Календарь за 23 августа 2026
| Пн | Вт | Ср | Чт | Пт | Сб | Вс |
Неделя 12-я по Пятидесятнице. Глас 3-й.
Мчч. архидиакона Лаврентия, Сикста папы, Феликиссима и Агапита диаконов, Романа, Римских (258). Блж. Лаврентия, Христа ради юродивого, Калужского (1515). Собор новомучеников и исповедников Соловецких.
Второе обретение и перенесение мощей прп. Саввы Сторожевского, Звенигородского (1998). Собор Валаамских святых (переходящее празднование в 1-е воскресенье после 6 августа).
Чтения дня
Матфея 28:16-20 (на утрене. Евангелие 1-e) 1 Коринфянам 15:1-11 Матфея 19:16-26
Любовь великая вещь есть, благо выше всех благ. Она одна облегчает все тягостное для нас и дает силу терпеливо перенести все превратности жизни.
Прп. Гавриил Седмиозерский (Зырянов)
Воскресный
Тропарь, глас 3
Да веселя́тся небе́сная,/ да ра́дуются земна́я,/ я́ко сотвори́ держа́ву/ мы́шцею Свое́ю Госпо́дь,/ попра́ сме́ртию сме́рть,/ пе́рвенец ме́ртвых бы́сть;/ из чре́ва а́дова изба́ви на́с,// и подаде́ ми́рови ве́лию ми́лость.
Кондак, глас 3
Воскре́сл еси́ дне́сь из гро́ба, Ще́дре,/ и на́с возве́л еси́ от вра́т сме́ртных;/ дне́сь Ада́м лику́ет, и ра́дуется Е́ва,/ вку́пе же и проро́цы с патриа́рхи воспева́ют непреста́нно// Боже́ственную держа́ву вла́сти Твоея́.
Преображения Господня
Тропарь, глас 7
Преобрази́лся еси́ на горе́, Христе́ Бо́же,/ показа́вый ученико́м Твои́м сла́ву Твою́,/ я́коже можа́ху,/ да возсия́ет и нам, гре́шным,/ Свет Твой присносу́щный/ моли́твами Богоро́дицы,// Светода́вче, сла́ва Тебе́.
Кондак, глас 7
На горе́ преобрази́лся еси́,/ и я́коже вмеща́ху ученицы́ Твои́,/ сла́ву Твою́, Христе́ Бо́же, ви́деша,/ да егда́ Тя у́зрят распина́ема,/ страда́ние у́бо уразуме́ют во́льное,/ ми́рови же пропове́дят,// я́ко Ты еси́ вои́стинну О́тчее сия́ние.
Священномученика Лаврентия Римского, архидиакона
Тропарь, глас 4
Му́ченик Твой, Го́споди, Лавре́нтий/ во страда́нии свое́м вене́ц прия́т нетле́нный от Тебе́, Бо́га на́шего,/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами// спаси́ ду́ши на́ша.
Кондак, глас 2
Огне́м Боже́ственным распали́в се́рдце твое́,/ огнь страсте́й до конца́ испепели́л еси́,/ страда́льцев утвержде́ние, Богоно́се му́чениче Лавре́нтие,/ и в страда́ниих вопия́л еси́ ве́рно:// ничто́же мя разлучи́т любве́ Христо́вы.
Величание
Велича́ем тя,/ страстоте́рпче святы́й Лавре́нтие,/ и чтим честна́я страда́ния твоя́,/ я́же за Христа́/ претерпе́л еси́.
Блаженного Лаврентия Калужского, Христа ради юродивого
Тропарь, глас 4
Просвети́вся Боже́ственною благода́тию, Богому́дре,/ и весь ра́зум и се́рдце от су́етнаго ми́ра сего́/ к Зижди́телю неукло́нно возложи́в,/ целому́дрием и мно́гим терпе́нием во вре́менней жи́зни тече́ние до́бре сконча́л еси́/ и ве́ру соблю́л еси́ непоро́чну./ Те́мже и по сме́рти яви́ся све́тлость жития́ твоего́,/ источа́еши бо чудесе́м исто́чник неисчерпа́емый/ ве́рою притека́ющим ко свято́му твоему́ гро́бу, Лавре́нтие всеблаже́нне,/ моли́ Христа́ Бо́га, да спасе́т ду́ши на́ша.
Ин тропарь, глас 3
Свя́тый пра́ведный Лавре́нтие,/ моли́ Ми́лостиваго Бо́га,/ да прегреше́ний оставле́ние/ пода́ст душа́м на́шим.
Кондак, глас 8
Избра́нному и ди́вному в пра́ведницех,/ и́же у́бо от Христа́ дар чуде́с прии́мшему,/ похва́льныя ны́не принесе́м глаго́лы,/ но я́ко име́я дерзнове́ние ко Святе́й Тро́ице,/ ю́же моли́ изба́витися от бед рабо́м твои́м, да зове́м ти:/ ра́дуйся, Богому́дре Лавре́нтие.
Величание
Велича́ем тя,/ святы́й пра́ведный Лавре́нтие,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Cобора новомучеников и исповедников Соловецких
Тропарь, глас 1
Во страда́ниих ве́ру сохрани́вше,/ дре́вним му́чеником уподо́билися есте́, новому́ченицы солове́цтии,/ и, смерть за Христа́ прие́мше,/ к жи́зни ве́чней преста́вилися есте́,/ иде́же со все́ми святы́ми// мо́лите о душа́х на́ших.
Ин тропарь, глас 7
Днесь ото́цы Солове́тстии/ па́ки сла́вою от Го́спода венча́ются,/ я́ко ди́вных страстоте́рпец но́вых лик/ та́мо па́че звезд просиява́ет,/ очища́яй ны огнем страда́ний их,/ лю́те му́чимых и убие́нных./ Те́мже кре́пцею любо́вию притека́ем к вам,/ святоле́пное собра́ние святи́телей,/ иере́и же и и́ноци,/ и миря́н честны́х сосло́вие,/ за Христа́ на сих ото́цех пострада́вшии,/ я́ко мно́го дерзнове́ние стяжа́вшии,/ укрепи́те же приле́жными моли́твами и нас/ в ве́ре и́стинней и благоче́стии// ста́ти да́же и до кро́ве.
Кондак, глас 3
Днесь Престо́лу Бо́жию предстоя́т новому́ченицы Солове́цтии/ и с Небе́сными ли́ки за ны мо́лятся Бо́гу,/ мы же, па́мять их благогове́йно соверша́юще, взыва́ем:/ ра́дуйтеся, достопокланя́емии сро́дницы на́ши,// я́ко мзда ва́ша мно́га на Небесе́х.
Ин кондак, глас 2
Христо́вою любо́вию распаля́еми, му́ченицы,/ и Того́ крест на ра́мо взе́мше,/ понесли́ есте́, боже́ственне претерпева́юще лю́тость мук,/ в соверше́ннем смире́нии/ во́ле Бо́жией предаю́ще себе́,/ непоколеби́ми пребы́сте/ во всех мы́слимых и немы́слимых беда́х:/ терза́еми, жего́ми, стру́жеми,/ те́мже благода́ть Госпо́дню прия́ли есте́/ утвержда́ти в ве́ре и благоче́стии всех,/ с любо́вию к вам притека́ющих,/ тем зове́м вам:// ра́дуйтеся, новому́ченицы и испове́дницы Солове́цтии.
Величание
Велича́ем вас,/ святи́и новому́ченицы и испове́дницы солове́цтии,/ и чтим честна́я страда́ния ва́ша,/ я́же за Христа́/ претерпе́ли есте́.
Преподобного Саввы Сторожевского, Звенигородского
Тропарь, глас 8
Пусты́ни яви́лся еси́ до́брое прозябе́ние, преподо́бне:/ от ю́ности бо изво́лил еси́ чи́стое житие́,/ духо́вному твоему́ учи́телю после́дуя,/ и того́ уче́нием ум к Небе́сным впери́в,/ и ста́ду твоему́ прему́др наста́вник показа́лся еси́,/ тем и Христо́с, я́ко пресве́тла тя свети́льника, чудесы́ обогати́,// Са́вво, о́тче наш, моли́ спасти́ся душа́м на́шим.
Ин тропарь, глас 8
От ю́ности Боже́ственною распаля́ем ре́вностию,/ возлюби́л еси́ чи́стое житие́,/ презре́в ми́ра сего́ кра́сная и су́етная,/ после́довал еси́ твоему́ Богому́дрому учи́телю, преблаже́нному Се́ргию,/ в труде́ и бде́нии, в посте́ и по́двизе:/ на Сторо́жи я́влься безмо́лвия ра́ди и стра́жи духо́вныя/ недре́мленным на Боже́ственней стра́жи предстоя́нием/ стяжа́л еси́ ум, зряй к Бо́гу,/ и де́монския ко́зни и обстоя́ния прозира́яй,/ озаре́ние Пресвята́го Ду́ха в себе́ восприе́м,/ яко звезда́ пресве́тлая еси́ ве́рным./ Те́мже и прему́др и светоза́рен предстоя́тель/ и па́стырь ста́ду твоему́ яви́лся еси́,/ све́том твои́м просвеща́й и всех,// приходя́щих к тебе́ ве́рою, о́тче наш Са́вво, и моли́ Христа́ Бо́га, да спасе́т ду́ши на́ша.
Кондак, глас 8
Безмо́лвия ра́ди и пло́ти распина́ния/ всели́выйся на горе́ Сторо́жи,/ яви́лся еси́, преподо́бне Са́вво, сто́лп ве́ры непоколеби́мый,/ от Пресвята́го Ду́ха осия́нный,/ оби́тель пречестна́я Тро́ицы,/ и непреста́нными моли́твами, сле́зными воздыха́нии и по́двигами благода́ти Боже́ственныя соприча́стник;/ те́мже и Христо́с в нетле́нии моще́й твои́х просла́ви тя,/ и да́ром чуде́с украси́ тя./ Мы же ра́достно ти вопие́м:// ра́дуйся, Са́вво, вели́кий чудотво́рче.
Величание
Ублажа́ем тя,/ преподо́бне о́тче Са́вво,/ и чтим святу́ю па́мять твою́,/ наста́вниче мона́хов// и собесе́дниче А́нгелов.
Собора Валаамских святых
Тропарь, глас 3
Днесь оби́тель Валаа́мская/ на трапе́зу духо́вную всех созыва́ет,/ соверша́ющи па́мять богоно́сных отце́в,/ по́двиги и́ноческими ю украси́вших./ Стеце́мся, ве́рнии, преподо́бных собо́р восхва́лим/ и житию́ их честно́му поревну́им,/ да прича́стницы Све́та Трисо́лнечнаго яви́мся,// пою́ще Отца́ и Сы́на, и Ду́ха Свята́го во ве́ки.
Кондак, глас 7
На гора́х Валаа́ма, отцы́ преблаже́ннии, всели́лися есте́,/ сло́во ева́нгельское сердцы́ благи́ми восприи́мше;/ моли́твами, слеза́ми и мно́гими злострада́нии/ усе́рдно Христо́ви сораспя́лися есте́;/ сего́ ра́ди, блиста́ньми Све́та Его́ озаря́еми,/ свети́льницы ми́ру яви́лися есте́, велегла́сно пропове́дающе,// я́ко Сы́н Бо́жий е́сть вои́стину О́тчее сия́ние.
Величание
Велича́ем вас,/ вси святи́и, на Валаа́ме просия́вшии,/ и чтим святу́ю па́мять ва́шу,/ вы бо мо́лите за нас// Христа́ Бо́га на́шего.
Ино величание
Ублажа́ем вас,/ преподо́бнии отцы́ на́ши Валаа́мстии,/ и чтим святу́ю па́мять ва́шу,/ наста́вницы мона́хов// и собесе́дницы ангелов.
Воскресный
Тропарь, глас 3
Да веселя́тся небе́сная,/ да ра́дуются земна́я,/ я́ко сотвори́ держа́ву/ мы́шцею Свое́ю Госпо́дь,/ попра́ сме́ртию сме́рть,/ пе́рвенец ме́ртвых бы́сть;/ из чре́ва а́дова изба́ви на́с,// и подаде́ ми́рови ве́лию ми́лость.
Кондак, глас 3
Воскре́сл еси́ дне́сь из гро́ба, Ще́дре,/ и на́с возве́л еси́ от вра́т сме́ртных;/ дне́сь Ада́м лику́ет, и ра́дуется Е́ва,/ вку́пе же и проро́цы с патриа́рхи воспева́ют непреста́нно// Боже́ственную держа́ву вла́сти Твоея́.
Преображения Господня
Тропарь, глас 7
Преобрази́лся еси́ на горе́, Христе́ Бо́же,/ показа́вый ученико́м Твои́м сла́ву Твою́,/ я́коже можа́ху,/ да возсия́ет и нам, гре́шным,/ Свет Твой присносу́щный/ моли́твами Богоро́дицы,// Светода́вче, сла́ва Тебе́.
Кондак, глас 7
На горе́ преобрази́лся еси́,/ и я́коже вмеща́ху ученицы́ Твои́,/ сла́ву Твою́, Христе́ Бо́же, ви́деша,/ да егда́ Тя у́зрят распина́ема,/ страда́ние у́бо уразуме́ют во́льное,/ ми́рови же пропове́дят,// я́ко Ты еси́ вои́стинну О́тчее сия́ние.
Священномученика Лаврентия Римского, архидиакона
Тропарь, глас 4
Му́ченик Твой, Го́споди, Лавре́нтий/ во страда́нии свое́м вене́ц прия́т нетле́нный от Тебе́, Бо́га на́шего,/ име́яй бо кре́пость Твою́,/ мучи́телей низложи́,/ сокруши́ и де́монов немощны́я де́рзости./ Того́ моли́твами// спаси́ ду́ши на́ша.
Кондак, глас 2
Огне́м Боже́ственным распали́в се́рдце твое́,/ огнь страсте́й до конца́ испепели́л еси́,/ страда́льцев утвержде́ние, Богоно́се му́чениче Лавре́нтие,/ и в страда́ниих вопия́л еси́ ве́рно:// ничто́же мя разлучи́т любве́ Христо́вы.
Величание
Велича́ем тя,/ страстоте́рпче святы́й Лавре́нтие,/ и чтим честна́я страда́ния твоя́,/ я́же за Христа́/ претерпе́л еси́.
Блаженного Лаврентия Калужского, Христа ради юродивого
Тропарь, глас 4
Просвети́вся Боже́ственною благода́тию, Богому́дре,/ и весь ра́зум и се́рдце от су́етнаго ми́ра сего́/ к Зижди́телю неукло́нно возложи́в,/ целому́дрием и мно́гим терпе́нием во вре́менней жи́зни тече́ние до́бре сконча́л еси́/ и ве́ру соблю́л еси́ непоро́чну./ Те́мже и по сме́рти яви́ся све́тлость жития́ твоего́,/ источа́еши бо чудесе́м исто́чник неисчерпа́емый/ ве́рою притека́ющим ко свято́му твоему́ гро́бу, Лавре́нтие всеблаже́нне,/ моли́ Христа́ Бо́га, да спасе́т ду́ши на́ша.
Ин тропарь, глас 3
Свя́тый пра́ведный Лавре́нтие,/ моли́ Ми́лостиваго Бо́га,/ да прегреше́ний оставле́ние/ пода́ст душа́м на́шим.
Кондак, глас 8
Избра́нному и ди́вному в пра́ведницех,/ и́же у́бо от Христа́ дар чуде́с прии́мшему,/ похва́льныя ны́не принесе́м глаго́лы,/ но я́ко име́я дерзнове́ние ко Святе́й Тро́ице,/ ю́же моли́ изба́витися от бед рабо́м твои́м, да зове́м ти:/ ра́дуйся, Богому́дре Лавре́нтие.
Величание
Велича́ем тя,/ святы́й пра́ведный Лавре́нтие,/ и чтим святу́ю па́мять твою́,/ ты бо мо́лиши за нас/ Христа́ Бо́га на́шего.
Cобора новомучеников и исповедников Соловецких
Тропарь, глас 1
Во страда́ниих ве́ру сохрани́вше,/ дре́вним му́чеником уподо́билися есте́, новому́ченицы солове́цтии,/ и, смерть за Христа́ прие́мше,/ к жи́зни ве́чней преста́вилися есте́,/ иде́же со все́ми святы́ми// мо́лите о душа́х на́ших.
Ин тропарь, глас 7
Днесь ото́цы Солове́тстии/ па́ки сла́вою от Го́спода венча́ются,/ я́ко ди́вных страстоте́рпец но́вых лик/ та́мо па́че звезд просиява́ет,/ очища́яй ны огнем страда́ний их,/ лю́те му́чимых и убие́нных./ Те́мже кре́пцею любо́вию притека́ем к вам,/ святоле́пное собра́ние святи́телей,/ иере́и же и и́ноци,/ и миря́н честны́х сосло́вие,/ за Христа́ на сих ото́цех пострада́вшии,/ я́ко мно́го дерзнове́ние стяжа́вшии,/ укрепи́те же приле́жными моли́твами и нас/ в ве́ре и́стинней и благоче́стии// ста́ти да́же и до кро́ве.
Кондак, глас 3
Днесь Престо́лу Бо́жию предстоя́т новому́ченицы Солове́цтии/ и с Небе́сными ли́ки за ны мо́лятся Бо́гу,/ мы же, па́мять их благогове́йно соверша́юще, взыва́ем:/ ра́дуйтеся, достопокланя́емии сро́дницы на́ши,// я́ко мзда ва́ша мно́га на Небесе́х.
Ин кондак, глас 2
Христо́вою любо́вию распаля́еми, му́ченицы,/ и Того́ крест на ра́мо взе́мше,/ понесли́ есте́, боже́ственне претерпева́юще лю́тость мук,/ в соверше́ннем смире́нии/ во́ле Бо́жией предаю́ще себе́,/ непоколеби́ми пребы́сте/ во всех мы́слимых и немы́слимых беда́х:/ терза́еми, жего́ми, стру́жеми,/ те́мже благода́ть Госпо́дню прия́ли есте́/ утвержда́ти в ве́ре и благоче́стии всех,/ с любо́вию к вам притека́ющих,/ тем зове́м вам:// ра́дуйтеся, новому́ченицы и испове́дницы Солове́цтии.
Величание
Велича́ем вас,/ святи́и новому́ченицы и испове́дницы солове́цтии,/ и чтим честна́я страда́ния ва́ша,/ я́же за Христа́/ претерпе́ли есте́.
Преподобного Саввы Сторожевского, Звенигородского
Тропарь, глас 8
Пусты́ни яви́лся еси́ до́брое прозябе́ние, преподо́бне:/ от ю́ности бо изво́лил еси́ чи́стое житие́,/ духо́вному твоему́ учи́телю после́дуя,/ и того́ уче́нием ум к Небе́сным впери́в,/ и ста́ду твоему́ прему́др наста́вник показа́лся еси́,/ тем и Христо́с, я́ко пресве́тла тя свети́льника, чудесы́ обогати́,// Са́вво, о́тче наш, моли́ спасти́ся душа́м на́шим.
Ин тропарь, глас 8
От ю́ности Боже́ственною распаля́ем ре́вностию,/ возлюби́л еси́ чи́стое житие́,/ презре́в ми́ра сего́ кра́сная и су́етная,/ после́довал еси́ твоему́ Богому́дрому учи́телю, преблаже́нному Се́ргию,/ в труде́ и бде́нии, в посте́ и по́двизе:/ на Сторо́жи я́влься безмо́лвия ра́ди и стра́жи духо́вныя/ недре́мленным на Боже́ственней стра́жи предстоя́нием/ стяжа́л еси́ ум, зряй к Бо́гу,/ и де́монския ко́зни и обстоя́ния прозира́яй,/ озаре́ние Пресвята́го Ду́ха в себе́ восприе́м,/ яко звезда́ пресве́тлая еси́ ве́рным./ Те́мже и прему́др и светоза́рен предстоя́тель/ и па́стырь ста́ду твоему́ яви́лся еси́,/ све́том твои́м просвеща́й и всех,// приходя́щих к тебе́ ве́рою, о́тче наш Са́вво, и моли́ Христа́ Бо́га, да спасе́т ду́ши на́ша.
Кондак, глас 8
Безмо́лвия ра́ди и пло́ти распина́ния/ всели́выйся на горе́ Сторо́жи,/ яви́лся еси́, преподо́бне Са́вво, сто́лп ве́ры непоколеби́мый,/ от Пресвята́го Ду́ха осия́нный,/ оби́тель пречестна́я Тро́ицы,/ и непреста́нными моли́твами, сле́зными воздыха́нии и по́двигами благода́ти Боже́ственныя соприча́стник;/ те́мже и Христо́с в нетле́нии моще́й твои́х просла́ви тя,/ и да́ром чуде́с украси́ тя./ Мы же ра́достно ти вопие́м:// ра́дуйся, Са́вво, вели́кий чудотво́рче.
Величание
Ублажа́ем тя,/ преподо́бне о́тче Са́вво,/ и чтим святу́ю па́мять твою́,/ наста́вниче мона́хов// и собесе́дниче А́нгелов.
Собора Валаамских святых
Тропарь, глас 3
Днесь оби́тель Валаа́мская/ на трапе́зу духо́вную всех созыва́ет,/ соверша́ющи па́мять богоно́сных отце́в,/ по́двиги и́ноческими ю украси́вших./ Стеце́мся, ве́рнии, преподо́бных собо́р восхва́лим/ и житию́ их честно́му поревну́им,/ да прича́стницы Све́та Трисо́лнечнаго яви́мся,// пою́ще Отца́ и Сы́на, и Ду́ха Свята́го во ве́ки.
Кондак, глас 7
На гора́х Валаа́ма, отцы́ преблаже́ннии, всели́лися есте́,/ сло́во ева́нгельское сердцы́ благи́ми восприи́мше;/ моли́твами, слеза́ми и мно́гими злострада́нии/ усе́рдно Христо́ви сораспя́лися есте́;/ сего́ ра́ди, блиста́ньми Све́та Его́ озаря́еми,/ свети́льницы ми́ру яви́лися есте́, велегла́сно пропове́дающе,// я́ко Сы́н Бо́жий е́сть вои́стину О́тчее сия́ние.
Величание
Велича́ем вас,/ вси святи́и, на Валаа́ме просия́вшии,/ и чтим святу́ю па́мять ва́шу,/ вы бо мо́лите за нас// Христа́ Бо́га на́шего.
Ино величание
Ублажа́ем вас,/ преподо́бнии отцы́ на́ши Валаа́мстии,/ и чтим святу́ю па́мять ва́шу,/ наста́вницы мона́хов// и собесе́дницы ангелов.