Православный календарь на 12-09-2023
| Пн | Вт | Ср | Чт | Пт | Сб | Вс |
Свтт. Александра (340), Иоанна (595) и Павла Нового (784), патриархов Константинопольских. Прп. Александра Свирского (1533). Обретение мощей блгв. кн. Даниила Московского (1652). Перенесение мощей блгв. вел. кн. Александра Невского (1724).
Прп. Христофора Римлянина (VI). Прп. Фантина чудотворца, в Солуни (IX–X). Святителей Сербских: Саввы I (1237), Арсения I (1266), Саввы II (1271), Евстафия I (ок. 1285), Иакова (1292), Никодима (1325), Даниила (1337–1338), архиепископов; Иоанникия II (1354), Ефрема II (1395–1400), Спиридона (1388), Макария (1574), Гавриила I (1659), патриархов, и Григория епископа. Свт. Варлаама, митр. Молдавского (1657) (Румын.).
Сщмч. Петра Решетникова пресвитера (1918); прмч. Аполлинария (Мосалитинова) (1918); сщмч. Павла Малиновского пресвитера, прмц. Елисаветы (Ярыгиной) и мч. Феодора Иванова (1937); прмч. Игнатия (Лебедева) (1938); св. Петра Чельцова исп., пресвитера (1972).
Чтения дня
Матфея 11:27-30 (на утрене) Галатам 2:21-3:7 Марка 6:1-7
За понедельникГалатам 2:11-16
Марка 5:24-34
Галатам 5:22-6:2 (благоверному князю)
Матфея 11:27-30 (благоверному князю)
.
Человек, осуждающий других, походит на зеркало, которое в себе всех отображает, а себя не видит.
Свт. Димитрий Ростовский
Святителей Александра, Иоанна и Павла Нового, патриархов Константинопольских
Тропарь, глас 4
Бо́же оте́ц на́ших,/ творя́й при́сно с на́ми по Твое́й кро́тости,/ не оста́ви, ми́лость Твою́, от нас,/ но моли́твами их/ в ми́ре упра́ви живо́т наш.
Кондак, глас 8
Христо́вою любо́вию распала́еми, сла́внии,/ и яре́м Его́ прие́мшии, крест честны́й,/ подража́тели Того́ жития́ яви́стеся,/ и Боже́ственныя сла́вы Его́ прича́стницы бы́сте,/Алекса́ндре Богому́дре со Иоа́нном чу́дным и Па́влом сла́вным./ Те́мже престо́лу Его́ предстоя́ще,/ приле́жно моли́теся за ду́ши на́ша.
Величание
Велича́ем вас,/ святи́телие вели́ции Алекса́ндре, Иоа́нне и Па́вле,/ и чтим святу́ю па́мять ва́шу,/ вы бо мо́лите за нас/ Христа́ Бо́га на́шего.
Преподобного Александра Свирского
Тропарь, глас 4
От ю́ности, Богому́дре, жела́нием духо́вным в пусты́ню всели́вся,/ еди́наго Христа́ возжела́л еси́ усе́рдно стопа́м в след ходи́ти,/ те́мже и а́нгельстии чи́ни, зря́ще тя, удиви́шася,/ ка́ко, с пло́тию к неви́димым ко́знем подвиза́вся, прему́дре,/ победи́л еси́ полки́ страсте́й воздержа́нием/ и яви́лся еси́ равноа́нгелен на земли́,/ Алекса́ндре, преподо́бне,/ моли́ Христа́ Бо́га,// да спасе́т ду́ши на́ша.
Кондак, глас 8
Я́ко многосве́тлая звезда́ днесь в страна́х росси́йских возсия́л еси́, о́тче,/ всели́вся в пусты́ню, Христо́вым стопа́м после́довати усе́рдно возжеле́л еси́/ и, Того́ свято́е и́го на ра́мо твое́ взем - честны́й крест,/ умертви́л еси́ труды́ по́двиг твои́х теле́сная взыгра́ния,/ те́мже вопие́м ти:/ спаси́ ста́до твое́, е́же собра́л еси́, му́дре, да зове́м ти:// ра́дуйся, преподо́бне Алекса́ндре, о́тче наш.
Величание
Ублажа́ем тя, / преподо́бне о́тче Алекса́ндре, / и чтим святу́ю па́мять твою́, / наста́вниче мона́хов // и собесе́дниче А́нгелов.
Благоверного князя Даниила Московского
Тропарь, глас 4
Яви́ся, я́ко звезда́ пресве́тлая,/ благове́рный и преподо́бный кня́же Дании́ле,/ в богопоруче́ннем твое́м гра́де Москве́ в жи́зни вре́менней/ и просвети́ся воздержа́нием, и всено́щным стоя́нием, и посто́м,/ и моли́твою, и слеза́ми ко Всеми́лостивому Спа́су/ за град свой Москву́ и за вся страны́ Росси́йския земли́./ И по преставле́нии твое́м честны́я твоя́ мо́щи/ источа́ют исцеле́ния неоску́дно приходя́щим с ве́рою,/ те́мже вопие́м ти:/ моли́ Христа́ Бо́га// спасти́ся душа́м на́шим.
Ин тропарь, глас 3
Яви́лся еси́ в стране́ на́шей, я́ко звезда́ пресве́тлая,/ благове́рный кня́же Дании́ле,/ луча́ми све́та твоего́ озаря́я град твой и оби́тель твою́,/ лю́дем правосла́вным побо́рник еси́,/ пле́нным свободи́тель и ни́щим защи́титель./ Моли́ Христа́ Бо́га/ держа́ве Росси́йстей дарова́ти мир// и спасти́ ду́ши на́ша.
Кондак, глас 8
Красоту́ ми́ра сего́, княже́ние и сла́ву я́ко вре́менная помышля́я,/ и сего́ ра́ди благоче́стно в ми́ре пожи́л еси́, блаже́нне кня́же Дании́ле,/ ми́лостию, и моли́твами, и и́ночеством Бо́гу угоди́в,/ и по преставле́нии свое́м чуде́с дар прии́м от Христа́ Бо́га,/ и свети́льник яви́ся пресве́тлый, просвеща́я свои́ми чудесы́,/ приходя́щим с ве́рою подае́ши ско́рое здра́вие и от бед избавля́еши./ Те́мже Христо́ва Це́рковь пе́сньми сла́вит тя, благочести́вый кня́же Дании́ле,// ца́рствующему твоему́ гра́ду Москве́ вели́кое утвержде́ние.
Величание
Ублажа́ем тя,/ благове́рный кня́же Дании́ле,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Благоверного великого князя Александра Невского
Тропарь, глас 4
Позна́й свою́ бра́тию, росси́йский Ио́сифе,/ не в Еги́пте, но на Небеси́ ца́рствующий,/ благове́рный кня́же Алекса́ндре,/ и приими́ моле́ния их,/ умножа́я жи́та лю́дем плодоно́сием земли́ твоея́,/ гра́ды влады́чествия твоего́ огражда́я моле́нием// и правосла́вным христиа́ном на сопроти́вныя спобо́рствуя.
Кондак, глас 4
́Якоже сро́дницы твои́ Бори́с и Глеб/ яви́шася тебе́ с Небесе́ в по́мощь,/ подвиза́ющемуся на Ве́лгера све́йскаго и во́ев его́,/ та́ко и ты ны́не,/ блаже́нне Алекса́ндре,/ прииди́ в по́мощь твои́м сро́дником// и побори́ борю́щия ны.
Величание
Велича́ем тя,/ святы́й благове́рный кня́же Алекса́ндре,/ и чтим святу́ю па́мять твою́,/ ты бо мо́лиши за нас// Христа́ Бо́га на́шего.
Собора святителей Сербских
Тропарь, глас 4
Первосвяти́телие Богоно́снии, отцы́ на́ши,/я́ко просвети́телие се́рбстии,/ святи́и первопа́стырие и патриа́рси,/ и́стиннии храни́телие апо́стольских преда́ний,/ столпи́ непоколеби́мии,/ Правосла́вия наста́вницы,/ Влады́ку всех Христа́ моли́те/ мир вселе́нней дарова́ти/ и душа́м на́шим ве́лию ми́лость.
Кондак, глас 3
На престо́лех святи́тельских благоче́стно пожи́сте/ и лю́ди своя́ к богоразу́мию наста́висте,/ до́бре Бо́гу угожда́юще,/ сего́ ра́ди от Него́ нетле́нием и чудесы́ просла́влени бы́сте,/ я́ко ученицы́ Бо́жия благода́ти.
Величание
Велича́ем вас,/ святи́телие вели́ции, просвети́телие и учи́телие земли́ Се́рбския,/ и чтим святу́ю па́мять ва́шу,/ вы бо мо́лите о нас/ Христа́ Бо́га на́шего.
Священноисповедника Петра Чельцова
Тропарь, глас 3
Земли́ Ру́сския украше́ние,/ пра́вою ве́рою благоче́стно пожи́л еси́,/ ве́рныя в годи́ну гоне́ний и́стине науча́я и утеша́я,/ у́зы, гоне́ния и ско́рби терпя́,/ мо́лим тя́ Пра́ведне о́тче Пе́тре,/ спаса́й на́с, Моли́твами твои́ми// от все́х бе́д и печа́лей.
Кондак, глас 4
Первоверхо́вному соиме́ннаго па́стыря/ уте́шителя скорбя́щих, цели́теля немощны́х,/ Хвалу́ и утеше́ние на́ше дне́сь любо́вию восхва́лим ве́рнии./ Се́й бо е́сть цели́тель до́блий// и моли́твенник о душа́х на́ших.
Величание
Велича́ем тя,/ Пра́ведне о́тче Пе́тре,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Святителей Александра, Иоанна и Павла Нового, патриархов Константинопольских
Тропарь, глас 4
Бо́же оте́ц на́ших,/ творя́й при́сно с на́ми по Твое́й кро́тости,/ не оста́ви, ми́лость Твою́, от нас,/ но моли́твами их/ в ми́ре упра́ви живо́т наш.
Кондак, глас 8
Христо́вою любо́вию распала́еми, сла́внии,/ и яре́м Его́ прие́мшии, крест честны́й,/ подража́тели Того́ жития́ яви́стеся,/ и Боже́ственныя сла́вы Его́ прича́стницы бы́сте,/Алекса́ндре Богому́дре со Иоа́нном чу́дным и Па́влом сла́вным./ Те́мже престо́лу Его́ предстоя́ще,/ приле́жно моли́теся за ду́ши на́ша.
Величание
Велича́ем вас,/ святи́телие вели́ции Алекса́ндре, Иоа́нне и Па́вле,/ и чтим святу́ю па́мять ва́шу,/ вы бо мо́лите за нас/ Христа́ Бо́га на́шего.
Преподобного Александра Свирского
Тропарь, глас 4
От ю́ности, Богому́дре, жела́нием духо́вным в пусты́ню всели́вся,/ еди́наго Христа́ возжела́л еси́ усе́рдно стопа́м в след ходи́ти,/ те́мже и а́нгельстии чи́ни, зря́ще тя, удиви́шася,/ ка́ко, с пло́тию к неви́димым ко́знем подвиза́вся, прему́дре,/ победи́л еси́ полки́ страсте́й воздержа́нием/ и яви́лся еси́ равноа́нгелен на земли́,/ Алекса́ндре, преподо́бне,/ моли́ Христа́ Бо́га,// да спасе́т ду́ши на́ша.
Кондак, глас 8
Я́ко многосве́тлая звезда́ днесь в страна́х росси́йских возсия́л еси́, о́тче,/ всели́вся в пусты́ню, Христо́вым стопа́м после́довати усе́рдно возжеле́л еси́/ и, Того́ свято́е и́го на ра́мо твое́ взем - честны́й крест,/ умертви́л еси́ труды́ по́двиг твои́х теле́сная взыгра́ния,/ те́мже вопие́м ти:/ спаси́ ста́до твое́, е́же собра́л еси́, му́дре, да зове́м ти:// ра́дуйся, преподо́бне Алекса́ндре, о́тче наш.
Величание
Ублажа́ем тя, / преподо́бне о́тче Алекса́ндре, / и чтим святу́ю па́мять твою́, / наста́вниче мона́хов // и собесе́дниче А́нгелов.
Благоверного князя Даниила Московского
Тропарь, глас 4
Яви́ся, я́ко звезда́ пресве́тлая,/ благове́рный и преподо́бный кня́же Дании́ле,/ в богопоруче́ннем твое́м гра́де Москве́ в жи́зни вре́менней/ и просвети́ся воздержа́нием, и всено́щным стоя́нием, и посто́м,/ и моли́твою, и слеза́ми ко Всеми́лостивому Спа́су/ за град свой Москву́ и за вся страны́ Росси́йския земли́./ И по преставле́нии твое́м честны́я твоя́ мо́щи/ источа́ют исцеле́ния неоску́дно приходя́щим с ве́рою,/ те́мже вопие́м ти:/ моли́ Христа́ Бо́га// спасти́ся душа́м на́шим.
Ин тропарь, глас 3
Яви́лся еси́ в стране́ на́шей, я́ко звезда́ пресве́тлая,/ благове́рный кня́же Дании́ле,/ луча́ми све́та твоего́ озаря́я град твой и оби́тель твою́,/ лю́дем правосла́вным побо́рник еси́,/ пле́нным свободи́тель и ни́щим защи́титель./ Моли́ Христа́ Бо́га/ держа́ве Росси́йстей дарова́ти мир// и спасти́ ду́ши на́ша.
Кондак, глас 8
Красоту́ ми́ра сего́, княже́ние и сла́ву я́ко вре́менная помышля́я,/ и сего́ ра́ди благоче́стно в ми́ре пожи́л еси́, блаже́нне кня́же Дании́ле,/ ми́лостию, и моли́твами, и и́ночеством Бо́гу угоди́в,/ и по преставле́нии свое́м чуде́с дар прии́м от Христа́ Бо́га,/ и свети́льник яви́ся пресве́тлый, просвеща́я свои́ми чудесы́,/ приходя́щим с ве́рою подае́ши ско́рое здра́вие и от бед избавля́еши./ Те́мже Христо́ва Це́рковь пе́сньми сла́вит тя, благочести́вый кня́же Дании́ле,// ца́рствующему твоему́ гра́ду Москве́ вели́кое утвержде́ние.
Величание
Ублажа́ем тя,/ благове́рный кня́же Дании́ле,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Благоверного великого князя Александра Невского
Тропарь, глас 4
Позна́й свою́ бра́тию, росси́йский Ио́сифе,/ не в Еги́пте, но на Небеси́ ца́рствующий,/ благове́рный кня́же Алекса́ндре,/ и приими́ моле́ния их,/ умножа́я жи́та лю́дем плодоно́сием земли́ твоея́,/ гра́ды влады́чествия твоего́ огражда́я моле́нием// и правосла́вным христиа́ном на сопроти́вныя спобо́рствуя.
Кондак, глас 4
́Якоже сро́дницы твои́ Бори́с и Глеб/ яви́шася тебе́ с Небесе́ в по́мощь,/ подвиза́ющемуся на Ве́лгера све́йскаго и во́ев его́,/ та́ко и ты ны́не,/ блаже́нне Алекса́ндре,/ прииди́ в по́мощь твои́м сро́дником// и побори́ борю́щия ны.
Величание
Велича́ем тя,/ святы́й благове́рный кня́же Алекса́ндре,/ и чтим святу́ю па́мять твою́,/ ты бо мо́лиши за нас// Христа́ Бо́га на́шего.
Собора святителей Сербских
Тропарь, глас 4
Первосвяти́телие Богоно́снии, отцы́ на́ши,/я́ко просвети́телие се́рбстии,/ святи́и первопа́стырие и патриа́рси,/ и́стиннии храни́телие апо́стольских преда́ний,/ столпи́ непоколеби́мии,/ Правосла́вия наста́вницы,/ Влады́ку всех Христа́ моли́те/ мир вселе́нней дарова́ти/ и душа́м на́шим ве́лию ми́лость.
Кондак, глас 3
На престо́лех святи́тельских благоче́стно пожи́сте/ и лю́ди своя́ к богоразу́мию наста́висте,/ до́бре Бо́гу угожда́юще,/ сего́ ра́ди от Него́ нетле́нием и чудесы́ просла́влени бы́сте,/ я́ко ученицы́ Бо́жия благода́ти.
Величание
Велича́ем вас,/ святи́телие вели́ции, просвети́телие и учи́телие земли́ Се́рбския,/ и чтим святу́ю па́мять ва́шу,/ вы бо мо́лите о нас/ Христа́ Бо́га на́шего.
Священноисповедника Петра Чельцова
Тропарь, глас 3
Земли́ Ру́сския украше́ние,/ пра́вою ве́рою благоче́стно пожи́л еси́,/ ве́рныя в годи́ну гоне́ний и́стине науча́я и утеша́я,/ у́зы, гоне́ния и ско́рби терпя́,/ мо́лим тя́ Пра́ведне о́тче Пе́тре,/ спаса́й на́с, Моли́твами твои́ми// от все́х бе́д и печа́лей.
Кондак, глас 4
Первоверхо́вному соиме́ннаго па́стыря/ уте́шителя скорбя́щих, цели́теля немощны́х,/ Хвалу́ и утеше́ние на́ше дне́сь любо́вию восхва́лим ве́рнии./ Се́й бо е́сть цели́тель до́блий// и моли́твенник о душа́х на́ших.
Величание
Велича́ем тя,/ Пра́ведне о́тче Пе́тре,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.