Хода́таице ве́чнаго блаже́нства.
Величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния/ всем с ве́рою притека́ющим.
Cвятителя Емилиана Исповедника, епископа Кизического
Тропарь, глас 8
Правосла́вия наста́вниче,/ благоче́стия учи́телю и чистоты́,/ вселе́нныя свети́льниче,/ архиере́ев богодухнове́нное удобре́ние,/ Емилиа́не прему́дре,/ уче́ньми твои́ми вся просвети́л еси́, цевни́це духо́вная,// моли́ Христа́ Бо́га спасти́ся душа́м на́шим.
Кондак, глас 3
До́бляго Тя побо́рника по Тро́ице я́вльшася,/ Це́рковь сла́вит пою́щи, Емилиа́не,/ за ню́же пострада́л еси́;/ сего́ ра́ди почита́ем па́мять твою́,/ язы́ческаго наше́ствия изба́ви рабы́ твоя́.
Величание
Велича́ем тя,/ святи́телю о́тче Емилиа́не,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Преподобного Григория, иконописца Печерского, в Ближних пещерах
Тропарь, глас 8
В тебе́, о́тче, изве́стно спасе́ся е́же по о́бразу:/ прии́м бо Крест, после́довал еси́ Христу́,/ и де́я учи́л еси́ презира́ти у́бо плоть, прехо́дит бо,/ прилежа́ти же о души́, ве́щи безсме́ртней,// те́мже и со А́нгелы сра́дуется, преподо́бне Григо́рие, дух твой.
Кондак, глас 2
Чистото́ю душе́вною Боже́ственно вооружи́вся,/ и непреста́нныя моли́твы,/ я́ко копие́ вручи́в кре́пко,/ пробо́л еси́ бесо́вская ополче́ния,/ Григо́рие о́тче наш,/ моли́ непреста́нно о всех нас.
Величание
Ублажа́ем тя,/ преподо́бне о́тче Григо́рие,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Преподобных Зосимы и Савватия Соловецких
Тропарь, глас 8
́Яко свети́льницы яви́стеся всесве́тлии/ во ото́це окиа́на мо́ря,/ преподо́бнии отцы́ Зоси́мо и Савва́тие,/ вы бо, крест Христо́в на ра́мо взе́мше,/ усе́рдно Тому́ после́довасте/ и, чистото́ю Бо́гови прибли́жившеся,/ отону́ду си́лами чуде́с обогати́стеся./ Те́мже и мы любе́зно притека́ем к ра́кам честны́х моще́й ва́ших/ и уми́льно глаго́лем:// о преподо́бнии, моли́те Христа́ Бо́га спасти́ся душа́м на́шим.
Ин тропарь, глас 4
По́стническое и равноа́нгельское житие́ ва́ше,/ преподо́бнии отцы́ Зоси́мо и Савва́тие,/ вселе́нней позна́ны сотвори́ вас;/ чудодея́нии разли́чными, богоно́снии, просвеща́ете// ве́рою призыва́ющия вы и чту́щия честну́ю па́мять ва́шу.
Кондак, глас 2
Христо́вою любо́вию уязви́вшеся, преподо́бнии,/ и Того́ крест, на ра́мо взе́мше, понесли́ есте́,/ боже́ственне вооружи́вшеся на неви́димыя враги́/ и непреста́нныя моли́твы, я́ко копие́ в рука́х иму́ще,/ кре́пко победи́ли есте́ бесо́вская ополче́ния;/ благода́ть Госпо́дню прие́мше цели́ти неду́ги душ и теле́с/ притека́ющих к ра́кам честны́х моще́й ва́ших,/ чуде́с лучи́ испуща́ете всю́ду./ Тем зове́м вам:/ ра́дуйтеся, преподо́бнии отцы́ Зоси́мо и Савва́тие,// мона́хов удобре́ние.
Величание
Ублажа́ем вас,/ преподо́бнии отцы́ Зоси́мо и Савва́тие,/ и чтим святу́ю па́мять ва́шу,/ наста́вницы мона́хов/ и собесе́дницы а́нгелов.
Священномученника Никодима, архиепископа Костромского
Тропарь, глас 4
Костромска́го кра́я украше́ние,/ новому́чениче святи́телю Никоди́ме,/ ве́ру Правосла́вную тве́рдо испове́дуя,/ от безбо́жных непра́ведно осужде́н бы́в,/ в заточе́нии мно́гая страда́ния претерпе́в,/ вене́ц му́ченический восприя́л еси́./ Ны́не же предстоя́ Престо́лу Бо́жию/ со Пречи́стою Богоро́дицею и все́ми святы́ми/ усе́рдно Христу́ моли́ся/ дарова́ти на́м ве́ры оте́ческия утвержде́ние,// ми́р и ве́лию ми́лость.
Кондак, глас 2
Му́жественный Росси́йский испове́дниче,/ и́стинный подви́жниче благоче́стия/ священному́чениче Никоди́ме,/ избра́нниче Бо́жия Ма́тере дне́сь све́тло прославля́ется./ Мы́ же дерзнове́нно тебе́ возопии́м:// моли́ Христа́ Бо́га спасти́ души́ на́ша.
Величание
Велича́ем тя,/ новому́чениче святи́телю Никоди́ме,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего
Божией Матери пред иконой Ее Толгской
Тропарь, глас 4
Днесь све́тло сия́ет на То́лге/ о́браз Твой, Пречи́стая Де́во Богоро́дице,/ и, я́ко со́лнце незаходи́мое,/ всегда́ ве́рным подаде́ся./ Его́же ви́дев на возду́се,/ неви́димо а́нгелы, я́ко ники́м держи́ма,/ преосвяще́нный епи́скоп гра́да Росто́ва Три́фон/ тече́ ко явле́нному светя́щемуся столпу́ о́гненну,/ и по вода́м, я́ко по су́ху, пре́йде,/ и моля́щеся Ти ве́рно о па́стве и о лю́дех./ И мы, к Тебе́ притека́юще, зове́м:/ Пресвята́я Де́во Богоро́дице, ве́рно Тя сла́вящих спаса́й,/ страну́ на́шу, архиере́ев/ и вся росси́йския лю́ди от всех бед избавля́й/ по вели́цей Твое́й ми́лости.
Кондак, глас 8
Чу́дное и богоприя́тное светоно́снаго зра́ка Твоего́ явле́ние, Пречи́стая Де́во,/ с ве́рою взира́ющим быва́ет изве́стное ча́яние спасе́ния,/ столпо́м бо о́гненным явля́ющи предста́тельство,/ неусы́пное и те́плое за ны к Бо́гу возсыла́еши моле́ние,/ и́мже страну́ Росси́йскую от вся́ких бед изба́ви, мо́лимся,/ да ра́достными усты́ вопие́м Ти вси:/ ра́дуйся, Предводи́тельнице ве́чнаго блаже́нства.
Ин кондак, глас 8
Стра́нное и богоприя́тное светоно́снаго зра́ка Твоего́ явле́ние,/ Пречи́стая Де́во,/ с ве́рою взира́ющим быва́ет изве́стное ча́яние спасе́ния,/ столпо́м бо о́гненным явля́ющи предста́тельство,/ неусы́пное и те́плое за ны к Бо́гу возсыла́еши моле́ние,/ и́мже от вся́ких бед изба́ви, мо́лимся,/ да ра́достными усты́ вопие́м Ти вси:/ ра́дуйся, Хода́таице ве́чнаго блаже́нства.
Величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим о́браз Твой святы́й,/ и́мже то́чиши исцеле́ния/ всем с ве́рою притека́ющим.