Православный календарь на 12-03-2023
Пн | Вт | Ср | Чт | Пт | Сб | Вс |
Неделя 2-я Великого поста. Глас 6-й.
Свт. Григория Паламы, архиеп. Фессалонитского (переходящее празднование во 2-ю Неделю Великого поста). Прп. Прокопия Декаполита, исп. (ок. 750).
Прп. Тита, пресвитера Печерского, в Ближних пещерах (1190). Прп. Тита Печерского, бывшего воина, в Дальних пещерах (XIV). Прп. Фалалея Сирийского (ок. 460). Собор всех преподобных отцов Киево-Печерских (переходящее празднование во 2-ю Неделю Великого поста).
Сщмч. Сергия Увицкого пресвитера (1932); мч. Михаила Маркова (1938).
Чтения дня
Луки 24:36-53 (на утрене. Евангелие 6-e) Евреям 1:10-2:3 Марка 2:1-12
Мы просим у Бога прибавить нам веру не для того, чтобы творить чудеса, но для того, чтобы больше Его возлюбить.
Прп. Паисий Святогорец
Святителя Григория Паламы, архиепископа Солунского
Тропарь, глас 8
Правосла́вия свети́льниче,/ Це́ркве утвержде́ние и учи́телю, мона́хов добро́то,/ богосло́вов побо́рниче непребори́мый,/ Григо́рие чудотво́рче,/ Фессалони́тская похвало́, пропове́дниче благода́ти,// моли́ся вы́ну спасти́ся душа́м на́шим.
Ин тропарь, глас 8
Правосла́вию наста́вниче, святи́телем украше́ние,/ богосло́вцем побо́рниче непобеди́мый, Григо́рие чудотво́рче,/ Солу́ню вели́кая похвало́, пропове́дниче благода́ти,// моли́ Христа́ Бо́га спасти́ся душа́м на́шим.
Кондак, глас 8
Прему́дрости свяще́нный и Боже́ственный орга́н,/ богосло́вия све́тлую согла́сно трубу́,/ воспева́ем тя, Григо́рие богоглаго́льниче,/ но я́ко ум, Уму́ пе́рвому предстоя́й,/ к Нему́ ум наш, о́тче, наста́ви, да зове́м:// ра́дуйся, пропове́дниче благода́ти.
Ин кондак в Неделю 2-ю Великого поста, глас 4
Ны́не вре́мя де́лательное яви́ся, при две́рех Суд,/ воста́нем у́бо постя́щеся,/ принесе́м сле́зы умиле́ния,/ ми́лостынями, зову́ще:/ согреши́хом па́че песка́ морска́го,/ но осла́би, Соде́телю всех,// я́ко да прии́мем нетле́нныя венцы́.
Величание
Велича́ем тя,/ святи́телю о́тче Григо́рие,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Преподобного Прокопия Декаполита, исповедника
Тропарь, глас 8
Слез твои́х тече́ньми пусты́ни безпло́дное возде́лал еси́,/ и и́же из глубины́ воздыха́ньми во сто трудо́в уплодоноси́л еси́,/ и был еси́ свети́льник вселе́нней,/ сия́я чудесы́, Проко́пие о́тче наш./ Моли́ Христа́ Бо́га спасти́ся душа́м на́шим.
Кондак, глас 4
Денни́цу днесь Це́рковь иму́щи,/ вся́кую злосла́вия мглу разгоня́ет,/ почита́ющи тя, Небеснотаи́нниче, Проко́пие пресла́вне.
Величание
Ублажа́ем тя,/ преподо́бне о́тче Проко́пие,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Преподобного Тита, пресвитера Печерского, в Ближних пещерах
Тропарь, глас 1
Братолю́бие тя живу́ща ви́дев любве́ ненави́стник,/ победи́л тя во гнев,/ но, ве́дый твоя́ пре́жния труды́ лю́бве исто́чник Госпо́дь,/ преложи́ тя па́ки на братолю́бие,/ в не́мже ты про́чее пожи́в Богоуго́дне,/ моли́ся о нас, я́ко да поживе́м братолю́бие.
Кондак, глас 7
Смире́нию Госпо́дню подо́бяся,/ смири́лся еси́, свяще́нник сый пред лице́м го́рдаго диа́кона Ева́грия,/ беззло́бие Ти́те,/ за что прия́л еси́ не то́кмо вре́менныя жи́зни неотпа́дение,/ а́нгелу тя воздви́гшу,/ но и ве́чныя наслажде́ние,/ в не́йже лику́я, избавля́й нас лю́таго гне́ва и памятозло́бия.
Величание
Ублажа́ем тя,/ преподо́бне о́тче Ти́те,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Преподобного Тита Печерского, бывшего воина, в Дальних пещерах
Тропарь, глас 3
Во́инство тле́нное оста́вль,/ в нетле́нном ввоени́лся еси́ Христо́ви,/ и ору́жием Его́ кре́стным победи́в подзе́мных эфио́пов,/ побе́ды вене́ц от Христа́, Ти́те, сла́вно прия́л еси́,/ Ему́же моли́ся дарова́ти нам мир и ве́лию ми́лость.
Кондак, глас 6
Во́ина Христо́ва хра́браго,/ щито́м преподо́бия обло́жшагося/ и во́ев неви́димых кре́пко победи́вша,/ прииди́те, ве́рнии, восхвали́м/ Ти́та крепкоду́шнаго и возопии́м:/ прииди́, свя́те, к нам и никто́же озлоби́т ны.
Величание
Ублажа́ем тя,/ преподо́бне о́тче Ти́те,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Собора преподобных отцов Киево-Печерских
Тропарь, глас 2
Егда́ снидо́сте во гро́бы/ и саме́х себе́ заключи́сте,/ тогда́, стра́сти умертви́вше плотски́я,/ спогребо́стеся Христу́, Богоно́снии,/ и диа́вольския в подзе́мных разруши́сте огра́ды.// Сего́ ра́ди А́нгели венцы́ с Небе́с вам подаю́т.
Кондак, глас 2
Лик по́стнический собра́ся у́мне,/ мы́сленныма зря́ще очи́ма,/ прииди́те, лю́дие, хвала́ми почти́м,/ и, покланя́ющеся моще́м их,/ любо́вныя принесе́м да́ры,/ ти́и бо суть к Бо́гу хода́таи// и моли́твенницы о душа́х на́ших.
Ин кондак, глас 8
Отцы́ всечестни́и, ли́че Богокра́сный,/ чуде́с мно́гих исто́чницы, ми́ро источа́ющии,/ сокро́вища краснобога́тная Госпо́дня, в земли́ сокрове́нная,/ не преста́йте, мо́лим вы, о нас моли́тися ко Го́споду, да зове́м вам:// ра́дуйтеся, всему́ ми́ру свети́льницы.
Величание
Велича́ем вас,/ преподо́бнии отцы́ на́ши Пече́рстии,/ и чтим святу́ю па́мять ва́шу,/ вы бо мо́лите о нас// Христа́, Бо́га на́шего.
Святителя Григория Паламы, архиепископа Солунского
Тропарь, глас 8
Правосла́вия свети́льниче,/ Це́ркве утвержде́ние и учи́телю, мона́хов добро́то,/ богосло́вов побо́рниче непребори́мый,/ Григо́рие чудотво́рче,/ Фессалони́тская похвало́, пропове́дниче благода́ти,// моли́ся вы́ну спасти́ся душа́м на́шим.
Ин тропарь, глас 8
Правосла́вию наста́вниче, святи́телем украше́ние,/ богосло́вцем побо́рниче непобеди́мый, Григо́рие чудотво́рче,/ Солу́ню вели́кая похвало́, пропове́дниче благода́ти,// моли́ Христа́ Бо́га спасти́ся душа́м на́шим.
Кондак, глас 8
Прему́дрости свяще́нный и Боже́ственный орга́н,/ богосло́вия све́тлую согла́сно трубу́,/ воспева́ем тя, Григо́рие богоглаго́льниче,/ но я́ко ум, Уму́ пе́рвому предстоя́й,/ к Нему́ ум наш, о́тче, наста́ви, да зове́м:// ра́дуйся, пропове́дниче благода́ти.
Ин кондак в Неделю 2-ю Великого поста, глас 4
Ны́не вре́мя де́лательное яви́ся, при две́рех Суд,/ воста́нем у́бо постя́щеся,/ принесе́м сле́зы умиле́ния,/ ми́лостынями, зову́ще:/ согреши́хом па́че песка́ морска́го,/ но осла́би, Соде́телю всех,// я́ко да прии́мем нетле́нныя венцы́.
Величание
Велича́ем тя,/ святи́телю о́тче Григо́рие,/ и чтим святу́ю па́мять твою́,/ ты бо мо́лиши о нас// Христа́ Бо́га на́шего.
Преподобного Прокопия Декаполита, исповедника
Тропарь, глас 8
Слез твои́х тече́ньми пусты́ни безпло́дное возде́лал еси́,/ и и́же из глубины́ воздыха́ньми во сто трудо́в уплодоноси́л еси́,/ и был еси́ свети́льник вселе́нней,/ сия́я чудесы́, Проко́пие о́тче наш./ Моли́ Христа́ Бо́га спасти́ся душа́м на́шим.
Кондак, глас 4
Денни́цу днесь Це́рковь иму́щи,/ вся́кую злосла́вия мглу разгоня́ет,/ почита́ющи тя, Небеснотаи́нниче, Проко́пие пресла́вне.
Величание
Ублажа́ем тя,/ преподо́бне о́тче Проко́пие,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Преподобного Тита, пресвитера Печерского, в Ближних пещерах
Тропарь, глас 1
Братолю́бие тя живу́ща ви́дев любве́ ненави́стник,/ победи́л тя во гнев,/ но, ве́дый твоя́ пре́жния труды́ лю́бве исто́чник Госпо́дь,/ преложи́ тя па́ки на братолю́бие,/ в не́мже ты про́чее пожи́в Богоуго́дне,/ моли́ся о нас, я́ко да поживе́м братолю́бие.
Кондак, глас 7
Смире́нию Госпо́дню подо́бяся,/ смири́лся еси́, свяще́нник сый пред лице́м го́рдаго диа́кона Ева́грия,/ беззло́бие Ти́те,/ за что прия́л еси́ не то́кмо вре́менныя жи́зни неотпа́дение,/ а́нгелу тя воздви́гшу,/ но и ве́чныя наслажде́ние,/ в не́йже лику́я, избавля́й нас лю́таго гне́ва и памятозло́бия.
Величание
Ублажа́ем тя,/ преподо́бне о́тче Ти́те,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Преподобного Тита Печерского, бывшего воина, в Дальних пещерах
Тропарь, глас 3
Во́инство тле́нное оста́вль,/ в нетле́нном ввоени́лся еси́ Христо́ви,/ и ору́жием Его́ кре́стным победи́в подзе́мных эфио́пов,/ побе́ды вене́ц от Христа́, Ти́те, сла́вно прия́л еси́,/ Ему́же моли́ся дарова́ти нам мир и ве́лию ми́лость.
Кондак, глас 6
Во́ина Христо́ва хра́браго,/ щито́м преподо́бия обло́жшагося/ и во́ев неви́димых кре́пко победи́вша,/ прииди́те, ве́рнии, восхвали́м/ Ти́та крепкоду́шнаго и возопии́м:/ прииди́, свя́те, к нам и никто́же озлоби́т ны.
Величание
Ублажа́ем тя,/ преподо́бне о́тче Ти́те,/ и чтим святу́ю па́мять твою́,/ наста́вниче мона́хов/ и собесе́дниче а́нгелов.
Собора преподобных отцов Киево-Печерских
Тропарь, глас 2
Егда́ снидо́сте во гро́бы/ и саме́х себе́ заключи́сте,/ тогда́, стра́сти умертви́вше плотски́я,/ спогребо́стеся Христу́, Богоно́снии,/ и диа́вольския в подзе́мных разруши́сте огра́ды.// Сего́ ра́ди А́нгели венцы́ с Небе́с вам подаю́т.
Кондак, глас 2
Лик по́стнический собра́ся у́мне,/ мы́сленныма зря́ще очи́ма,/ прииди́те, лю́дие, хвала́ми почти́м,/ и, покланя́ющеся моще́м их,/ любо́вныя принесе́м да́ры,/ ти́и бо суть к Бо́гу хода́таи// и моли́твенницы о душа́х на́ших.
Ин кондак, глас 8
Отцы́ всечестни́и, ли́че Богокра́сный,/ чуде́с мно́гих исто́чницы, ми́ро источа́ющии,/ сокро́вища краснобога́тная Госпо́дня, в земли́ сокрове́нная,/ не преста́йте, мо́лим вы, о нас моли́тися ко Го́споду, да зове́м вам:// ра́дуйтеся, всему́ ми́ру свети́льницы.
Величание
Велича́ем вас,/ преподо́бнии отцы́ на́ши Пече́рстии,/ и чтим святу́ю па́мять ва́шу,/ вы бо мо́лите о нас// Христа́, Бо́га на́шего.