Православный календарь на 24-03-2024
| Пн | Вт | Ср | Чт | Пт | Сб | Вс |
Неделя 1-я Великого поста. Торжество Православия. Глас 1-й.
Свт. Софрония, патриарха Иерусалимского (639). Свт. Евфимия, архиеп. Новгородского, чудотворца (1458).
Прп. Софрония, затворника Печерского, в Дальних пещерах (XIII). Прп. Алексия Голосеевского, Киевского (1917). Сщмч. Пиония, пресвитера Смирнского, и иже с ним (250). Перенесение мощей мч. Епимаха. Свт. Софрония, еп. Врачанского (1813) (Болг.).
Прп. Патрикия (Петрова) исп. (1933); св. Василия Малахова исп., пресвитера (1937).
Иконы Божией Матери Кипрской в с. Стромынь Московской обл. (переходящее празднование в 1-ю Неделю Великого поста).
Чтения дня
Иоанна 20:19-31 (на утрене. Евангелие 9-e) Евреям 11:24-26, 32-12:2 Иоанна 1:43-51
Все, что ни делаешь доброго, старайся скрывать, ибо это тебе полезно.
Прп. Дорофей Палестинский, авва
Недели Торжества Православия
Тропарь, глас 2
Пречи́стому о́бразу Твоему́ покланя́емся, Благи́й,/ прося́ще проще́ния прегреше́ний на́ших, Христе́ Бо́же,/ во́лею бо благоволи́л еси́ пло́тию взы́ти на Крест,/ да изба́виши, я́же созда́л еси́, от рабо́ты вра́жия./ Тем благода́рственно вопие́м Ти:// ра́дости испо́лнил еси́ вся, Спа́се наш, прише́дый спасти́ мир.
Кондак, глас 2
Неопи́санное Сло́во О́тчее,/ из Тебе́, Богоро́дице, описа́ся воплоща́емь,/ и оскве́рншийся о́браз в дре́внее вообрази́в,/ Боже́ственною добро́тою смеси́,/ но испове́дающе спасе́ние,// де́лом и сло́вом сие́ вообража́ем.
Святителя Софрония, патриарха Иерусалимского
Тропарь, глас 4
Пра́вило ве́ры и о́браз кро́тости, воздержа́ния учителя, яви тя стаду твоему Яже веще́й истина; сего ради стяжа́л еси́ смирением высо́кая, нищетою бога́тая, о́тче священнонача́льниче Софроние, моли Христа́ Бо́га спастися душа́м на́шим.
Кондак, глас 8
И́же боже́ственною ре́вностию подви́гся/ и и́стинных повеле́ний устне́ распросте́р,/ церко́вная основа́ния благоузако́нив/ и та́мо су́щим мона́шеским соста́вом преда́в,/ прему́дрый в патриа́рсех Иерусали́мский Софро́ние,/ всему́драя словеса́ во свет изве́л еси́,/ и́миже наставля́еми, зове́м ти:// ра́дуйся, све́тлая правосла́вных похвало́.
Величание
Велича́ем тя,/ святи́телю о́тче Софро́ние,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Святителя Евфимия, архиепископа Новгородского
Тропарь, глас 4
Избра́н быв Бо́гови от ю́ности,/ святи́телю Евфи́мие,/ и сего́ ра́ди архиере́йства са́ном почте́н быв,/ упа́сл еси́ лю́ди, я́же тебе́ Бо́гом вруче́нныя,/ те́мже и по преставле́нии чуде́с дарова́ния от Го́спода прия́л еси́,/ исцеля́ти разли́чныя неду́ги./ Того́ моли́ о нас,/ соверша́ющих честну́ю па́мять твою́,/да тебе́ вси непреста́нно ублажа́ем.
Кондак, глас 8
Я́ко архиере́ем сопресто́льник,/ и святи́телем изря́дный побо́рник был еси́, святи́телю Евфи́мие,/ не преста́й сохраня́я Оте́чество твое́,/ град же и лю́ди, и́же тебе́ ве́рою почита́ющия/ и честны́м моще́м твои́м покланя́ющияся,/да велегла́сно тебе́ вси вопие́м:/ ра́дуйся, святи́телю Богому́дре.
Величание
Велича́ем тя,/ святи́телю о́тче Евфи́мие,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Преподобного Софрония, затворника Печерского, в Дальних пещерах
Тропарь, глас 1
Простра́нна пути́, веду́ща в па́губу,/ блаже́нне Софро́ние, угонза́я,/ затвори́лся еси́ в те́мне ме́сте пеще́рнем,/ иде́же день и нощь в моли́твах и слеза́х,/ и в ручно́м де́ле подвиза́лся,/ обре́л еси́ ве́чный живо́т и наслажде́ние.
Кондак, глас 4
Яви́лся еси́ дре́вним отце́м ревни́тель,/ в те́мней пеще́ре све́тлым житие́м я́сно просия́в,/ и озари́л еси́ сердца́ пою́щих тя,/ Богому́дре о́тче Софро́ние.
Ин кондак, глас 8
В те́сней и те́мней кле́ти затвори́вся,/ власяни́цею и по́ясом желе́зным умерщвля́я те́ло твое́,/ псалмопе́нии непреста́нно благославосло́вил еси́,/ тем Све́та ве́чнаго и оби́тели Небе́сныя сподо́блься,/ и, а́нгельскими пе́нии наслажда́яся,/ моли́ся Го́сподеви, да не лиши́т и нас ве́чных красо́т.
Величание
Ублажа́ем тя,/ преподо́бне о́тче Софро́ние,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Мученика Епимаха Нового
Тропарь, глас 4
Му́ченик Твой, Го́споди, Епима́х,/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами// спаси́ ду́ши на́ша.
Кондак, глас 4
Многообра́зныя ра́ны претерпе́л еси́/ и вене́ц прие́м от Христа́ Бо́га,/ Ему́же о нас моли́ся, блаже́нне Епима́ше,/ ве́рно соверша́ющих па́мять твою́,// да спасе́т ду́ши на́ша.
Величание
Велича́ем тя,/ страстоте́рпче святы́й Епима́ше,/ и чтим честна́я страда́ния твоя́,/ я́же за Христа́// претерпе́л еси́.
Святителя Софрония, епископа Врачанского
Тропарь, глас 1
Щито́м ве́ры вооружи́вся,/ мече́м словесе́ безбо́жныя ага́ряны посека́я,/ ста́до твое́ упасл еси́ на земли́./ В Небе́сней же оби́тели всели́вся,/ Христа́ моли́ дарова́ти наро́ду на́шему/ мир и ве́лию ми́лость.
Ин тропарь, глас 3
Бо́жиим изволе́нием архипа́стырь и учи́тель был еси́/ утвержде́нному ага́рянами на́роду твоему́/ и неусы́пен о нем к Бо́гу моли́твенник./ За ве́ру Христо́ву ревнова́вый,/ мно́жество страда́ний терпе́л еси́,/ па́ству же твою́ от нече́стия охраня́л е́си,/ в благоче́стии и чистоте́ ве́ры наставля́л еси́,/ просвеща́я ю словесы́ и списа́ньми твои́ми./ Те́мже вопие́м ти, святи́телю о́тче наш Софро́ние:/ Христу́ Бо́гу моли́ся/ дарова́ти наро́ду мир и душа́м на́шим ве́лию ми́лость.
Кондак, глас 3
Архиере́ев похвала́ и страда́льцев украше́ние быв,/ святи́телю Софро́ние,/ доброде́тельми просла́вився,/ возсия́л еси́, я́ко со́лнце,/ нас просвеща́я и грехо́вную тьму́ неве́дения отгоня́я./ Но, я́ко име́я дерзнове́ние к Бо́гу,/ мир испроси́ душа́м на́шим и ве́лию ми́лость.
Величание
Велича́ем тя,/ святи́телю о́тче Софро́ние,/ и чти́м святу́ю па́мять твою́,/ ты бо мо́лиши за нас/ Христа́ Бо́га на́шего.
Недели Торжества Православия
Тропарь, глас 2
Пречи́стому о́бразу Твоему́ покланя́емся, Благи́й,/ прося́ще проще́ния прегреше́ний на́ших, Христе́ Бо́же,/ во́лею бо благоволи́л еси́ пло́тию взы́ти на Крест,/ да изба́виши, я́же созда́л еси́, от рабо́ты вра́жия./ Тем благода́рственно вопие́м Ти:// ра́дости испо́лнил еси́ вся, Спа́се наш, прише́дый спасти́ мир.
Кондак, глас 2
Неопи́санное Сло́во О́тчее,/ из Тебе́, Богоро́дице, описа́ся воплоща́емь,/ и оскве́рншийся о́браз в дре́внее вообрази́в,/ Боже́ственною добро́тою смеси́,/ но испове́дающе спасе́ние,// де́лом и сло́вом сие́ вообража́ем.
Святителя Софрония, патриарха Иерусалимского
Тропарь, глас 4
Пра́вило ве́ры и о́браз кро́тости, воздержа́ния учителя, яви тя стаду твоему Яже веще́й истина; сего ради стяжа́л еси́ смирением высо́кая, нищетою бога́тая, о́тче священнонача́льниче Софроние, моли Христа́ Бо́га спастися душа́м на́шим.
Кондак, глас 8
И́же боже́ственною ре́вностию подви́гся/ и и́стинных повеле́ний устне́ распросте́р,/ церко́вная основа́ния благоузако́нив/ и та́мо су́щим мона́шеским соста́вом преда́в,/ прему́дрый в патриа́рсех Иерусали́мский Софро́ние,/ всему́драя словеса́ во свет изве́л еси́,/ и́миже наставля́еми, зове́м ти:// ра́дуйся, све́тлая правосла́вных похвало́.
Величание
Велича́ем тя,/ святи́телю о́тче Софро́ние,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Святителя Евфимия, архиепископа Новгородского
Тропарь, глас 4
Избра́н быв Бо́гови от ю́ности,/ святи́телю Евфи́мие,/ и сего́ ра́ди архиере́йства са́ном почте́н быв,/ упа́сл еси́ лю́ди, я́же тебе́ Бо́гом вруче́нныя,/ те́мже и по преставле́нии чуде́с дарова́ния от Го́спода прия́л еси́,/ исцеля́ти разли́чныя неду́ги./ Того́ моли́ о нас,/ соверша́ющих честну́ю па́мять твою́,/да тебе́ вси непреста́нно ублажа́ем.
Кондак, глас 8
Я́ко архиере́ем сопресто́льник,/ и святи́телем изря́дный побо́рник был еси́, святи́телю Евфи́мие,/ не преста́й сохраня́я Оте́чество твое́,/ град же и лю́ди, и́же тебе́ ве́рою почита́ющия/ и честны́м моще́м твои́м покланя́ющияся,/да велегла́сно тебе́ вси вопие́м:/ ра́дуйся, святи́телю Богому́дре.
Величание
Велича́ем тя,/ святи́телю о́тче Евфи́мие,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Преподобного Софрония, затворника Печерского, в Дальних пещерах
Тропарь, глас 1
Простра́нна пути́, веду́ща в па́губу,/ блаже́нне Софро́ние, угонза́я,/ затвори́лся еси́ в те́мне ме́сте пеще́рнем,/ иде́же день и нощь в моли́твах и слеза́х,/ и в ручно́м де́ле подвиза́лся,/ обре́л еси́ ве́чный живо́т и наслажде́ние.
Кондак, глас 4
Яви́лся еси́ дре́вним отце́м ревни́тель,/ в те́мней пеще́ре све́тлым житие́м я́сно просия́в,/ и озари́л еси́ сердца́ пою́щих тя,/ Богому́дре о́тче Софро́ние.
Ин кондак, глас 8
В те́сней и те́мней кле́ти затвори́вся,/ власяни́цею и по́ясом желе́зным умерщвля́я те́ло твое́,/ псалмопе́нии непреста́нно благославосло́вил еси́,/ тем Све́та ве́чнаго и оби́тели Небе́сныя сподо́блься,/ и, а́нгельскими пе́нии наслажда́яся,/ моли́ся Го́сподеви, да не лиши́т и нас ве́чных красо́т.
Величание
Ублажа́ем тя,/ преподо́бне о́тче Софро́ние,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Мученика Епимаха Нового
Тропарь, глас 4
Му́ченик Твой, Го́споди, Епима́х,/ во страда́нии свое́м вене́ц прия́т нетле́нный от Тебе́, Бо́га на́шего:/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами// спаси́ ду́ши на́ша.
Кондак, глас 4
Многообра́зныя ра́ны претерпе́л еси́/ и вене́ц прие́м от Христа́ Бо́га,/ Ему́же о нас моли́ся, блаже́нне Епима́ше,/ ве́рно соверша́ющих па́мять твою́,// да спасе́т ду́ши на́ша.
Величание
Велича́ем тя,/ страстоте́рпче святы́й Епима́ше,/ и чтим честна́я страда́ния твоя́,/ я́же за Христа́// претерпе́л еси́.
Святителя Софрония, епископа Врачанского
Тропарь, глас 1
Щито́м ве́ры вооружи́вся,/ мече́м словесе́ безбо́жныя ага́ряны посека́я,/ ста́до твое́ упасл еси́ на земли́./ В Небе́сней же оби́тели всели́вся,/ Христа́ моли́ дарова́ти наро́ду на́шему/ мир и ве́лию ми́лость.
Ин тропарь, глас 3
Бо́жиим изволе́нием архипа́стырь и учи́тель был еси́/ утвержде́нному ага́рянами на́роду твоему́/ и неусы́пен о нем к Бо́гу моли́твенник./ За ве́ру Христо́ву ревнова́вый,/ мно́жество страда́ний терпе́л еси́,/ па́ству же твою́ от нече́стия охраня́л е́си,/ в благоче́стии и чистоте́ ве́ры наставля́л еси́,/ просвеща́я ю словесы́ и списа́ньми твои́ми./ Те́мже вопие́м ти, святи́телю о́тче наш Софро́ние:/ Христу́ Бо́гу моли́ся/ дарова́ти наро́ду мир и душа́м на́шим ве́лию ми́лость.
Кондак, глас 3
Архиере́ев похвала́ и страда́льцев украше́ние быв,/ святи́телю Софро́ние,/ доброде́тельми просла́вився,/ возсия́л еси́, я́ко со́лнце,/ нас просвеща́я и грехо́вную тьму́ неве́дения отгоня́я./ Но, я́ко име́я дерзнове́ние к Бо́гу,/ мир испроси́ душа́м на́шим и ве́лию ми́лость.
Величание
Велича́ем тя,/ святи́телю о́тче Софро́ние,/ и чти́м святу́ю па́мять твою́,/ ты бо мо́лиши за нас/ Христа́ Бо́га на́шего.