Православный календарь на 12-03-2024
| Пн | Вт | Ср | Чт | Пт | Сб | Вс |
Прп. Василия исп. (750). Сщмч. Арсения, митр. Ростовского (1772).
Блж. Николая, Христа ради юродивого, Псковского (1576). Сщмч. Протерия, патриарха Александрийского (457). Сщмч. Нестора, еп. Магиддийского (250). Прпп. жен Марины и Киры (ок. 450).
Чтения дня
Иуды 1:1-10 Луки 22:39-42,45-23:1Божией Матери пред иконой Ее «Державная»
Тропарь, глас 4
А́нгелов ли́цы благогове́йно Тебе́ слу́жат,/ и вся Небе́сныя си́лы немо́лчными гла́сы Тя ублажа́ют,/ Богоро́дице Де́во,/ усе́рдно мо́лим Тя, Влады́чице:/ да пребу́дет Боже́ственная благода́ть/ на честне́й ико́не Твое́й Держа́вней,/ и светоза́рный луч сла́вы чуде́с Твои́х да нисхо́дит от нея́/ на всех, с ве́рою Тебе́ моля́щихся// и вопию́щих Бо́гу: аллилу́ия.
Ин тропарь, глас 4
Гра́да Сио́нска взыску́юще,/ под Твой покро́в, Де́во Чи́стая, днесь притека́ем,/ и никто́же возмо́жет на ны,/ я́ко не́сть град си́лен, а́ще не Су́щаго Бо́га,/ и несть и́на кре́пость, а́ще не ми́лость Влады́чицы Де́вы.
Ин тропарь, глас 4
Век скончава́ется, любо́вь оскудева́ет,/ побе́ду лука́вый торжеству́ет,/ и кто нам помощи́ мо́жет, а́ще не Ты, Де́во, Чу́дная Ма́ти,/ огради́ши Кресто́м Сы́на Твоего́.
Кондак, глас 8
Взбра́нней Воево́де, Засту́пнице на́шей Держа́вней,/ пе́сни благода́рственныя прино́сим о дарова́нии нам ико́ны Ея святы́я,/ е́юже огражда́еми, ничесо́же устраши́мся,/ не от челове́к бо спасе́ние на́ше,/ но Преблагослове́нныя Влады́чицы милосе́рдием./ Те́мже днесь ра́дуемся и пра́зднуем све́тло,// яко прии́де Держа́вная на стра́жу земли́ Своея́.
Ин кондак, глас 8
Взбра́нной Воево́де победи́тельныя пе́сни прино́сим,/ я́ко дарова́ся нам держа́ва Твоя́, и ничесо́же устраши́мся,/ не от ми́ра бо спасе́ние на́ше,/ но Превознесе́нныя Влады́чицы милосе́рдием огражда́емся/ и тому́ днесь ра́дуемся,/ я́ко прии́де Засту́пница на стра́жу земли́ Своея́.
Ин кондак, глас 8
Избра́нней от всех родо́в Засту́пнице ро́да христиа́нскаго,/ покро́вом Своея́ бла́гости покрыва́ющей стра́ну на́шу правосла́вную,/ благода́рственныя пе́ния прино́сим Ти, Влады́чице,/ о явле́нии нам чу́дныя ико́ны Твоея́ Держа́вныя./ Ты же, я́ко Всеми́лостивая Засту́пница всех, с ве́рою к Тебе́ притека́ющих,/ от вся́ких нас бед свободи́, да зове́м Ти:/ ра́дуйся, Ма́терь Бо́жия Держа́вная,/ Засту́пнице Усе́рдная ро́да христиа́нскаго.
Величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим Держа́вный о́браз святы́ни Твоея́,/ и́мже подае́ши ве́лию ми́лость/ всем, с ве́рою к нему притека́ющим.
Ино величание
Досто́йно есть/ велича́ти Тя,/ Богоро́дице,/ земли́ Ру́сския Цари́цу Небе́сную/ и люде́й правосла́вных/ Влады́чицу Держа́вную.
Преподобного Василия Декаполита
Тропарь, глас 1
Пусты́нный жи́тель и в телеси́ а́нгел,/ и чудотво́рец яви́лся еси́, Богоно́се о́тче наш Васи́лие,/ посто́м, бде́нием, моли́твою Небе́сная дарова́ния прии́м,/ исцеля́еши неду́жныя, и ду́ши ве́рою притека́ющих ти./ Сла́ва Да́вшему ти кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.
Кондак, глас 2
С высоты́ прии́м Боже́ственное Открове́ние,/ изше́л еси́, му́дре, от среды́ молв/ и, мона́шествовав преподо́бно,/ чуде́с прия́л еси́ де́йство,/ и неду́ги исцеля́ти благода́тию,/ Васи́лие всеблаже́нне, свяще́ннейший.
Величание
Ублажа́ем тя,/ преподо́бне о́тче Васи́лие,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Священномученика Арсения, митрополита Ростовского
Тропарь, глас 8
И нpа́вом пpича́стник,/ и пpесто́лом наме́стник апо́столом быв,/ дея́ние обpе́л еси́, Богодухнове́нне,/ в виде́ния восхо́д,/ сего́ pа́ди сло́во и́стины испpавля́я,/ и ве́pы pа́ди постpада́л еси́ да́же до кpо́ве,/ священному́чениче Арсе́ние,/ моли́ Хpиста́ Бо́га// спасти́ся душа́м на́шим.
Величание
Велича́ем тя,/ священному́чениче Арсе́ние,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Блаженного Николая Саллоса, Христа ради юродивого, Псковского
Тропарь, глас 4
Слове́нска язы́ка, Пско́вския земли́/ пло́тски в юро́дстве быв,/ юро́дства притворе́нием Го́рняго Иерусали́ма граждани́н яви́ся,/ а́нгелом свесели́шися,/ мироточи́ваго святи́теля Никола́я зва́ние восприи́м,/ с ни́мже всегда́ Христа́ Бо́га моли́/ дарова́ти нам ве́лию ми́лость.
Кондак, глас 4
Чудотво́рец яви́ся, Никола́е,/ ца́рску держа́ву и смы́сла свире́пства на ми́лость обрати́в,/ и сего́ ра́ди своему́ оте́честву тепл моле́бник показа́ся/ и ны́не мо́лим тя, свя́те,/ пребу́ди в нас еще́, защити́ от кова́рств вра́жиих,/ ты бо еси́ гра́ду Пско́ву и всем Христолюби́вым лю́дем похвала́ и утвержде́ние.
Величание
Ублажа́ем тя,/ святы́й пра́ведный Никола́е,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Божией Матери пред иконой Ее «Державная»
Тропарь, глас 4
А́нгелов ли́цы благогове́йно Тебе́ слу́жат,/ и вся Небе́сныя си́лы немо́лчными гла́сы Тя ублажа́ют,/ Богоро́дице Де́во,/ усе́рдно мо́лим Тя, Влады́чице:/ да пребу́дет Боже́ственная благода́ть/ на честне́й ико́не Твое́й Держа́вней,/ и светоза́рный луч сла́вы чуде́с Твои́х да нисхо́дит от нея́/ на всех, с ве́рою Тебе́ моля́щихся// и вопию́щих Бо́гу: аллилу́ия.
Ин тропарь, глас 4
Гра́да Сио́нска взыску́юще,/ под Твой покро́в, Де́во Чи́стая, днесь притека́ем,/ и никто́же возмо́жет на ны,/ я́ко не́сть град си́лен, а́ще не Су́щаго Бо́га,/ и несть и́на кре́пость, а́ще не ми́лость Влады́чицы Де́вы.
Ин тропарь, глас 4
Век скончава́ется, любо́вь оскудева́ет,/ побе́ду лука́вый торжеству́ет,/ и кто нам помощи́ мо́жет, а́ще не Ты, Де́во, Чу́дная Ма́ти,/ огради́ши Кресто́м Сы́на Твоего́.
Кондак, глас 8
Взбра́нней Воево́де, Засту́пнице на́шей Держа́вней,/ пе́сни благода́рственныя прино́сим о дарова́нии нам ико́ны Ея святы́я,/ е́юже огражда́еми, ничесо́же устраши́мся,/ не от челове́к бо спасе́ние на́ше,/ но Преблагослове́нныя Влады́чицы милосе́рдием./ Те́мже днесь ра́дуемся и пра́зднуем све́тло,// яко прии́де Держа́вная на стра́жу земли́ Своея́.
Ин кондак, глас 8
Взбра́нной Воево́де победи́тельныя пе́сни прино́сим,/ я́ко дарова́ся нам держа́ва Твоя́, и ничесо́же устраши́мся,/ не от ми́ра бо спасе́ние на́ше,/ но Превознесе́нныя Влады́чицы милосе́рдием огражда́емся/ и тому́ днесь ра́дуемся,/ я́ко прии́де Засту́пница на стра́жу земли́ Своея́.
Ин кондак, глас 8
Избра́нней от всех родо́в Засту́пнице ро́да христиа́нскаго,/ покро́вом Своея́ бла́гости покрыва́ющей стра́ну на́шу правосла́вную,/ благода́рственныя пе́ния прино́сим Ти, Влады́чице,/ о явле́нии нам чу́дныя ико́ны Твоея́ Держа́вныя./ Ты же, я́ко Всеми́лостивая Засту́пница всех, с ве́рою к Тебе́ притека́ющих,/ от вся́ких нас бед свободи́, да зове́м Ти:/ ра́дуйся, Ма́терь Бо́жия Держа́вная,/ Засту́пнице Усе́рдная ро́да христиа́нскаго.
Величание
Велича́ем Тя,/ Пресвята́я Де́во,/ Богоизбра́нная Отрокови́це,/ и чтим Держа́вный о́браз святы́ни Твоея́,/ и́мже подае́ши ве́лию ми́лость/ всем, с ве́рою к нему притека́ющим.
Ино величание
Досто́йно есть/ велича́ти Тя,/ Богоро́дице,/ земли́ Ру́сския Цари́цу Небе́сную/ и люде́й правосла́вных/ Влады́чицу Держа́вную.
Преподобного Василия Декаполита
Тропарь, глас 1
Пусты́нный жи́тель и в телеси́ а́нгел,/ и чудотво́рец яви́лся еси́, Богоно́се о́тче наш Васи́лие,/ посто́м, бде́нием, моли́твою Небе́сная дарова́ния прии́м,/ исцеля́еши неду́жныя, и ду́ши ве́рою притека́ющих ти./ Сла́ва Да́вшему ти кре́пость,/ сла́ва Венча́вшему тя,/ сла́ва Де́йствующему тобо́ю всем исцеле́ния.
Кондак, глас 2
С высоты́ прии́м Боже́ственное Открове́ние,/ изше́л еси́, му́дре, от среды́ молв/ и, мона́шествовав преподо́бно,/ чуде́с прия́л еси́ де́йство,/ и неду́ги исцеля́ти благода́тию,/ Васи́лие всеблаже́нне, свяще́ннейший.
Величание
Ублажа́ем тя,/ преподо́бне о́тче Васи́лие,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Священномученика Арсения, митрополита Ростовского
Тропарь, глас 8
И нpа́вом пpича́стник,/ и пpесто́лом наме́стник апо́столом быв,/ дея́ние обpе́л еси́, Богодухнове́нне,/ в виде́ния восхо́д,/ сего́ pа́ди сло́во и́стины испpавля́я,/ и ве́pы pа́ди постpада́л еси́ да́же до кpо́ве,/ священному́чениче Арсе́ние,/ моли́ Хpиста́ Бо́га// спасти́ся душа́м на́шим.
Величание
Велича́ем тя,/ священному́чениче Арсе́ние,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Блаженного Николая Саллоса, Христа ради юродивого, Псковского
Тропарь, глас 4
Слове́нска язы́ка, Пско́вския земли́/ пло́тски в юро́дстве быв,/ юро́дства притворе́нием Го́рняго Иерусали́ма граждани́н яви́ся,/ а́нгелом свесели́шися,/ мироточи́ваго святи́теля Никола́я зва́ние восприи́м,/ с ни́мже всегда́ Христа́ Бо́га моли́/ дарова́ти нам ве́лию ми́лость.
Кондак, глас 4
Чудотво́рец яви́ся, Никола́е,/ ца́рску держа́ву и смы́сла свире́пства на ми́лость обрати́в,/ и сего́ ра́ди своему́ оте́честву тепл моле́бник показа́ся/ и ны́не мо́лим тя, свя́те,/ пребу́ди в нас еще́, защити́ от кова́рств вра́жиих,/ ты бо еси́ гра́ду Пско́ву и всем Христолюби́вым лю́дем похвала́ и утвержде́ние.
Величание
Ублажа́ем тя,/ святы́й пра́ведный Никола́е,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.