Православный календарь на 26-04-2024

Священномученика Артемона, пресвитера Лаодикийского

Тропарь, глас 4

И нра́вом прича́стник,/ и престо́лом наме́стник апо́столом быв,/ дея́ние обре́л еси́, богодухнове́нне,/ в виде́ния восхо́д:/ сего́ ра́ди сло́во и́стины исправля́я,/ и ве́ры ра́ди пострада́л еси́ да́же до кро́ве,/ священному́чениче Арте́моне,/ моли́ Христа́ Бо́га// спасти́ся душа́м на́шим.

Кондак, глас 4

Во святи́телех благоче́стно пожи́в/ и муче́ния путь проше́д,/ и́дольския угаси́л еси́ же́ртвы,/ и побо́рник быв твоему́ ста́ду, богому́дре./ Те́мже тя почита́юще, та́йно вопие́м ти:/ от бед изба́ви ны при́сно твои́ми мольба́ми,// о́тче наш Арте́моне.

Величание

Велича́ем тя,/ священному́чениче Арте́моне,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.

Мученицы Фомаиды Египетской

Тропарь, глас 4

А́гница Твоя́, Иису́се, Фомаи́до/ зове́т ве́лиим гла́сом:/ Тебе́, Женише́ мой, люблю́,/ и, Тебе́ и́щущи, страда́льчествую/ и сраспина́юся и спогреба́юся Креще́нию Твоему́,/ и стражду́ Тебе́ ра́ди, я́ко да ца́рствую в Тебе́,/ и умира́ю за Тя, да и живу́ с Тобо́ю,/ но я́ко же́ртву непоро́чную приими́ мя, с любо́вию поже́ршуюся Тебе́.// Тоя́ моли́твами, я́ко Ми́лостив, спаси́ ду́ши на́ша.

Кондак, глас 2

Храм Твой всечестны́й я́ко цельбу́ душе́вную обре́тше,/ вси ве́рнии велегла́сно вопие́м ти:/ де́во му́ченице Фомаи́до великоимени́тая,// Христа́ Бо́га моли́ непреста́нно о всех нас.

Величание

Велича́ем тя,/ страстоте́рпице Христо́ва Фомаи́до,/ и чтим честно́е страда́ние твое́,/ е́же за Христа́// претерпе́ла еси́.